Cynhyrchu delweddau radiograffig confensiynol at ddibenion diagnostig gan ddefnyddio cyfarpar delweddu symudol

Mae’r safon hon yn ymwneud â defnyddio cyfarpar pelydr-x symudol i gynhyrchu delweddau radiograffig confensiynol at ddibenion diagnostig, ac at ddibenion arweiniad gweithdrefnol mewn ardal a reolir dros dro. Mae’r safon hon yn cynnwys defnyddio cyfarpar dwysáu delwedd symudol. Y bobl allweddol yw’r rheiny sydd ynghlwm â gofal yr unigolyn a phobl eraill sydd ynghlwm â darparu gwasanaethau. Hefyd, mae’r safon hon yn cydnabod efallai na fydd llawer o’r unigolion hyn yn gallu rhoi eu manylion adnabod na chydweithredu â’r broses. Bydd angen i ddefnyddwyr y safon hon sicrhau bod eu hymarfer yn adlewyrchu’r wybodaeth a’r polisïau diweddaraf.

1. defnyddio rhagofalon sylfaenol ar gyfer rheoli heintiau a mesurau iechyd a diogelwch priodol eraill 

2. pennu lleoliad yr unigolyn a chael gwybodaeth am unrhyw amgylchiadau arbennig yn ymwneud â’r unigolyn gan y staff sy’n gyfrifol am yr unigolyn 

3. sicrhau bod yr unigolyn a’r staff wedi gwneud yr holl baratoadau angenrheidiol cyn dechrau’r broses 

4. sicrhau bod yr amgylchedd yn eich galluogi i gadw preifatrwydd ac urddas yr unigolyn 

5. gwirio’r manylion adnabod cyn dechrau’r driniaeth yn unol â pholisïau a gweithdrefnau lleol 

6. cyflwyno eich hunain ac aelodau staff eraill sy’n bresennol yn ystod yr archwiliad

7. sefydlu gallu’r unigolyn i ddeall y weithdrefn a chydweithredu â hi gyda chymorth y bobl allweddol os oes angen 

8. cadarnhau y rhoddwyd cydsyniad dilys ar gyfer y weithdrefn yn unol â chanllawiau cenedlaethol a lleol 

9. parchu preifatrwydd, urddas, credoau a phenderfyniadau’r unigolyn 

10. esbonio’r broses a’r canlyniadau posibl yn glir, gan gynnwys y risg, y buddion a’r cyfyngiadau 

11. gwirio unigolion sy’n gallu cael plant am feichiogrwydd neu feichiogrwydd posibl, os yw’n briodol ar gyfer yr archwiliad, a gweithredu yn unol â phrotocol lleol 

12. cadarnhau statws y bobl allweddol cyn yr archwiliad ac, os oes angen iddyn nhw fod yn bresennol, dilyn y canllawiau lleol 

13. asesu pa mor hawdd yw cael mynediad i’r unigolyn a lleoliad unrhyw bobl allweddol er mwyn creu ardal a reolir dros dro 

14. symud yr holl gyfarpar delweddu symudol yn ddiogel i’r man gofynnol ynghyd â’r holl gyfarpar ychwanegol 

15. gosod yr unigolyn yn ei safle ac addasu ei ddillad yn unol â phrotocol yr archwiliad sy’n galluogi cynnal yr archwiliad mewn ffordd sy’n cyflawni’r canlyniad gorau posibl gan:

15.1 gydnabod bod angen i’r unigolyn gadw ei urddas a’i hunan-barch 

15.2 sicrhau ei fod mor gyfforddus â phosibl 

15.3 atal presenoldeb arteffactau

16. alinio’r cyfarpar yn gywir yn unol â thechneg yr archwiliad, gyda’r esboniadau anatomegol yn y lleoedd cywir, lle bo’n briodol 

17. defnyddio rheolyddion amlygiad awtomatig neu osod, gwirio ac addasu ffactorau amlygiad, cyflinelliad a dyfeisiau amddiffyn rhag ymbelydredd er mwyn lleihau ei amlygiad â’r unigolyn, gan gynnal yr ansawdd delwedd ddiagnostig orau posibl

18. gwirio’r ardal o gwmpas yr unigolyn cyn dechrau’r amlygiad er mwyn sicrhau mai unigolion hanfodol wedi’u hamddiffyn yn unig sy’n aros yn yr ardal a reolir dros dro

19. rhoi rhybudd ar lafar cyn dechrau’r amlygiad

20. cael cadarnhad bod yr unigolyn yn barod cyn gwneud yr amlygiad

21. parhau i gyfathrebu â’r unigolyn a/neu'r bobl allweddol i wella eu dealltwriaeth a’u cydymffurfiaeth trwy gydol yr archwiliad

22. cadw golwg ar gyflwr a lles yr unigolyn bob amser a chymryd camau priodol os bydd unrhyw beth niweidiol yn digwydd 

23. sicrhau gofal diogel a phriodol ar gyfer yr unigolyn ar ôl cwblhau’r digwyddiad delweddu 

24. cofnodi, casglu a pharatoi’r wybodaeth, y dogfennau, y ddos ymbelydredd a’r delweddau priodol i’w trosglwyddo neu eu storio yn unol â’r protocol lleol  

25. gwirio bod y delweddau wedi cyrraedd/cael eu storio yn ôl y protocol lleol 

26. cydnabod ble mae angen help neu gymorth a chael gafael arno o ffynonellau priodol 

27. cynghori bod yr ardal a reolir dros dro wedi’i thynnu oddi yno 

28. rhoi gwybod i’r unigolyn a/neu’r bobl allweddol am y broses ganlyniadau yn unol â phrotocol lleol lle bo hynny’n berthnasol 

1. y gofynion cyfreithiol, sefydliadol a pholisi sy’n berthnasol i’ch rôl, rôl pobl eraill yn eich sefydliad a’r gweithgareddau a wneir 2. y safonau, canllawiau, polisïau a gweithdrefnau cenedlaethol a lleol sydd ar gael a sut a phryd dylid mynd atynt  3. pwysigrwydd parchu diwylliant, preifatrwydd, urddas, dymuniadau, credoau a phenderfyniadau unigolion  4. cyfyngiadau eich gwybodaeth a’ch profiad eich hun a phwysigrwydd gweithredu o fewn cwmpas eich ymarfer 5. rolau a chyfrifoldebau aelodau eraill y tîm 6. pwysigrwydd cadarnhau y rhoddwyd cydsyniad dilys yn unol â’r canllawiau cenedlaethol a lleol  7. priodolrwydd clinigol y cais am archwiliad a’r camau i’w cymryd pan nad yw’r cais yn briodol  8. anatomeg y rhan o’r corff sy’n cael ei archwilio  9. y prosesau ffisiolegol a phatholegol sy’n berthnasol i’r rhan o’r corff sy’n cael ei archwilio  10. tirnodau anatomegol ar y corff sy’n berthnasol i ddelweddu radiograffig 11. patholegau cyffredin ac amrywiadau normal ar y man sy’n cael ei archwilio 12. y derminoleg feddygol sy’n berthnasol i’r archwiliad, gan gynnwys talfyriadau 13. terminoleg lleoli, gan gynnwys talfyriadau 14. pryd fydd angen barn rhywun arall er mwyn helpu gyda’r diagnosis ac ymestyn yr archwiliad 15. arwyddion o statws corfforol ac emosiynol yr unigolyn 16. cyflyrau clinigol a phrosesau/gweithdrefnau llawfeddygol sy’n galw am ddelweddu gan ddefnyddio cyfarpar radiograffeg symudol    17. cynhyrchu, rhyngweithiadau a nodweddion pelydr-x 18. y broses sydd ynghlwm â ffurfio delweddau radiograffig 19. effeithiau niweidiol ymbelydredd ar y corff dynol a defnyddio cyfarpar amddiffyn rhag ymbelydredd 20. ffyrdd posibl o gofnodi, prosesu a storio delweddau yn barhaol 21. sut i addasu arddulliau cyfathrebu, holi cwestiynau a gwrando’n ofalus mewn ffordd sy’n briodol i anghenion yr unigolyn a/neu’r bobl allweddol 22. dulliau cyfathrebu gwybodaeth anodd a chymhleth i unigolion a/neu bobl allweddol  23. pwysigrwydd rhoi cyfleoedd i unigolion a/neu bobl allweddol ofyn cwestiynau a gwella eu dealltwriaeth 24. y wybodaeth y dylid ei rhoi i unigolion a/neu bobl allweddol cyn, yn ystod ac ar ôl cwblhau’r archwiliad  25. dulliau asesu a chofnodi dos ymbelydredd 26. y rhyngberthynas rhwng Kilo Volt Peak (kVp) a Miliamper (mA) ac Amser (eiliadau) 27. newidynnau sy’n effeithio ar ffactorau amlygiad a sut i addasu ffactorau amlygiad ar gyfer yr archwiliad a’r unigolyn fel bo’n briodol 28. rheolyddion amlygiad awtomatig, os ydyn nhw ar gael, a sut i’w defnyddio  29. gofynion ansawdd diagnostig a thechnegol y ddelwedd  30. adnabod arteffactau a’u heffaith 31. pwysigrwydd cydnabod diffygion ar y cyfarpar yn brydlon a’r gweithdrefnau lleol ar gyfer rhoi gwybod am y rhain 32. galluoedd a chyfyngiadau’r cyfarpar a chynnal a chadw rheolaidd, gan gynnwys y prosesau rheoli ansawdd sy’n ofynnol gan y gweithredwr 33. mathau o gyfarpar delweddu, delweddau a systemau derbyn delweddau sy’n addas ar gyfer delweddu gwahanol rannau’r corff 34. rheolyddion mecanyddol a gyriant peiriant symudol  35. sut i wisgo, storio a chynnal a chadw cyfarpar amddiffyn rhag ymbelydredd 36. sut a phryd i sefydlu ardal a reolir dros dro 37. safle’r unigolyn sy’n berthnasol i’r archwiliad 38. cyfeirio a defnyddio esboniadau anatomegol yn briodol  39. gweithdrefnau’n ymwneud â chofnodi, casglu a pharatoi gwybodaeth, dogfennau, dos ymbelydredd a delweddau priodol i’w trosglwyddo neu eu storio yn unol â phrotocol lleol  40. sut i gadw cofnodion llawn, cywir a chlir yn unol â gweithdrefnau sefydliadol 

Mae’r safon hon yn gysylltiedig â’r dimensiwn canlynol o fewn Fframwaith Gwybodaeth a Sgiliau y GIG (Hydref 2004):

Dimensiwn: HWB6 Cynllunio asesiadau a thriniaethau