Asesu, diagnosio a datgan anhwylder iechyd meddwl unigolyn
Trosolwg
Mae’r safon hon yn ymwneud ag adnabod anhwylder iechyd meddwl unigolyn a gwneud argymhellion am y driniaeth fwyaf addas ar gyfer llwybr at adfer. Mae’r broses yn manteisio ar safbwyntiau ac arbenigedd y tîm amlddisgyblaethol a’r unigolyn gan ddefnyddio Dull y Rhaglen Ofal. Gall fod goblygiadau cyfreithiol i’r canfyddiadau, o dan y Ddeddf Iechyd Meddwl (1983) a Deddf Iechyd Meddwl (Gofal a Thriniaeth) (Yr Alban) 2003, neu yn gysylltiedig ag amddiffyniad seiciatryddol neu addasrwydd i bledio. Mae asesiadau’n cael eu cyflawni mewn ffordd debyg i unigolion sy’n cael eu cyfeirio nid gan y llysoedd, ond gan wasanaethau iechyd meddwl eraill. Mae datganiad yn rhoi’r sylfaen ar gyfer cytuno ar sut i drin y broblem.
Bydd angen i ddefnyddwyr y safon hon sicrhau bod ymarfer yn adlewyrchu gwybodaeth a pholisïau cyfredol.
Meini prawf perfformiad
Mae'n rhaid eich bod chi'n gallu:
P1. ystyried data a gwybodaeth o bob ffynhonnell berthnasol, gan gynnwys adroddiadau a dogfennaeth flaenorol, safbwyntiau gweithwyr proffesiynol eraill a safbwyntiau’r unigolyn a theulu/gofalwr
P2. lle bo’n bosibl, cynnwys yr unigolyn mewn archwilio digwyddiadau, meddyliau a theimladau a all berthyn i’w cyflwr a’r llwybr at adfer
P3. holi ac arsylwi’r unigolyn yn ddigon manwl i gyfiawnhau ac ategu eich gwerthusiad o’u hanhwylder meddyliol
P4. nodi digon o nodweddion a pharhad symptomau i lunio diagnosis neu ddatganiad y gellir ei gyfiawnhau o’r broblem
P5. nodi a darparu tystiolaeth o unrhyw gysylltiad rhwng anhwylder meddyliol ac ymddygiad troseddol yr unigolyn, lle bo’n briodol
P6. nodi galluoedd a chryfderau’r unigolyn a all gyfrannu at ei adferiad (e.e. i reoli trais, hunan-niweidio, ailwaelu)
P7. defnyddio system asesu a diagnostig gydnabyddedig (e.e. DSM-IV, ICD-10) gyda mesurau seicometreg wedi’u dilysu, lle bo’n bosibl
P8. darparu a chofnodi, at ddiben archwilio, gwybodaeth, tystiolaeth ac ymresymiad ynghylch:
P8.1. natur a difrifoldeb anhwylder meddyliol yr unigolyn
P8.2. y risgiau mae’r unigolyn yn eu peri iddo’i hun, i bobl benodol ac i’r cyhoedd, gan ddefnyddio mesur risg cydnabyddedig (e.e. HCR-20)
P8.3. pa mor agored yw’r unigolyn i niwed gan eraill
P8.4. ffitrwydd yr unigolyn i bledio mewn achos troseddol
P8.5. argymhelliad ynghylch triniaeth feddygol a seicolegol, amgylchedd a chymorth, a chyfraniad tebygol yr unigolyn at ei adferiad
P8.6. argymhelliad ynghylch y cyfuniad o ddiogelwch corfforol, gweithdrefnol a pherthynol sydd ei angen
P8.7. p’un a yw’n bosibl cadw’r unigolyn yn gaeth o dan ddeddfwriaeth iechyd meddwl berthnasol
P8.8. dylanwad cydafiacheddau (e.e. camddefnyddio sylweddau, anhwylderau personoliaeth neu anhwylderau datblygiadol)
P8.9. datganiad mewn cyd-destun o’r ffactorau biolegol, seicolegol a chymdeithasol sy’n dylanwadu ar y cyflwyniad clinigol
P9. helpu’r unigolyn, gofalwyr a theulu i ddeall eich dadansoddiad a’ch argymhellion
Gwybodaeth a Dealltwriaeth
You need to know and understand:
K1. systemau diganostig
K2. casglu a chofnodi gwybodaeth
K3. asesiad actiwaraidd
K4. asesu hanes unigolyn o droseddu ac ymddygiadau troseddol
K5. asesu cytgord â chynlluniau triniaeth a chydymffurfio â ffiniau gweithdrefnol a chorfforol
K6. technegau cyfweld
K7. dulliau a gweithdrefnau ymchwiliadol
K8. adroddiadau ymchwiliadau i leoliadau iechyd meddwl fforensig, gan gynnwys argymhellion a dadansoddiad o ymarfer wrth asesu unigolion
K9. anhwylderau iechyd meddwl
K10. gweithio gydag unigolion ag anghenion cymhleth ac sy’n fregus mewn sawl ffordd
K11. ymddygiad troseddol (e.e. llosgi bwriadol)
K12. camddefnyddio sylweddau
K13. anhwylderau personoliaeth a seicopathi
K14. anhwylderau datblygiadol
K15. yr amrywiaeth o driniaethau a’r amrywiaeth o lefelau diogelwch sydd ar gael yn y sefydliad
K16. gweithio gydag unigolion uchel eu proffil yn y cyfryngau
K17. tystiolaeth o effeithiolrwydd gwahanol driniaethau, ar eu pen eu hunain ac ar y cyd
K18. asesiad risg clinigol ac asesu risg trais ac aildroseddu
K19. nodi buddion gwahanol leoliadau a thriniaethau i unigolion
K20. sut i gydbwyso risg therapiwtig â materion diogelwch y cyhoedd
K21. effeithiau sefydliadol a chyd-destunol ar risg a’i rheolaeth
K22. gofynion deddfwriaeth iechyd meddwl bresennol a rheoliadau a safonau cenedlaethol a lleol eraill
K23. hawliau cyfreithiol unigolion a’u teulu
K24. y system cyfiawnder troseddol
K25. credoau crefyddol gwahanol ddiwylliannau
K26. effeithiau diwylliant a chredoau crefyddol ar arddulliau cyfathrebu unigol
K27. y gwahanol nodweddion y mae’n rhaid eu bod gan wasanaethau i fodloni anghenion rhywedd, diwylliant, iaith neu anghenion eraill pobl
K28. effeithiau gwahanol ddiwylliannau a chrefyddau ar reoli gofal
K29. egwyddor cyfrinachedd a pha wybodaeth all gael ei rhoi i bwy
K30. swyddogaethau a chyfyngiadau asiantaethau eraill
K31. sut dylid cofnodi a storio gwybodaeth a geir oddi wrth unigolion
Cwmpas/ystod
Cwmpas Perfformiad
Gwybodaeth Cwmpas
Gwerthoedd
Ymddygiadau
Sgiliau
Geirfa
Dolenni I NOS Eraill
Cysylltiadau Allanol
Mae’r safon hon yn cysylltu â’r dimensiwn canlynol o fewn Fframwaith Gwybodaeth a Sgiliau’r GIG (Hydref 2004): Dimensiwn: HWB6Asesu a chynllunio triniaeth |