Cynhyrchu delweddau gan ddefnyddio fflworosgopeg

Mae’r safon hon yn ymwneud ag archwilio strwythurau anatomegol gan ddefnyddio fflworosgopeg. Gwneir hyn fel rhan o broses ddiagnostig a/neu driniaeth. Bydd y canlyniadau’n cyrraedd ansawdd digonol er mwyn cynorthwyo diagnosis a/neu driniaeth. Dylid cyflawni’r safon hon o fewn cwmpas eich rôl. Y bobl allweddol yw’r rheiny sydd ynghlwm â gofal yr unigolyn a phobl eraill sydd ynghlwm â darparu gwasanaethau. Bydd angen i ddefnyddwyr y safon hon sicrhau bod eu hymarfer yn adlewyrchu’r wybodaeth a’r polisïau diweddaraf.

1. defnyddio rhagofalon sylfaenol ar gyfer rheoli heintiau a mesurau iechyd a diogelwch priodol eraill 

2. sicrhau bod yr unigolyn a’r staff wedi gwneud yr holl baratoadau angenrheidiol cyn dechrau’r broses

3. gwirio a pharatoi’r cyfarpar sydd ei angen ar gyfer yr archwiliad 

4. sicrhau bod yr amgylchedd yn eich galluogi i gadw preifatrwydd ac urddas yr unigolyn 

5. gwirio’r manylion adnabod cyn dechrau’r driniaeth yn unol â pholisïau a gweithdrefnau lleol 

6. cyfathrebu â’r unigolyn / y bobl allweddol er mwyn gwella eu dealltwriaeth o’r archwiliad, a’u cydweithrediad 

7. sefydlu gallu’r unigolyn i ddeall y weithdrefn gyda chymorth y bobl allweddol os oes angen 

8. cael cydsyniad dilys ar gyfer y weithdrefn yn unol â chanllawiau cenedlaethol a lleol 

9. parchu preifatrwydd, urddas, credoau a phenderfyniadau’r unigolyn 

10. esbonio’r broses a’r canlyniadau posibl yn glir, gan gynnwys y risg, y buddion a’r cyfyngiadau 

11. gwirio unigolion sy’n gallu cael plant am feichiogrwydd neu feichiogrwydd posibl, os yw’n briodol ar gyfer yr archwiliad, a gweithredu yn unol â phrotocol lleol 

12. cadarnhau statws y bobl allweddol cyn yr archwiliad ac, os oes angen iddyn nhw fod yn bresennol, dilyn y canllawiau lleol 

13. archwilio delweddau a gwybodaeth glinigol blaenorol berthnasol, os ydynt ar gael, i sicrhau y defnyddir y drefn a’r technegau cywir 

14. asesu cyflwr clinigol a chorfforol yr unigolyn cyn dechrau’r archwiliad gyda’r bwriad o barhau 

15. rhoi gwybodaeth glir i’r unigolion ynghylch sgil effeithiau defnyddio meddyginiaethau a chyfryngau cyferbyniol 

16. gosod yr unigolyn yn ei safle ac addasu ei ddillad yn unol â phrotocol yr archwiliad i’w gyflawni mewn ffordd sy’n galluogi cael y canlyniad gorau posibl gan: 

16.1 gydnabod bod angen i’r unigolyn gadw ei urddas a’i hunan-barch 

16.2 sicrhau ei fod mor gyfforddus â phosibl

16.3 atal presenoldeb arteffactau

17. gosod y cyfarpar delweddu sy’n briodol i dechneg yr archwiliad, gyda’r esboniadau anatomegol neu’r anodiadau electronig wedi’u gosod yn y man cywir  

18. gosod, gwirio ac addasu’r ffactorau amlygiad priodol, cyflinellu a dyfeisiau amddiffyn rhag ymbelydredd er mwyn lleihau’r amlygiad â’r unigolyn gan optimeiddio ansawdd y delweddau diagnostig

19. sicrhau bod manylion yr unigolyn yn cael eu cofnodi’n gywir yn y cyfarpar fflworosgopeg neu, os ydynt wedi cael eu nodi’n flaenorol, gwirio a ydynt yn gywir 

20. gwirio’r ystafell cyn dechrau’r amlygiad er mwyn sicrhau mai unigolion hanfodol, wedi’u hamddiffyn yn unig sy’n aros gyda’r unigolion ac y cydymffurfiwyd â’r holl brotocolau lleol 

21. gweinyddu meddyginiaethau a chyfryngau cyferbynnu priodol yn unol â’r protocol lleol ar gyfer yr archwiliad

22. cael cadarnhad bod yr unigolyn yn barod cyn gwneud amlygiad a pharhau i gyfathrebu â’r unigolion/y bobl allweddol er mwyn gwella eu dealltwriaeth a’u cydweithrediad trwy gydol yr archwiliad 

23. cadw golwg ar gyflwr a lles yr unigolyn bob amser a chymryd y camau priodol 

24. sicrhau bod yr holl brosesau lleihau/diogelu dos wedi’u defnyddio 

25. addasu’r cyfarpar i optimeiddio’r delweddau at ddibenion yr archwiliad

26. monitro a chofnodi amlygiad yr unigolyn i ymbelydredd ïoneiddio yn gywir trwy gydol yr archwiliad, gan gadw at reolau a phrotocol lleol

27. cofnodi delweddau parhaol lle bo angen ac yn unol â chanllawiau lleol ar gyfer yr archwiliad 

28. cydnabod diffygion cyfarpar yn ystod yr archwiliad a chymryd camau priodol 

29. gwirio manylion adnabod y delweddau yn erbyn dogfennau cysylltiedig 

30. archwilio’r delweddau i sicrhau bod yr ardal anatomegol yn gyson â’r cais am archwiliad, y wybodaeth glinigol a ddarparwyd a’r protocol lleol 

31. sicrhau bod y delweddau:

31.1 wedi’u labelu’n gywir gyda manylion adnabod a chyfeirio’r unigolyn

31.2 yn cael eu prosesu a’u harchwilio am ansawdd diagnostig a thechnegol boddhaol yn ôl y canllawiau a’r meini prawf lleol 

32. gwneud penderfyniad ynghylch a oes angen ailadrodd unrhyw ddelweddau neu dynnu delweddau ychwanegol er mwyn ymestyn yr archwiliad 

33. ar ôl yr archwiliad delweddu cychwynnol, rhoi gwybod i’r unigolyn priodol a welir annormaledd ar y ddelwedd y mae’n debygol y bydd angen ymchwiliad neu driniaeth bellach arno, gan ddilyn protocol yr adran

34. darparu gwybodaeth i’r unigolyn yn ymwneud â’r broses ac ôl-ofal os bydd angen

35. esbonio’r broses ar gyfer cael canlyniadau

36. cofnodi, casglu a pharatoi’r wybodaeth, y dogfennau a’r delweddau priodol i’w trosglwyddo neu eu storio yn unol â’r protocol lleol  

37. gwirio bod y delweddau wedi cyrraedd/cael eu storio yn ôl y protocol lleol 

38. cydnabod ble mae angen help neu gyngor a chael gafael arno o ffynonellau priodol 

1. y gofynion cyfreithiol, sefydliadol a pholisi sy’n berthnasol i’ch rôl, rôl pobl eraill yn eich sefydliad a’r gweithgareddau a wneir 2. y safonau, canllawiau, polisïau a gweithdrefnau cenedlaethol a lleol sydd ar gael a sut a phryd dylid mynd atynt 3. pwysigrwydd parchu diwylliant, preifatrwydd, urddas, dymuniadau, credoau a phenderfyniadau unigolion 4. cyfyngiadau eich gwybodaeth a’ch profiad eich hun a phwysigrwydd gweithredu o fewn cwmpas eich ymarfer  5. rolau a chyfrifoldebau aelodau eraill y tîm 6. pwysigrwydd cael cydsyniad dilys yn unol â chanllawiau cenedlaethol a lleol  7. priodolrwydd clinigol y cais am archwiliad a’r camau i’w cymryd pan nad yw’r cais yn briodol 8. anatomeg y rhan o’r corff sy’n cael ei archwilio 9. y prosesau ffisiolegol a phatholegol sy’n berthnasol i’r man sy’n cael ei archwilio  10. y derminoleg feddygol sy’n berthnasol i’r archwiliad, gan gynnwys talfyriadau  11. pryd mae angen edrychiadau sylfaenol ac ychwanegol er mwyn helpu’r diagnosis ac i ymestyn yr archwiliad   12. yr amrywiaeth o feddyginiaethau a chyfryngau cyferbynnu mewn archwiliadau fflworosgopeg a sut i’w defnyddio’n ddiogel  13. ymddygiad meddyginiaethau a chyfryngau cyferbynnu a sut gall hyn effeithio ar y delweddau a welir, a’u dehongliadau  14. yr amodau clinigol sy’n briodol ar gyfer archwiliad fflworosgopig  15. goblygiadau clinigol unrhyw alergeddau sy’n berthnasol i’r archwiliad  16. adnabod yr amrywiadau mewn anatomeg normal sy’n cael eu dangos gan fflworosgopeg a chyfryngau cyferbynnu o fewn cwmpas eich ymarfer  17. adnabod anatomeg abnormal sy’n cael ei ddangos gan fflworosgopeg a chyfryngau cyferbynnu pelydr-x ac arwyddocâd abnormaledd o’r fath o fewn cwmpas eich ymarfer  18. arwyddion o statws corfforol ac emosiynol yr unigolion  19. cynhyrchu, rhyngweithiadau a nodweddion pelydr-x  20. effeithiau niweidiol ymbelydredd ar y corff dynol a defnyddio cyfarpar amddiffyn rhag ymbelydredd 21. ffyrdd posibl o gofnodi, prosesu a storio delweddau yn barhaol 22. sut i addasu arddulliau cyfathrebu, holi cwestiynau a gwrando’n ofalus mewn ffyrdd sy’n briodol i anghenion yr unigolyn  23. dulliau cyfathrebu gwybodaeth anodd a chymhleth i unigolion a phobl allweddol  24. pwysigrwydd rhoi cyfleoedd i unigolion a phobl allweddol ofyn cwestiynau a gwella eu dealltwriaeth  25. y wybodaeth y dylid ei rhoi i unigolion cyn, yn ystod ac ar ôl cwblhau’r archwiliad 26. y rhyngberthynas rhwng Kilo Volt Peak (kVp) a Miliamper (mA) ac Amser (eiliadau) 27. newidynnau sy’n effeithio ar ffactorau amlygiad a sut i addasu ffactorau cysylltiad ar gyfer yr archwiliad a’r unigolyn yn ôl yr angen 28. gofynion ansawdd diagnostig a thechnegol y ddelwedd  29. adnabod arteffactau a’u heffaith  30. ffactorau sy’n dylanwadu ar y penderfyniad i ailadrodd delweddau  31. galluoedd a chyfyngiadau’r cyfarpar a chynnal a chadw rheolaidd, gan gynnwys y prosesau rheoli ansawdd sy’n ofynnol gan y gweithredwr  32. addasu’r delweddau a’r ôl-brosesu  33. pwysigrwydd cydnabod diffygion ar y cyfarpar yn brydlon a’r gweithdrefnau lleol ar gyfer rhoi gwybod am y rhain  34. gwrtharwyddion i’r archwiliad  35. paratoi’r unigolyn, y cyfarpar a’r amgylchedd ar gyfer archwiliadau fflworosgopig 36. cyfeirio a defnyddio esboniadau anatomegol ac anodiadau electronig yn briodol  37. yr amrywiaeth o dechnegau y gellir eu defnyddio i optimeiddio ansawdd y ddelwedd a’r ddos ar gyfer yr unigolyn, gan gynnwys dewis a darparu tafluniadau addas, defnyddio cyflinellu’n briodol a strategaethau i leihau’r ddos i unigolion a staff  38. rôl moddau delweddu ac ymchwiliadau diagnostig eraill  39. gweithdrefnau brys perthnasol a’r mathau o gyfarpar argyfwng sydd ar gael, a sut i’w defnyddio  40. gweithdrefnau’n ymwneud â chofnodi, casglu a pharatoi dogfennau a delweddau priodol i’w trosglwyddo neu eu storio yn unol â phrotocol lleol  41. sut i gadw cofnodion llawn, cywir a chlir yn unol â gweithdrefnau sefydliadol 

Mae’r safon hon yn gysylltiedig â’r dimensiwn canlynol o fewn Fframwaith Gwybodaeth a Sgiliau y GIG (Hydref 2004):

Dimensiwn: HWB6 Cynllunio asesiadau a thriniaethau