Cytuno ar newid i lefel y diogelwch sy’n berthnasol i unigolyn
Trosolwg
Mae’r safon hon yn ymwneud â chodi neu ostwng lefel diogelwch unigolyn ar sail asesiad o risg a buddion newid. Fel ym mhob sefyllfa, mae angen nodi’r driniaeth sydd ei hangen ar yr unigolyn a’r cyfuniad o ddiogelwch corfforol, gweithdrefnol a pherthynol sydd ei angen er mwyn darparu’r driniaeth honno’n ddiogel. Yn ganolog i’r safon hon yw’r defnydd o Ddull y Rhaglen Ofal fel ffynhonnell wybodaeth a mecanwaith ar gyfer ymgymryd â gwneud y penderfyniadau gorau.
Bydd angen i ddefnyddwyr y safon hon sicrhau bod ymarfer yn adlewyrchu gwybodaeth a pholisïau cyfredol.
Meini prawf perfformiad
Mae'n rhaid eich bod chi'n gallu:
P1. adolygu’r wybodaeth o’r cynllun gofal integredig am hanes risg, rheswm dros dderbyn, asesiad risg a chynllun rheoli’r unigolyn (e.e. graddau’r perygl clir a phresennol i bobl eraill, lefel risg dianc, difrifoldeb y brif drosedd)
P2. trafod, gyda’r tîm amlddisgyblaethol, i ba raddau y mae’r meini prawf derbyn yn berthnasol o hyd i’r unigolyn a gwybodaeth arall a all ddylanwadu ar benderfyniad i newid ar ba lefel ddiogelwch y mae’r unigolyn yn cael ei chadw
P3. ymgysylltu â’r unigolyn a thrafod y newid posibl, a gwerthuso’i farn a’i deimladau a’r ymateb tebygol i newid
P4. ystyried defnyddio eiriolaeth i sicrhau bod llais yr unigolyn yn cael ei glywed
P5. addasu’r cynllun gofal integredig, gan gytuno ar y risgiau, y buddion, bregusrwydd, anghenion triniaeth a’r deiliannau i’r unigolyn
P6. cytuno ar y cyfuniad o ddiogelwch corfforol, gweithdrefnol a pherthynol sydd ei angen i ddarparu’r driniaeth honno yn ddiogel
P7. nodi ffactorau a all ansefydlogi mewn lleoliad arall (e.e. cael at ddata a gasglwyd ar gyfer archwiliad, dysgu’r gwersi o brofiad blaenorol/ffactorau risg os bydd unigolyn yn dychwelyd i lefel ddiogelwch flaenorol)
P8. nodi sut i ymateb i hapddigwyddiadau (e.e. dysgu’r gwersi o brofiad blaenorol, p’un ai i ddychwelyd yr unigolyn i’w lefel ddiogelwch bresennol)
P9. gwerthuso p’un a yw newid lefel y diogelwch ar gyfer cadw’r unigolyn yn debygol o arwain at fuddion
P10. nodi lleoliad â lefel ddiogelwch addas sydd â lle a chyfleusterau priodol, ac sy’n bodloni anghenion a lles pennaf yr unigolyn (e.e. o fewn cyrraedd hawdd i ofalwyr/pobl arwyddocaol eraill i gynnal cysylltiad)
P11. cytuno â staff yn y lleoliad arfaethedig ar risgiau, buddion, anghenion triniaeth a deilliannau, a ph’un a fyddant yn derbyn yr unigolyn i’r lleoliad
P12. esbonio’r penderfyniadau sydd wedi cael eu gwneud wrth yr unigolyn, teulu a gofalwyr, a thrafod unrhyw bryderon allai fod ganddynt
Gwybodaeth a Dealltwriaeth
You need to know and understand:
K1. asesu uniongyrchedd a difrifoldeb risg bresennol a risg bosibl
K2. effaith yr amgylchedd corfforol a strwythurau ar ymddygiadau risg presennol ac ymddygiadau risg posibl
K3. casglu gwybodaeth a methodolegau perthnasol a chyfredol ar gyfer gwneud hynny (e.e. HCR 20)
K4. gwerthuso uniongyrchedd a difrifoldeb ymddygiadau risg
K5. asesiad risg
K6. nodi buddion gwahanol leoliadau a thriniaethau i unigolion
K7. adroddiadau ymchwiliadau i leoliadau iechyd meddwl fforensig, gan gynnwys argymhellion a dadansoddiad o ymarfer wrth neilltuo unigolion i lefelau diogelwch
K8. seicopathi ac anhwylder personoliaeth
K9. camddefnyddio cyffuriau, alcohol neu sylweddau
K10. ymddygiadau hunan-niweidiol, gan gynnwys clymiad
K11. athroniaeth therapiwtig, ffiniau a chyfundrefnau triniaeth yn eich sefydliad chi ac mewn sefydliadau eraill
K12. meini prawf derbyn lleol
K13. meini prawf derbyn i sefydliadau o bob lefel diogelwch
K14. lefelau diogelwch fel y cânt eu defnyddio yn y gwasanaeth carchardai, y GIG ac yn y sector annibynnol
K15. deddfwriaeth a rheoliadau iechyd meddwl presennol
K16. hawliau cyfreithiol unigolion
K17. sgiliau negodi
K18. protocolau cyfathrebu rhwng sefydliadau
K19. rolau eraill yn y broses (e.e. rhanddeiliaid mewnol ac allanol)
K20. sut i addasu arddulliau cyfathrebu mewn ffyrdd sy’n briodol i wahanol bobl (e.e. diwylliant, iaith neu anghenion arbennig)
K21. pryd a sut i ddefnyddio eiriolaeth
K22. credoau crefyddol gwahanol ddiwylliannau
K23. effeithiau diwylliant a chredoau crefyddol ar arddulliau cyfathrebu unigol
K24. y gwahanol nodweddion y mae’n rhaid bod gan wasanaethau i fodloni anghenion rhywedd, diwylliant, iaith neu anghenion eraill pobl
K25. effeithiau gwahanol ddiwylliannau a chrefyddau ar reoli gofal
K26. egwyddor cyfrinachedd a pha wybodaeth all gael ei rhoi i bwy
K27. sut dylid cofnodi a storio gwybodaeth a geir oddi wrth unigolion
Cwmpas/ystod
Cwmpas Perfformiad
Gwybodaeth Cwmpas
Gwerthoedd
Ymddygiadau
Sgiliau
Geirfa
Dolenni I NOS Eraill
Cysylltiadau Allanol
Mae’r safon hon yn cysylltu â’r dimensiwn canlynol o fewn Fframwaith Gwybodaeth a Sgiliau’r GIG (Hydref 2004):
Dimensiwn: HWB2 Asesu a chynllunio gofal i fodloni anghenion iechyd a lles