Cynhyrchu delweddau Tomograffeg Pelydru Positronau / Atseiniol Magnetig (PET/MRI) at ddibenion diagnostig

Mae’r safon hon yn ymwneud â defnyddio cyfarpar a gweithdrefnau Tomograffeg Pelydru Positronau / Atseiniol Magnetig (PET/MRI) i gynhyrchu delweddau at ddibenion diagnostig. Y bobl allweddol yw’r rheiny sydd ynghlwm â gofal yr unigolyn a phobl eraill sydd ynghlwm â darparu gwasanaethau. Bydd angen i ddefnyddwyr y safon hon sicrhau bod eu hymarfer yn adlewyrchu’r wybodaeth a’r polisïau diweddaraf. 

1. defnyddio rhagofalon sylfaenol ar gyfer atal a rheoli heintiau a mesurau iechyd a diogelwch priodol eraill 

2. sicrhau bod yr unigolyn a’r staff wedi gwneud yr holl baratoadau angenrheidiol cyn dechrau’r broses

3. gwirio a pharatoi’r cyfarpar sydd ei angen ar gyfer yr archwiliad 

4. sicrhau bod yr amgylchedd yn eich galluogi i gadw preifatrwydd ac urddas yr unigolyn 

5. gwirio’r manylion adnabod cyn dechrau’r driniaeth yn unol â pholisïau a gweithdrefnau lleol

6. cyflwyno eich hunain ac aelodau staff eraill sy’n bresennol yn ystod yr archwiliad  

7. cyfathrebu â’r unigolyn / y bobl allweddol er mwyn gwella eu dealltwriaeth o’r archwiliad, a’u cydweithrediad

8. sefydlu gallu’r unigolyn i ddeall yr archwiliad gyda chymorth y bobl allweddol os oes angen

9. cael cydsyniad dilys ar gyfer y weithdrefn yn unol â chanllawiau cenedlaethol a lleol

10. parchu preifatrwydd, urddas, credoau a phenderfyniadau’r unigolyn 

11. esbonio’r broses a’r canlyniadau posibl yn glir, gan gynnwys y risg, y buddion a’r cyfyngiadau 

12. gwirio diogelwch delweddu atseiniol magnetig trwy ddefnyddio rhestr wirio diogelwch delweddu atseiniol magnetig yr adran, gan gynnwys gwirio a oes gwrthrychau/prosthesisau ffero-fetelaidd a dyfeisiau meddygol wedi’u mewnblannu yn bresennol

13. cymryd y camau priodol os gwelir bod unrhyw un o’r rhain yn bresennol 

14. gwirio a oes unrhyw wrtharwyddion ar gyfer y driniaeth arfaethedig a chymryd camau priodol er mwyn ymateb i’r risgiau a amlygwyd 

15. archwilio delweddau a gwybodaeth glinigol blaenorol berthnasol, os ydynt ar gael, i sicrhau y defnyddir y drefn a’r technegau cywir

16. asesu cyflwr clinigol a chorfforol yr unigolyn cyn dechrau’r archwiliad gyda’r bwriad o barhau

17. gwirio unigolion sy’n gallu cael plant am feichiogrwydd neu feichiogrwydd posibl a statws bwydo ar y fron, os yw’n briodol ar gyfer yr archwiliad, a gweithredu yn unol â phrotocol lleol 

18. paratoi’r safle am fynediad mewnwythiennol 

19. cael mynediad mewnwythiennol gan ddefnyddio pibellu 

20. gweinyddu radioisotopau gan ddefnyddio’r cyfarpar priodol 

21. gweinyddu gadoliniwm gan ddefnyddio’r cyfarpar priodol

22. cadarnhau statws diogelwch MRI y bobl allweddol cyn yr archwiliad ac, os oes angen iddyn nhw fod yn bresennol, dilyn y canllawiau lleol 

23. nodi manylion adnabod yr unigolyn ar y sganiwr atseiniol magnetig neu, os nodwyd y manylion yn flaenorol, gwirio a ydynt yn gywir 

24. dewis yr holl ddilyniannau cywir sydd eu hangen ar gyfer y sgan yn unol â’r protocol lleol ar gyfer yr archwiliad, asesu a gwneud unrhyw addasiadau neu gamau gofynnol 

25. gosod yr unigolyn yn ei safle, darparu unrhyw amddiffyniad i’r clyw ac addasu ei ddillad yn unol â phrotocol yr archwiliad i’w gyflawni mewn ffordd sy’n galluogi cael y canlyniad gorau posibl gan: 

25.1 sicrhau ei fod mor gyfforddus â phosibl 

25.2 atal presenoldeb arteffactau

26. gosod y coiliau, y ceblau a’r cyfarpar monitro Amledd Radio priodol yn gywir ac yn ddiogel

27. gwirio’r ystafell cyn dechrau’r sgan i sicrhau mai unigolion hanfodol wedi’u hamddiffyn yn unig sy’n aros gyda’r unigolion, ac y cydymffurfir â’r holl reolau lleol, gan gymryd camau priodol yn ôl yr angen

28. dechrau’r sgan a monitro cyflwr, cydymffurfiaeth a lles yr unigolyn trwy gydol y weithdrefn a chymryd camau sy’n briodol i’w anghenion

29. adolygu’r delweddau ar ôl gorffen y sgan er mwyn sicrhau eu bod yn dechnegol dderbyniol ac yn addas at ddibenion diagnostig

30. creu ailfformatau aml-blanol (MPR) o’r setiau data perthnasol pan fydd hynny’n briodol

31. adolygu’r delweddau i weld a ydynt yn dderbyniol yn glinigol, a chymryd y camau priodol, gan gynnwys delweddau pellach os oes angen

32. darparu gwybodaeth i’r unigolyn yn ymwneud â’r broses ac ôl-ofal os bydd angen  

33. esbonio’r broses ar gyfer cael canlyniadau

34. ar ôl yr archwiliad delweddu cychwynnol, rhoi gwybod i’r unigolyn priodol os gwelir annormaledd ar y ddelwedd y mae’n debygol y bydd angen ymchwiliad neu driniaeth bellach arno  

35. optimeiddio, cofnodi, casglu a pharatoi’r wybodaeth, y dogfennau a’r delweddau priodol i’w trosglwyddo neu eu storio yn unol â’r protocol lleol

36. gwirio bod y delweddau wedi cyrraedd/cael eu storio yn ôl y protocol lleol

37. cydnabod ble mae angen help neu gyngor a chael gafael arno o ffynonellau priodol

1. y gofynion cyfreithiol, sefydliadol a pholisi sy’n berthnasol i’ch rôl, rôl pobl eraill yn eich sefydliad a’r gweithgareddau a wneir  2. y safonau, canllawiau, polisïau a gweithdrefnau cenedlaethol a lleol sydd ar gael a sut a phryd dylid mynd atynt 3. pwysigrwydd parchu diwylliant, preifatrwydd, urddas, dymuniadau, credoau a phenderfyniadau unigolion  4. cyfyngiadau eich gwybodaeth a’ch profiad eich hun a phwysigrwydd gweithredu o fewn cwmpas eich ymarfer  5. rolau a chyfrifoldebau aelodau eraill y tîm 6. priodoldeb clinigol y cais am archwiliad a’r camau i’w cymryd pan nad yw’r cais yn briodol  7. anatomeg gyfan, arwyneb a thrawstoriadol y rhannau o’r corff i’w sganio  8. y derminoleg feddygol sy’n berthnasol i’r archwiliad, gan gynnwys talfyriadau  9. ffisioleg berthnasol y mannau i’w sganio  10. yr amrywiadau normal cyffredin a sut maen nhw’n ymddangos ar ddelweddau atseiniol magnetig 11. patholegau cyffredin y mannau i’w sganio a sut maen nhw’n ymddangos ar ddelweddau atseiniol magnetig 12. arwyddion o statws corfforol ac emosiynol yr unigolion 13. gwrtharwyddion sganio atseiniol magnetig, gan gynnwys absoliwt a pherthynol 14. gwrtharwyddion sganio PET/MRI gan gynnwys goblygiadau clinigol unrhyw alergeddau, statws beichiogrwydd, statws bwydo ar y fron a diabetes mellitus heb ei reoli sy’n berthnasol i’r archwiliad 15. gwrtharwyddion i gyfryngau cyferbynnu delweddu atseiniol magnetig gan gynnwys goblygiadau clinigol unrhyw alergedd sy’n berthnasol i’r archwiliad 16. pwysigrwydd asesu a oes gwrthrychau/ prosthesisau ffero-fetelaidd a dyfeisiau meddygol wedi’u mewnblannu yn bresennol a’r camau priodol i’w cymryd os amlygir y rhain 17. pryd mae angen delweddau ychwanegol er mwyn helpu gyda’r diagnosis ac ymestyn yr archwiliad 18. sut i addasu arddulliau cyfathrebu, holi cwestiynau, a gwrando’n ofalus mewn ffyrdd sy’n briodol i anghenion yr unigolyn  19. dulliau cyfathrebu gwybodaeth anodd a chymhleth i unigolion a phobl allweddol 20. pwysigrwydd rhoi cyfleoedd i unigolion a phobl allweddol ofyn cwestiynau a gwella eu dealltwriaeth 21. y wybodaeth y dylid ei rhoi i unigolion cyn, yn ystod ac ar ôl cwblhau’r archwiliad  22. effeithiau niweidiol ymbelydredd ar y corff dynol a defnyddio cyfarpar amddiffyn rhag ymbelydredd  23. sut i ddefnyddio egwyddorion amser, gwarchod a phellter i leihau amlygiad y staff i ymbelydredd 24. y derminoleg feddygol sy’n berthnasol i’r archwiliad, gan gynnwys talfyriadau  25. sut i fesur a dehongli lefelau siwgr y gwaed gan ddefnyddio glwcometr  26. y technegau aseptig sy’n gysylltiedig â phibellu mewnwythiennol  27. gofal a pharatoi llwybrau mynediad mewnwythiennol ar gyfer gweinyddu dosau  28. y gofynion ar gyfer gweinyddu cynhyrchion fferyllol i leihau’r lefelau braster brown mewn unigolion iau na 18 oed  29. y llwybrau derbyniad ffisiolegol a’r hanner oes ar gyfer gwahanol olrheinwyr PET a’r effaith ar yr ansawdd delweddau gorau posibl 30. hanner oes ffisegol, fiolegol ac effeithiol gwahanol olrheinwyr PET ac, felly, y cyngor ynghylch ôl-ofal amddiffyn rhag ymbelydredd ar gyfer unigolion a phobl allweddol 31. cyfrifo’r ymbelydredd a weinyddwyd i’r unigolyn 32. cyfrifo’r ymbelydredd gweddilliol ar ôl gosod olrheiniwr PET  33. mannau â mynediad a reolir a gofynion diogelwch yn yr amgylchedd MRI yn unol â chanllawiau diogelwch cyfredol MRI  34. egwyddorion ffisegol sganio, technegau a phrotocolau atseinio magnetig  35. cynhyrchu, rhyngweithiadau a nodweddion pelydrau gama 36. gofynion ansawdd diagnostig a thechnegol y ddelwedd  37. arteffactau ar y delweddau – y rhesymau amdanynt a strategaethau i’w hosgoi  38. ffactorau sy’n dylanwadu ar y penderfyniad i ailadrodd delweddau neu dynnu delweddau ychwanegol  39. archwiliadau delweddu amgen 40. gweithredu’r sganiwr atseinio magnetig a’r ategolion a ddefnyddir yn ddiogel 41. defnyddio cyfarpar sicrhau ansawdd yn ddiogel, cofnodi canlyniadau a chymryd camau priodol   42. sut i ymdrin ag achosion o orlifo a’r camau i’w cymryd os bydd rhywbeth yn gorlifo, yn unol ag arweiniad diogelwch MRI cenedlaethol 43. galluoedd a chyfyngiadau’r cyfarpar a chynnal a chadw rheolaidd, gan gynnwys y prosesau rheoli ansawdd sy’n ofynnol gan y gweithredwr  44. pwysigrwydd cydnabod diffygion ar y cyfarpar yn brydlon a’r gweithdrefnau lleol ar gyfer rhoi gwybod am y rhain  45. gweithdrefnau ar gyfer paratoi’r unigolyn, yr amgylchedd a’r cyfarpar ar gyfer sganio atseinio magnetig  46. gweithdrefnau’n ymwneud â chofnodi, casglu a pharatoi dogfennau a delweddau priodol i’w trosglwyddo neu eu storio yn unol â phrotocol lleol 47. sut i gadw cofnodion llawn, cywir a chlir yn unol â gweithdrefnau sefydliadol 

Mae’r safon hon yn gysylltiedig â’r dimensiwn canlynol o fewn Fframwaith Gwybodaeth a Sgiliau y GIG (Hydref 2004):

Dimensiwn: HWB6 Cynllunio asesiadau a thriniaethau