Gweinyddu apwyntiadau

Mae'r safon hon yn ymwneud â gweinyddu apwyntiadau.  Bydd angen i chi allu derbyn a chofnodi gwybodaeth ar gyfer apwyntiadau.  Ar sail y wybodaeth hon, bydd angen i chi wedyn drefnu apwyntiadau a chyfleu apwyntiadau i bobl eraill.

Hefyd, mae'r safon hon yn ymwneud â derbyn unigolion ar gyfer apwyntiadau.  Bydd angen i chi gyfathrebu ag unigolion yn effeithiol a gwirio'u manylion.  Oherwydd yr agweddau sensitif sydd ynghlwm, bydd angen i chi gynnal eu hurddas a'u cyfrinachedd.  Hefyd, bydd angen i chi gofnodi canlyniad apwyntiadau.  Gall y canlyniad fod fel a ganlyn, er enghraifft: apwyntiad dilynol, rhyddhau, ychwanegu unigolyn at restr aros, neu dderbyn i ysbyty.

Ar gyfer y safon hon, bydd angen ymwybyddiaeth dda arnoch o weinyddu cofnodion a phwysigrwydd ansawdd data.  Hefyd, bydd angen i chi gadw at brotocolau a gweithdrefnau'r sefydliad.

---

1. cael at a dehongli'n gywir yr holl wybodaeth a chyfarwyddiadau gwaith sy'n berthnasol
2. gweithio'n ddiogel bob amser ac yn unol â'r holl ddeddfwriaeth, canllawiau, polisïau, gweithdrefnau a phrotocolau perthnasol
3. delio'n brydlon ac yn effeithiol ag unrhyw broblemau o fewn eich rheolaeth a rhoi gwybod am broblemau na ellir eu datrys
4. cyfathrebu â'r unigolyn a phobl allweddol yn ôl cyflymder, modd a lefel sy'n briodol i ddealltwriaeth ac anghenion yr unigolyn, a'r hyn sy'n well ganddo
5. parchu hawliau a dymuniadau'r unigolyn o ran ei breifatrwydd, ei gredoau a'i urddas
6. cadarnhau pwy yw'r unigolyn yn unol â gweithdrefnau'r sefydliad
7. cael y wybodaeth ofynnol ar gyfer apwyntiadau
8. gwirio'r apwyntiadau yn erbyn y copi meistr a chymryd y camau priodol lle ceir gwahaniaethau
9. cofnodi'r wybodaeth atgyfeirio angenrheidiol
10. trosglwyddo'r atgyfeiriad i bobl eraill berthnasol i'w flaenoriaethu o fewn yr amserlen ofynnol
11. neilltuo apwyntiadau yn unol â pholisïau a gweithdrefnau'r sefydliad
12. trefnu apwyntiadau neu roi'r unigolyn ar y rhestr briodol
13. cyfleu statws apwyntiadau i unigolion ac i bobl allweddol
14. monitro p'un a oes apwyntiadau ar gael a sicrhau'r defnydd effeithiol o apwyntiadau i fodloni gofynion y sefydliad
15. ad-drefnu neu ail-neilltuo apwyntiadau a chyfleu gwybodaeth newydd i'r unigolyn ac i bobl eraill berthnasol
16. sicrhau bod yr holl gofnodion perthnasol ar gael ar gyfer yr apwyntiad
17. cymryd y camau priodol os bydd cofnodion ar goll
18. cofnodi bod yr unigolyn wedi cyrraedd a throsglwyddo'r cofnodion i'r person perthnasol
19. cysoni apwyntiadau trwy gydbwyso presenoldeb yn ôl apwyntiadau a drefnwyd
20. prosesu cofnodion yn gywir yn unol â chanlyniad yr apwyntiad
21. cynnal cyfrinachedd gwybodaeth bob amser
22. cwblhau a storio'r holl ddogfennaeth berthnasol yn unol â gofynion y sefydliad

---

1. y ddeddfwriaeth, y canllawiau, y polisïau, y gweithdrefnau a'r protocolau presennol sy'n berthnasol i'ch ymarfer yn y gwaith, ac y mae'n rhaid i chi gadw atynt
2. cwmpas a chyfyngiadau eich cymhwysedd, eich cyfrifoldebau a'ch atebolrwydd eich hun fel y bo'n berthnasol i'ch rôl 
3. sut i gael at a dehongli'r holl wybodaeth a chyfarwyddiadau gwaith sy'n berthnasol
4. gweithdrefnau penodol ar gyfer rhoi gwybod am broblemau sydd y tu hwnt i'ch cymhwysedd, eich cyfrifoldebau a'ch atebolrwydd
5. y ddyletswydd i roi gwybod am unrhyw weithred neu anwaith a allai fod yn anniogel/yn niweidiol i chi neu i eraill
6. y peryglon a'r risgiau a allai godi wrth i chi gyflawni eich rôl a sut y gallwch eu lleihau
7. sut i addasu arddulliau cyfathrebu mewn ffyrdd sy'n briodol i anghenion yr unigolyn
8. anghenion unigolion, gan gynnwys materion yn ymwneud ag urddas, cyfrinachedd a phreifatrwydd
9. strwythurau, rolau a chyfrifoldebau rheoli'r sefydliad
10. sut i gael cadarnhad cadarnhaol o bwy yw unigolyn, yn unol â gweithdrefnau'r sefydliad
11. pwysigrwydd cynnal cyfrinachedd a'r rhesymau dros hynny
12. pwysigrwydd dilysu a chofnodi data amserol, cywir a pherthnasol, a'r rhesymau dros hynny
13. polisïau a gweithdrefnau'r sefydliad ar gyfer trefnu amser a neilltuo apwyntiadau
14. sut i reoli cofnodion dyblyg
15. swyddogaeth y set ddata sylfaenol a'r defnydd ohoni
16. pwysigrwydd cynnal urddas yr unigolyn a'i drin gyda pharch
17. sut i gyfathrebu'n effeithio ag unigolion a phobl eraill
18. sut i ddelio â sefyllfaoedd anodd a all godi
19. gweithdrefnau cofnodion ar gyfer unigolion ag apwyntiadau
20. y camau i'w cymryd os bydd cofnodion ar goll
21. deilliannau gweinyddol apwyntiadau
22. sut i gysoni rhestri apwyntiadau
23. sut i gwblhau'r holl ddogfennaeth berthnasol yn unol â gofynion y sefydliad, a'i storio'n ddiogel 

---

---

---

---

---

---

---

---

---

---

---

2026

---

Ar hyn o bryd

---

Gwreiddiol

---

Skills for Health

---

SFHGEN25

---

Rheolwyr ac Uwch Swyddogion, Gweithwyr Proffesiynol Cyswllt a Galwedigaethau Technegol, Gweithwyr iechyd proffesiynol, Gwasanaethau Cyhoeddus a Gofal, Swyddogion Iechyd a Gwasanaethau Cymdeithasol, Lechyd, Galwedigaethau Gwasanaethau Personol, Iechyd a Gofal Cymdeithasol

---

2219

---

Gweinyddu, apwyntiadau

---