Atal mynediad neu drosglwyddo eitemau gwaharddedig neu dan gyfyngiad i uned ddiogel
Trosolwg
Mae’r safon hon yn ymwneud â’r mesurau diogelwch, gan gynnwys chwiliadau personol ac amgylcheddol, y mae’n rhaid eu defnyddio er mwyn cadw deunyddiau anghyfreithlon allan o gyrraedd unigolion a allai gamddefnyddio’r deunyddiau hyn. Gall mesurau diogelwch fod yn ysgogiad i rai unigolion, gan achosi trallod iddynt. Mae angen sgiliau, sensitifrwydd a thact wrth eu rhoi ar waith a’u rheoli, nodweddion sy’n annatod i Ddull y Rhaglen Ofal, sy’n anelu at hyrwyddo dull a rheolaeth eglur a chyson.
Bydd angen i ddefnyddwyr y safon hon sicrhau bod ymarfer yn adlewyrchu gwybodaeth a pholisïau cyfredol.
Meini prawf perfformiad
Mae'n rhaid eich bod chi'n gallu:
P1. rhoi gwybod i unigolion am y polisi ar eitemau gwaharddedig ac eitemau dan gyfyngiad
P2. lle bo’n bosibl, cwblhau a rhoi’r asesiad risg a’r cynllun rheoli ar waith mewn partneriaeth â’r unigolyn, os oes gan yr unigolyn broblem camddefnyddio sylweddau
P3. sicrhau eich bod yn cadw at bolisi eich sefydliad ar eitemau gwaharddedig ac eitemau dan gyfyngiad
P4. gwneud yn siŵr bod y polisi ar eitemau gwaharddedig ac eitemau dan gyfyngiad yn weladwy iawn pan ddaw pobl i mewn
P5. sicrhau bod systemau ar waith sy’n gofyn i ymwelwyr gydymffurfio â’r polisi ar eitemau gwaharddedig ac eitemau dan gyfyngiad
P6. sicrhau bod staff ac ymwelwyr yn mynd trwy broses ddarganfod sy’n addas ar gyfer y lleoliad (e.e. cyfarpar datgelydd metel, archwilio bagiau, chwilio ar hap trwy gyffwrdd dillad), pan fo’n berthnasol
P7. gwneud cofnod cywir a chyflawn o eiddo personol yr unigolyn, gyda chydweithrediad yr unigolyn os yw’n bosibl
P8. meithrin deallusrwydd am fynediad posibl a mynediad gwirioneddol eitemau gwaharddedig ac eitemau dan gyfyngiad
P9. arsylwi ymddygiad yr unigolyn a, phan fyddwch chi’n amau y gall unrhyw newidiadau fod o ganlyniad i bresenoldeb eitemau gwaharddedig neu eitemau dan gyfyngiad, cydnabod a rhannu eich amheuon gydag aelodau eraill o’r tîm amlddisgyblaethol
P10. pan fydd tystiolaeth bod unigolyn yn tanseilio diogelwch trwy geisio cael rhywun i ddod ag eitemau anghyfreithlon i mewn iddo, gwella diogelwch trwy fonitro post a galwadau ffôn a chychwyn ymweliadau caeedig
P11. darganfod eitemau mewn ardaloedd mynediad a chlinigol lle’r ydych chi’n amau bod y polisi wedi cael ei dorri (e.e. defnyddio datgelyddion metel, archwilio bagiau ymwelwyr, defnyddio cŵn synhwyro cyffuriau, cynnal chwiliad)
P12. pan fydd tystiolaeth y gall eitemau gwaharddedig neu eitemau dan gyfyngiad fod yn bresennol, chwilio ystafell, ward neu ardal ymwelwyr
P13. cymhwyso lefel ymwthiol sy’n gymesur i lefel y risg yn ystod unrhyw chwiliad o’r unigolyn a/neu ei eiddo personol
P14. ymgymryd â phob chwiliad gan roi ystyriaeth briodol i urddas a phreifatrwydd, gan ddefnyddio aelodau staff o’r un rhyw
P15. gwybod gyda phwy y dylech gysylltu os bydd unigolyn yn gwrthod cael ei chwilio, a sut i symud ymlaen
Gwybodaeth a Dealltwriaeth
You need to know and understand:
K1. sut i gasglu a defnyddio deallusrwydd am unrhyw hanes o gamddefnyddio sylweddau a/neu gyflenwi gan unigolion, eu teulu a/neu eu rhwydweithiau cymdeithasol, ac unrhyw risgiau posibl o lithro’n ôl i’w hen arferion mewn lleoliad cymunedol
K2. cydweithio ag asiantaethau eraill o ran sylweddau/deunyddiau anghyfreithlon neu waharddedig
K3. adroddiadau ymchwiliadau i leoliadau iechyd meddwl fforensig, gan gynnwys argymhellion a dadansoddiad o ymarfer wrth ddarganfod eitemau gwaharddedig neu eitemau dan gyfyngiad
K4. anhwylderau iechyd meddwl
K5. camddefnyddio cyffuriau, alcohol neu sylweddau
K6. yr ymagwedd system gyfan at lefel y diogelwch a rolau unigolion, gan gynnwys eich rôl eich hun
K7. fframwaith cyfreithiol a chodau ymarfer sy’n ategu mesurau diogelwch (e.e. deddfwriaeth iechyd meddwl)
K8. system adrodd deallusrwydd diogelwch
K9. system adrodd digwyddiadau andwyol (e.e. ffurflenni achosion y bu ond y dim iddynt ddigwydd)
K10. protocolau a thechnegau chwilio personol ac amgylcheddol a’r defnydd diogel a chyson ohonynt
K11. polisi lleol ar ddiogelwch corfforol
K12. codau ymddygiad proffesiynol a moeseg
K13. hawliau cyfreithiol unigolion ac ymwelwyr
K14. technegau arsylwi
K15. technegau chwilio
K16. sgiliau negodi
K17. credoau crefyddol gwahanol ddiwylliannau
K18. effeithiau diwylliant a chredoau crefyddol ar arddulliau cyfathrebu unigol
K19. y gwahanol nodweddion y mae’n rhaid bod gan wasanaethau i fodloni anghenion rhywedd, diwylliant, iaith neu anghenion eraill pobl
K20. effeithiau gwahanol ddiwylliannau a chrefyddau ar reoli gofal
K21. egwyddor cyfrinachedd a pha wybodaeth all gael ei rhoi i bwy
K22. sut dylid cofnodi a storio gwybodaeth a geir oddi wrth unigolion
Cwmpas/ystod
Cwmpas Perfformiad
Gwybodaeth Cwmpas
Gwerthoedd
Ymddygiadau
Sgiliau
Geirfa
Dolenni I NOS Eraill
Cysylltiadau Allanol
Mae’r safon hon yn cysylltu â’r dimensiwn canlynol o fewn Fframwaith Gwybodaeth a Sgiliau’r GIG (Hydref 2004):
Dimensiwn: Craidd 3 Iechyd, diogelwch a diogeledd