Cynhyrchu delweddau radiograffig confensiynol at ddibenion diagnosis

1. defnyddio rhagofalon sylfaenol ar gyfer rheoli heintiau a mesurau iechyd a diogelwch priodol eraill 

2. sicrhau bod yr unigolyn a’r staff wedi gwneud yr holl baratoadau angenrheidiol cyn dechrau’r broses

3. gwirio a pharatoi’r cyfarpar sydd ei angen ar gyfer yr archwiliad

4. sicrhau bod yr amgylchedd yn eich galluogi i gadw preifatrwydd ac urddas yr unigolyn

5. gwirio’r manylion adnabod cyn dechrau’r driniaeth yn unol â pholisïau a gweithdrefnau lleol

6. cyflwyno eich hunain ac aelodau staff eraill sy’n bresennol yn ystod yr archwiliad

7. cyfathrebu â’r unigolyn / y bobl allweddol er mwyn gwella eu dealltwriaeth o’r archwiliad a’u cydweithrediad 

8. sefydlu gallu’r unigolyn i ddeall y weithdrefn gyda chymorth y bobl allweddol os oes angen 

9. cael cydsyniad dilys ar gyfer y weithdrefn yn unol â chanllawiau cenedlaethol a lleol 

10. parchu preifatrwydd, urddas, credoau a phenderfyniadau’r unigolyn 

11. esbonio’r broses a’r canlyniadau posibl yn glir, gan gynnwys y risg, y buddion a’r cyfyngiadau

12. gwirio unigolion sy’n gallu cael plant am feichiogrwydd neu feichiogrwydd posibl, os yw’n briodol ar gyfer yr archwiliad, a gweithredu yn unol â phrotocol lleol 

13. cadarnhau statws y bobl allweddol cyn yr archwiliad ac, os oes angen iddyn nhw fod yn bresennol, dilyn canllawiau lleol 

14. gosod yr unigolyn yn ei safle ac addasu ei ddillad yn unol â phrotocol yr archwiliad sy’n galluogi cyflawni’r canlyniad gorau posibl, gan:

14.1 gydnabod bod angen i’r unigolyn gadw ei urddas a’i hunan-barch 

14.2 sicrhau ei fod mor gyfforddus â phosibl 

14.3 atal presenoldeb arteffactau 

15. alinio’r ffynhonnell/cyfarpar pelydr-x cywir a’r derbyniwr delweddau yn unol â’r dechneg briodol ar gyfer yr archwiliad, gyda’r esboniadau anatomegol yn y lle cywir 

16. gosod, gwirio ac addasu ffactorau amlygiad priodol, cyflinelliad a dyfeisiau amddiffyn rhag ymbelydredd i leihau’r cysylltiad â’r unigolyn, gan sicrhau’r ansawdd delwedd diagnostig gorau posibl 

17. gwirio’r ystafell cyn gwneud amlygiad er mwyn sicrhau mai unigolion hanfodol wedi’u hamddiffyn yn unig sy’n aros gyda’r unigolyn, ac y cydymffurfir â’r holl reolau lleol, a chymryd camau priodol os na fydd hyn yn digwydd

18. cael cadarnhad bod yr unigolyn yn barod cyn gwneud yr amlygiad 

19. parhau i gyfathrebu â’r unigolyn / y bobl allweddol i wella eu dealltwriaeth a’u cydymffurfiaeth trwy gydol yr archwiliad 

20. cadw golwg ar gyflwr a lles yr unigolyn bob amser a chymryd camau priodol os bydd unrhyw beth niweidiol yn digwydd

21. prosesu’r ddelwedd a sicrhau ei bod wedi’i labelu’n iawn, gan gynnwys marcwyr ochr a demograffeg

22. archwilio’r ddelwedd am ansawdd technegol a diagnostig digonol, yn unol â chanllawiau a meini prawf lleol

23. gwneud penderfyniad ynghylch a oes angen ailadrodd unrhyw ddelweddau, cymryd delweddau eraill neu brosesu’r ddelwedd i wella’r archwiliad

24. ar ôl yr archwiliad delweddu cychwynnol, rhoi gwybod i’r unigolyn priodol os gwelir annormaledd ar y ddelwedd y mae’n debygol y bydd angen ymchwiliad neu driniaeth bellach arno

25. sicrhau gofal diogel a phriodol ar gyfer yr unigolyn ar ôl cwblhau’r digwyddiad delweddu 

26. darparu gwybodaeth i’r unigolyn yn ymwneud â’r broses a’r ôl-ofal os bydd angen 

27. esbonio’r broses ar gyfer cael canlyniadau

28. cofnodi, casglu a pharatoi’r wybodaeth, y dogfennau, y ddos ymbelydredd a’r delweddau priodol i’w trosglwyddo neu eu storio yn unol â’r protocol lleol 

29. gwirio bod y delweddau wedi cyrraedd/cael eu storio yn ôl protocol lleol 

30. cydnabod ble mae angen help neu gyngor a chael gafael arno o ffynonellau priodol  

1. y gofynion cyfreithiol, sefydliadol a pholisi sy’n berthnasol i’ch rôl, rôl pobl eraill yn eich sefydliad a’r gweithgareddau a wneir 2. y safonau, canllawiau, polisïau a gweithdrefnau cenedlaethol a lleol sydd ar gael a sut a phryd dylid mynd atynt 3. pwysigrwydd parchu diwylliant, preifatrwydd, urddas, dymuniadau, credoau a phenderfyniadau unigolion  4. cyfyngiadau eich gwybodaeth a’ch profiad eich hun a phwysigrwydd gweithredu o fewn cwmpas eich ymarfer  5. rolau a chyfrifoldebau aelodau eraill y tîm 6. pwysigrwydd cael cydsyniad dilys yn unol â chanllawiau cenedlaethol a lleol  7. priodolrwydd clinigol y cais am archwiliad a’r camau i’w cymryd pan nad yw’r cais yn briodol 8. anatomeg y rhan o’r corff sy’n cael ei archwilio 9. y prosesau ffisiolegol a phatholegol sy’n berthnasol i’r rhan o’r corff sy’n cael ei archwilio  10. tirnodau anatomegol ar y corff sy’n berthnasol i ddelweddu radiograffig  11. yr ardal i’w delweddu, ei safle a’i pherthynas, ac ymddangosiadau arferol a welir ar ddelweddau radiograffig confensiynol  12. patholegau cyffredin ac amrywiadau normal ar y man sy’n cael ei archwilio  13. y derminoleg feddygol sy’n berthnasol i’r archwiliad, gan gynnwys talfyriadau  14. terminoleg lleoli, gan gynnwys talfyriadau  15. arwyddion o statws corfforol ac emosiynol unigolion  16. cynhyrchu, rhyngweithiadau a nodweddion pelydr-x 17. y broses sydd ynghlwm â ffurfio delweddau radiograffig  18. effeithiau niweidiol ymbelydredd ar y corff dynol a defnyddio cyfarpar amddiffyn rhag ymbelydredd 19. ffyrdd posibl o gofnodi, prosesu a storio delweddau yn barhaol  20. sut i addasu arddulliau cyfathrebu, holi cwestiynau a gwrando’n ofalus mewn ffyrdd sy’n briodol i anghenion yr unigolyn   21. dulliau cyfathrebu gwybodaeth anodd a chymhleth i unigolion a phobl allweddol  22. pwysigrwydd rhoi cyfleoedd i unigolion a phobl allweddol ofyn cwestiynau a gwella eu dealltwriaeth  23. y wybodaeth y dylid ei rhoi i unigolion cyn, yn ystod ac ar ôl cwblhau’r archwiliad  24. dulliau asesu a chofnodi dos ymbelydredd 25. y rhyngberthynas rhwng Kilo Volt Peak (kVp) and Miliamper (mA) ac amser (eiliadau) 26. newidynnau sy’n effeithio ar ffactorau amlygiad a sut i addasu ffactorau amlygiad ar gyfer yr archwiliad a’r unigolyn yn ôl yr angen  27. rheolyddion amlygiad awtomatig a pha siambrau i’w dewis ar gyfer yr archwiliad  28. gofynion ansawdd diagnostig a thechnegol y ddelwedd  29. y technegau a’r cyfarpar sydd eu hangen er mwyn cael y ddelwedd orau posibl ar gyfer y man dan sylw  30. adnabod arteffactau a’u heffaith 31. ffactorau sy’n dylanwadu ar y penderfyniad i ailadrodd delweddau neu gael golwg arall er mwyn helpu’r diagnosis a gwella’r archwiliad  32. pwysigrwydd cydnabod diffygion ar y cyfarpar yn brydlon a’r gweithdrefnau lleol ar gyfer rhoi gwybod am y rhain  33. galluoedd a chyfyngiadau’r cyfarpar a chynnal a chadw rheolaidd, gan gynnwys y prosesau rheoli ansawdd sy’n ofynnol gan y gweithredwr 34. mathau o gyfarpar delweddu, delweddau a systemau derbyn delweddau pelydr-x sy’n addas ar gyfer delweddu gwahanol rannau’r corff  35. safle’r unigolyn sy’n berthnasol i’r archwiliad  36. cyfeirio a defnyddio esboniadau anatomegol yn briodol  37. gweithdrefnau’n ymwneud â chofnodi, casglu a pharatoi dogfennau priodol, dos ymbelydredd a delweddau i’w trosglwyddo neu eu storio yn unol â phrotocol lleol  38. sut i gadw cofnodion llawn, cywir a chlir yn unol â gweithdrefnau sefydliadol 

Mae’r safon hon yn gysylltiedig â’r dimensiwn canlynol o fewn Fframwaith Gwybodaeth a Sgiliau y GIG (Hydref 2004):

Dimensiwn: HWB6 Cynllunio asesiadau a thriniaethau