Darparu gwybodaeth am weithdrefnau endosgopig i unigolion

Mae’r safon hon yn ymwneud â darparu gwybodaeth i unigolion, ar unrhyw adeg yn ystod darparu gweithdrefnau endosgopig. Mae ar unigolion sy’n cael gweithdrefnau endosgopig angen gwahanol fathau o wybodaeth ar adegau gwahanol mewn gweithdrefn endosgopig: i’w helpu i baratoi, i’w helpu i ddeall beth sy’n digwydd, ac i wybod y canlyniadau.  Mae’n bwysig parchu eu hawl i wybodaeth, a’u bod yn cael gwybodaeth onest a chywir.  

---

1. cael at a dehongli'n gywir yr holl wybodaeth a chyfarwyddiadau gwaith sy'n berthnasol
2. gweithio'n ddiogel bob amser ac yn unol â'r holl ddeddfwriaeth, canllawiau, polisïau, gweithdrefnau a phrotocolau perthnasol
3. delio'n brydlon ac yn effeithiol ag unrhyw broblemau o fewn eich rheolaeth a rhoi gwybod am broblemau nad allant gael eu datrys
4. nodi a lleihau peryglon a risgiau yn y gweithle
5. cyfathrebu â'r unigolyn a phobl allweddol yn ôl cyflymder, modd a lefel sy'n briodol i ddealltwriaeth ac anghenion yr unigolyn, a'r hyn sy'n well ganddo
6. parchu hawliau a dymuniadau'r unigolyn o ran ei breifatrwydd, ei gredoau a'i urddas
7. sefydlu i ba raddau y mae ar yr unigolyn angen i unrhyw ofalwyr gymryd rhan pan fydd gwybodaeth yn cael ei darparu
8. darparu cymorth i'r unigolyn a gofalwyr a sicrhau bod mesurau iechyd a diogelwch yn cael eu gweithredu bob amser
9. trafod faint o wybodaeth a'r math o wybodaeth y mae ar yr unigolyn ei hangen, neu y mae wedi cael ati eisoes, i wneud penderfyniadau gwybodus yn gysylltiedig â'r weithdrefn endosgopig
10. darparu gwybodaeth berthnasol ac adnoddau eraill sy'n ategu dealltwriaeth yr unigolyn
11. rhoi digon o gyfle i'r unigolyn fyfyrio ar y wybodaeth a ddarparwyd ac ymateb i unrhyw gwestiynau a ofynnir
12. cwblhau a storio'r holl ddogfennaeth berthnasol yn unol â gofynion y sefydliad 

---

1. y ddeddfwriaeth, y canllawiau, y polisïau, y gweithdrefnau a'r protocolau presennol sy'n berthnasol i'ch ymarfer yn y gwaith, ac y mae'n rhaid i chi gadw atynt
2. cwmpas a chyfyngiadau eich cymhwysedd, eich cyfrifoldebau a'ch atebolrwydd eich hun fel y bo'n berthnasol i'ch rôl
3. sut i gael at a dehongli'r holl wybodaeth a chyfarwyddiadau gwaith sy'n berthnasol
4. gweithdrefnau penodol ar gyfer rhoi gwybod am broblemau sydd y tu hwnt i'ch cymhwysedd, eich cyfrifoldebau a'ch atebolrwydd
5. y ddyletswydd i roi gwybod am unrhyw weithred neu anwaith a allai fod yn anniogel/yn niweidiol i chi neu i eraill
6. y peryglon a'r risgiau a allai godi wrth i chi gyflawni eich rôl a sut y gallwch eu lleihau
7. sut i addasu arddulliau cyfathrebu mewn ffyrdd sy'n briodol i anghenion yr unigolyn
8. y defnydd cywir o unrhyw gyfarpar a chyfarpar diogelu personol (PPE) i amddiffyn eich iechyd a'ch diogelwch chi a phobl eraill
9. ymarfer seiliedig ar dystiolaeth a'i rôl mewn gwella gofal
10. yr egwyddorion, yr ymarfer a'r gweithdrefnau sy'n gysylltiedig â chydsyniad gwybodus
11. anghenion unigolion a gofalwyr, gan gynnwys ystyriaethau'n gysylltiedig ag urddas, cyfrinachedd a phreifatrwydd
12. strwythurau, rolau a chyfrifoldebau rheoli'r sefydliad
13. y gweithdrefnau a'r dulliau sy'n gysylltiedig â chydlynu timau rhyngddisgyblaethol ac amlddisgyblaethol o fewn ac ar draws gwasanaethau
14. y gwasanaethau sydd ar gael ar gyfer delio â phroblemau cyfathrebu, a'r mathau o gymorth cyfathrebu sydd ar gael
15. effeithiau tawelydd ar y cof
16. y gweithdrefnau derbyn a rhyddhau
17. y gweithdrefnau a'r cyfarpar endosgopig a'r tawelydd a ddefnyddir
18. y camau gofal a rolau ymarferwyr yn ystod gweithdrefnau endosgopig
19. sut mae unigolion a gofalwyr yn ymateb i weithdrefnau endosgopig
20. rôl gwahanol fathau o ymarferwyr ac asiantaethau wrth ddarparu gwasanaeth endosgopi
21. y wybodaeth y gall fod ar unigolion ei hangen am weithdrefnau endosgopig penodol, a'r cymorth y bydd ei angen ar unigolion yn ystod eu darparu
22. sut i gael at ffynonellau gwybodaeth awdurdodol presennol am weithdrefnau endosgopig a materion cysylltiedig
23. sut i gwblhau'r holl ddogfennaeth berthnasol yn unol â gofynion y sefydliad, a'i storio'n ddiogel

---

---

---

---

---

---

---

---

---

---

---

31 Maw 2026

---

Ar hyn o bryd

---

Gwreiddiol

---

Skills for Health

---

SFHEND2

---

Gweithwyr iechyd proffesiynol, Gwasanaethau Cyhoeddus a Gofal, Lechyd, Nyrsio a Phynciau a Galwedigaethau Perthynol, Gwasanaethau Gofal Iechyd a Gwasanaethau Personol Cysylltiedig

---

2219

---

Endosgopi; endosgopig; gwybodaeth; gweithdrefnau

---