Cynorthwyo unigolyn mewn gofal iechyd meddwl fforensig i gymryd rhan mewn triniaeth
Trosolwg
Mae’r safon hon yn ymwneud â gwaith staff yn annog unigolion sydd dan ofal gwasanaethau iechyd meddwl fforensig i chwarae rhan mewn cynllunio a gweithredu eu hasesiad a’u triniaeth. Mae’n rhan annatod o Ddull y Rhaglen Ofal. Mae’n elfen sylweddol o ymgysylltu ag unigolion. Mae’n cydnabod bod unigolion yn gallu gwneud i ymgysylltu a thriniaeth fod yn anodd. Mae’r cymhwysedd yn disgrifio sut gall staff helpu unigolion i adnabod a gweithio trwy eu hanawsterau, gan felly ddarparu profiad cadarnhaol sy’n gallu cael ei gysylltu â’r broses adfer.
Bydd angen i ddefnyddwyr y safon hon sicrhau bod ymarfer yn adlewyrchu gwybodaeth a pholisïau cyfredol.
Meini prawf perfformiad
Mae'n rhaid eich bod chi'n gallu:
P1. ymgysylltu â’r unigolyn yn rhagweithiol (e.e. trwy fynd i siarad â’r unigolyn yn hytrach nag aros i’r unigolyn ddod atoch chi)
P2. datblygu deialog agored a gonest gyda’r unigolyn am ei driniaeth, sydd hefyd yn parchu profiad yr unigolyn
P3. pennu lefel ymwybyddiaeth yr unigolyn o’i symptomau pan fydd yn seicotig neu’n dioddef cam acíwt yn ei anhwylder meddyliol
P4. pennu i ba raddau mae’r unigolyn yn ymwybodol o brofiad pobl eraill ohono a sut mae ei feddyliau, ei deimladau a’i ymddygiad ei hun yn wahanol pan fydd yn sâl
P5. ymgysylltu â’r unigolyn mewn ffordd sy’n sensitif i’w allu a’i weithrediad gwybyddol
P6. asesu i ba raddau mae’r unigolyn yn barod am newid (e.e. ‘cam newid’ mewn Cyfweld Ysgogiadol) ac yn barod i gydymffurfio â’r cyfan o’i gynlluniau gofal, triniaeth a rheoli, neu rannau ohonynt
P7. helpu’r unigolyn i lunio neu adolygu Blaen-ddatganiad realistig sy’n gyson â’i gynllun gofal, ar gyfer sut mae’n dymuno cael ei drin os bydd yn mynd yn sâl, yn cynhyrfu neu’n dreisgar (e.e. pa ymyriadau sydd ar gael ac y dylid eu defnyddio)
P8. cynorthwyo’r unigolyn ag adnabod ysgogiadau neu batrymau a all arwain at unrhyw ymddygiad cynhyrfus neu dreisgar neu drallod emosiynol
P9. annog yr unigolyn i nodi’r triniaethau y mae’n eu ffafrio ymhlith yr ymyriadau meddygol, seicolegol, nyrsio a seicogymdeithasol sydd ar gael
P10. annog yr unigolyn i adnabod yr agweddau negyddol ar beidio â chymryd rhan i’w iechyd, ei droseddeg ac i ba mor hir y bydd yn rhaid iddo aros
P11. gwerthuso buddion cymryd risgiau cadarnhaol ac addasu’r cynlluniau rheoli yn unol â hynny
Gwybodaeth a Dealltwriaeth
You need to know and understand:
K1. technegau cyfweld a sut i’w defnyddio
K2. anhwylderau iechyd meddwl
K3. seicopathi ac anhwylder personoliaeth
K4. ymddygiadau hunan-niweidiol, gan gynnwys clymiad
K5 . ymddygiadau troseddol, yn enwedig ymddygiad treisgar nad yw’n gysylltiedig â salwch meddwl
K6. camddefnyddio sylweddau
K7. rheoli dicter
K8. technegau seicoaddysg
K9. yr amrywiaeth o ymyriadau meddygol, seicolegol, nyrsio a seicogymdeithasol sydd ar gael yn eich sefydliad eich hun ac mewn mannau eraill
K10. tystiolaeth o effeithiolrwydd gwahanol driniaethau, ar eu pen eu hunain ac ar y cyd
K11. adroddiadau ymchwiliadau i leoliadau iechyd meddwl fforensig, gan gynnwys argymhellion a dadansoddiad o ymarfer o ran triniaeth unigolion
K12. effaith deddfwriaeth a moddau troseddu gwahanol ar adfer a thuedd i aildroseddu
K13. amrywiaeth o dechnegau ymyrraeth therapiwtig
K14. amrywiaeth o arddulliau a dulliau cyfathrebu, gan gynnwys arddulliau a dulliau cyfweld
K15. yr effaith ar risg pan fydd unigolyn naill ai’n gwrthod cydymffurfio a/neu yn rhoi’r gorau i ddilyn ei gynllun triniaeth
K16. asesu uniongyrchedd a difrifoldeb risg bresennol a risg bosibl
K17. asesu effaith strwythurau a’r amgylchedd corfforol ar ymddygiadau risg presennol a phosibl
K18. casglu gwybodaeth berthnasol a chyfoes, a methodolegau ar gyfer gwneud hynny (e.e. HCR 20)
K19. technegau ar gyfer monitro a gwerthuso uniongyrchedd a difrifoldeb ymddygiadau risg a throseddu blaenorol
K20. nodi buddion gwahanol driniaethau i unigolion
K21. credoau crefyddol gwahanol ddiwylliannau
K22. effeithiau diwylliant a chredoau crefyddol ar arddulliau cyfathrebu unigol
K23. y gwahanol nodweddion y mae’n rhaid bod gan wasanaethau i fodloni anghenion rhywedd, diwylliant, iaith neu anghenion eraill pobl
K24. effeithiau gwahanol ddiwylliannau a chrefyddau ar reoli gofal
K25. egwyddor cyfrinachedd a pha wybodaeth all gael ei rhoi i bwy
K26. sut dylid cofnodi a storio gwybodaeth a geir oddi wrth unigolion
K27. archwiliad clinigol perthnasol
K28. y sylfaen dystiolaeth ac ymchwil ar gyfranogiad unigolion yn eu triniaeth
Cwmpas/ystod
Cwmpas Perfformiad
Gwybodaeth Cwmpas
Gwerthoedd
Ymddygiadau
Sgiliau
Geirfa
Dolenni I NOS Eraill
Cysylltiadau Allanol
Mae’r safon hon yn cysylltu â’r dimensiwn canlynol o fewn Fframwaith Gwybodaeth a Sgiliau’r GIG (Hydref 2004):
Dimensiwn: HWB4 Galluogi er mwyn mynd i’r afael ag anghenion iechyd a lles