Cynhyrchu delweddau fforensig o bobl sydd wedi marw

Delweddu fforensig yw cymryd delweddau radiograffig er mwyn casglu tystiolaeth i’w chyflwyno yn y llys, a allai gynnwys llysoedd crwneriaid neu lysoedd y procuradur ffisgal. Mae’n cynnwys cymryd delweddau radiograffig confensiynol a delweddu trawstoriadol. Mae’r safon hon yn ymwneud â delweddu fforensig ar unigolion sydd wedi marw. Mae’r term ‘unigolion’ yn y safon hon yn berthnasol i oedolion, plant a phobl ifanc. Bydd angen i ddefnyddwyr y safon hon sicrhau bod yr ymarfer yn adlewyrchu’r wybodaeth a’r polisïau diweddaraf.

1. gwirio bod yr awdurdod priodol wedi awdurdodi delweddu’r unigolyn sydd wedi marw   2. sicrhau y cedwir cyfrinachedd yn ymwneud â’r achos presennol sy’n cael ei ystyried yn gyfreithiol  3. defnyddio rhagofalon sylfaenol ar gyfer rheoli heintiau a mesurau iechyd a diogelwch priodol eraill  4. cynnal delweddu post-mortem gan ddefnyddio’r dulliau delweddu sydd ar gael 5. cadw cofnod o’r newidiadau post-mortem sy’n digwydd ar wahanol gamau ac addasu’r protocol a’r dechneg radiograffig yn unol â’r rheiny  6. defnyddio protocol delweddu trawstoriadol priodol wedi’u hoptimeiddio ar gyfer delweddu post-mortem   7. nodi dangosyddion, arwyddion arwyddocaol a chadw tystiolaeth a allai helpu i bennu’r rheswm a/neu ffactorau sy’n cyfrannu at y farwolaeth  8. amlygu newidiadau post-mortem sy’n bresennol ar y delweddau radiograffig  9. defnyddio’r gweithdrefnau cywir er mwyn cynnal parhad y dystiolaeth radiograffig o ddechrau’r archwiliad hyd at ei defnyddio yn y llys 10. sicrhau y dilynir y gweithdrefnau cywir i gynnal safonau’r dystiolaeth ddigidol  11. sicrhau bod yr holl ddogfennaeth angenrheidiol wedi’i llenwi ar gyfer yr archwiliad radiograffig fforensig  12. cynhyrchu datganiadau ysgrifenedig a nodiadau ar y pryd sy’n cydymffurfio â’r gofynion cyfreithiol  13. cofnodi, casglu a pharatoi’r wybodaeth, y dogfennau a’r delweddau priodol i’w trosglwyddo neu eu storio yn unol â phrotocol lleol 

1. y gofynion cyfreithiol, sefydliadol a pholisi sy’n berthnasol i’ch rôl, rôl pobl eraill yn eich sefydliad a’r gweithgareddau a wneir  2. y safonau, canllawiau, polisïau, gweithdrefnau a’r sail tystiolaeth cenedlaethol a lleol perthnasol sydd ar gael a sut a phryd dylid mynd atynt  3. y gofynion cyfreithiol ar gyfer y delweddau radiograffig i’w defnyddio yn y llys  4. y gofynion cyfreithiol ar gyfer safonau tystiolaeth ddigidol  5. parhad y dystiolaeth, gan gynnwys dilysrwydd ac uniondeb y dystiolaeth, trwy gydol yr archwiliad radiograffig fforensig  6. y canllawiau cenedlaethol ar gyfer delweddu radiograffig fforensig a sut i roi’r rhain ar waith yn lleol mewn ymarfer fforensig  7. y dogfennau a’r prosesau gofynnol ar gyfer cynnal parhad y dystiolaeth  8. gofynion cyfreithiol datganiad ysgrifenedig a nodiadau ar y pryd  9. mae angen awdurdodaeth briodol at ddibenion delweddu fforensig 10. yr achos cyfredol sy’n cael ei ystyried yn gyfreithiol mewn perthynas â delweddu radiograffig fforensig 11. sut i roi tystiolaeth yn y llys a rolau tystion arbenigol, tystion proffesiynol a thystion  12. rôl y crwner/procuradur ffisgal wrth ymchwilio i farwolaethau  13. rolau a chyfrifoldebau’r asiantaethau allanol ac ymarferwyr gofal iechyd wrth bennu achos marwolaeth  14. sut defnyddir delweddu radiograffig fforensig wrth ymchwilio i farwolaethau unigolion  15. rôl angiograffeg post-mortem ac awyru’r ysgyfaint wrth ymchwilio i farwolaethau  16. gofynion iechyd a diogelwch ar gyfer delweddu post-mortem 17. gofynion rheoli heintiau ar gyfer delweddu post-mortem  18. yr agweddau seicolegol ar ddelweddu fforensig a’r effaith bosibl ar y rheiny sydd ynghlwm â delweddu pobl sydd wedi marw 19. arwyddion a symptomau straen a sut i leihau’r risg o anhwylder straen wedi trawma ar unigolion    20. sut i gyfathrebu â chydweithwyr ac asiantaethau sydd ynghlwm â’r broses ddelweddu fforensig sy’n cael ei ystyried yn gyfreithiol ar hyn o bryd  21. cyfyngiadau eich gwybodaeth a’ch profiad eich hun a phwysigrwydd gweithredu o fewn cwmpas eich ymarfer   22. y cyfiawnhad meddygol-gyfreithiol dros atgyfeirio ar gyfer delweddu fforensig   23. y technegau radiograffig ar gyfer delweddu unigolion ar ôl iddyn nhw farw  24. dehongli delweddau yn ymwneud â delweddu fforensig, delweddu trawstoriadol ac ymddangosiadau post-mortem ar ddelweddau fforensig  25. y dulliau delweddu a ddefnyddir i enwi’r unigolyn sydd wedi marw at ddibenion pennu rheswm am y farwolaeth ac at ddibenion adnabod  26. sut i gadw cofnodion llawn, cywir a chlir yn unol â gweithdrefnau sefydliadol 

Mae’r safon hon yn gysylltiedig â’r dimensiwn canlynol o fewn Fframwaith Gwybodaeth a Sgiliau y GIG (Hydref 2004):

Dimensiwn: HWB6 Cynllunio asesiadau a thriniaethau