Mewnosod, diogelu a monitro cathetrau wrethrol

Mae'r safon hon yn ymwneud â mewnosod cathetrau wrethrol, gan gynnwys ailosod cathetrau, gan ddilyn protocolau a gweithdrefnau cytunedig.  Hefyd, mae'n ymwneud â monitro'r cathetr wrethrol yn rheolaidd ar ôl ei osod, a gofalu amdano.

Nid yw'n cynnwys cathetreiddio uwchwerddyrol.

---

1. cael at a dehongli'n gywir yr holl wybodaeth a chyfarwyddiadau gwaith sy'n berthnasol
2. gweithio'n ddiogel bob amser ac yn unol â'r holl ddeddfwriaeth, canllawiau, polisïau, gweithdrefnau a phrotocolau perthnasol
3. delio'n brydlon ac yn effeithiol ag unrhyw broblemau o fewn eich rheolaeth a rhoi gwybod am broblemau nad allant gael eu datrys
4. nodi a lleihau peryglon a risgiau yn y gweithle
5. cyfathrebu â'r unigolyn a phobl allweddol yn ôl cyflymder, modd a lefel sy'n briodol i ddealltwriaeth ac anghenion yr unigolyn, a'r hyn sy'n well ganddo
6. parchu hawliau a dymuniadau'r unigolyn o ran ei gydsyniad, ei breifatrwydd, ei gredoau a'i urddas
7. darparu cymorth i'r unigolyn a sicrhau bod mesurau iechyd a diogelwch yn cael eu gweithredu bob amser
8. ennill cydsyniad gwybodus, dilys gan yr unigolyn yn unol â gweithdrefnau penodol
9. cymryd camau rhagofalus safonol ar gyfer rheoli heintiau a chymryd camau iechyd a diogelwch priodol eraill
10. cydymffurfio â'r protocolau a'r gweithdrefnau cywir yn gysylltiedig â chathetreiddio wrinol.
11. mewnosod y cathetr yn ddiogel ac yn gywir, yn unol â chyfarwyddiadau'r gwneuthurwr, gyda chyn lleied o drawma â phosibl i'r unigolyn
12. diogelu'r cathetr ar ôl ei fewnosod, yn unol â chyfarwyddiadau, a'i addasu'n gywir
13. cysylltu'r cathetr yn gywir â'r system ddraenio briodol, cadarnhau ei fod yn gweithredu'n gywir a mesur a chofnodi faint o wrin sy'n cael ei gasglu yn syth ar ôl ei fewnosod
14. gwneud yr unigolyn mor gyfforddus â phosibl yn dilyn y weithdrefn
15. monitro cyflwr yr unigolyn, adnabod unrhyw effeithiau niweidiol ar unwaith a chymryd y camau priodol
16. gwirio bod yr holl gyfarpar a deunyddiau cathetreiddio yn gweithredu'n gywir a chymryd camau priodol i gywiro unrhyw broblemau
17. cynnal glendid y cathetr a'r ardal o'i gwmpas trwy ofal hylendid yn rheolaidd
18. gwacáu bagiau draenio a mesur a chofnodi allbwn wrinol pryd bynnag y bo angen ac yn unol â chyfarwyddiadau
19. cwblhau a storio'r holl ddogfennaeth berthnasol yn unol â gofynion y sefydliad 

---

1. y ddeddfwriaeth, y canllawiau, y polisïau, y gweithdrefnau a'r protocolau presennol sy'n berthnasol i'ch ymarfer yn y gwaith, ac y mae'n rhaid i chi gadw atynt
2. cwmpas a chyfyngiadau eich cymhwysedd, eich cyfrifoldebau a'ch atebolrwydd eich hun fel y bo'n berthnasol i'ch rôl
3. sut i gael at a dehongli'r holl wybodaeth a chyfarwyddiadau gwaith sy'n berthnasol
4. gweithdrefnau penodol ar gyfer rhoi gwybod am broblemau sydd y tu hwnt i'ch cymhwysedd, eich cyfrifoldebau a'ch atebolrwydd
5. y ddyletswydd i roi gwybod am unrhyw weithred neu anwaith a allai fod yn anniogel/yn niweidiol i chi neu i eraill 
6. y peryglon a'r risgiau a allai godi wrth i chi gyflawni eich rôl a sut y gallwch eu lleihau
7. sut i addasu arddulliau cyfathrebu mewn ffyrdd sy'n briodol i anghenion yr unigolyn
8. y defnydd cywir o unrhyw gyfarpar a chyfarpar diogelu personol (PPE) i amddiffyn eich iechyd a'ch diogelwch chi a phobl eraill
9. yr egwyddorion, yr ymarfer a'r gweithdrefnau sy'n gysylltiedig â chydsyniad gwybodus
10. strwythurau, rolau a chyfrifoldebau rheoli'r sefydliad
11. yr amodau a'r cyfyngiadau a allai ddynodi pwy sy'n ymgymryd â'r weithdrefn hon, a pham
12. anatomeg y system genhedlol-droethol wrywaidd a benywaidd
13. ffisioleg y system genhedlol-droethol
14. effeithiau cathetreiddio ar gysur ac urddas yr unigolyn, a ffyrdd o leihau unrhyw effeithiau niweidiol
15. sut mae techneg aseptig yn cyfrannu at reoli haint
16. yr ystyriaethau moesegol sy'n gysylltiedig â chathetreiddio, fel y bo'n berthnasol i ddynion a menywod
17. yr angen am warchodwyr, ymwybyddiaeth unigol a chydsyniad
18. effeithiau andwyol posibl a chamau gweithredu priodol
19. dulliau effeithiol o roi cymorth a sicrwydd i unigolion ar lafar ac yn ddieiriau
20. y mathau o gathetrau y gellir eu defnyddio a pham y dylech ddewis y cathetr priodol
21. y cyfryngau anesthetig lleol sydd ar gael
22. sut i gwblhau'r holl ddogfennaeth berthnasol yn unol â gofynion y sefydliad, a'i storio'n ddiogel 

---

---

---

---

---

---

---

---

---

---

---

31 Maw 2026

---

Ar hyn o bryd

---

Gwreiddiol

---

Skills for Health

---

SFHCHS8

---

Gweithwyr iechyd proffesiynol, Gwasanaethau Cyhoeddus a Gofal, Lechyd, Nyrsio a Phynciau a Galwedigaethau Perthynol, Gwasanaethau Gofal Iechyd a Gwasanaethau Personol Cysylltiedig

---

2219

---

Mewnosod, diogelu, cathetr, wrethrol, monitro, ymateb

---