Ymgymryd â gofal cytunedig mannau gwasgu

Mae’r safon hon yn ymwneud ag ymgymryd â gofal mannau gwasgu ar gyfer unigolion, gan ddilyn cynllun gofal ac asesiad risg yr unigolyn, a dilyn protocolau a gweithdrefnau perthnasol yn eich maes gwaith. Mae wedi’i anelu at atal, cynnal croen iach ac atal y croen rhag torri i lawr. Bydd yn cysylltu â’r safonau ar symud a thrafod unigolion, ac mae’n berthnasol mewn amrywiaeth o leoliadau gofal, gan gynnwys ysbytai, cartrefi gofal a chartref yr unigolyn ei hun. 

---

1. cael at a dehongli'n gywir yr holl wybodaeth a chyfarwyddiadau gwaith sy'n berthnasol
2. gweithio'n ddiogel bob amser ac yn unol â'r holl ddeddfwriaeth, canllawiau, polisïau, gweithdrefnau a phrotocolau perthnasol
3. delio'n brydlon ac yn effeithiol ag unrhyw broblemau o fewn eich rheolaeth a rhoi gwybod am broblemau nad allant gael eu datrys
4. nodi a lleihau peryglon a risgiau yn y gweithle
5. cyfathrebu â'r unigolyn a phobl allweddol yn ôl cyflymder, modd a lefel sy'n briodol i ddealltwriaeth ac anghenion yr unigolyn, a'r hyn sy'n well ganddo
6. parchu hawliau a dymuniadau'r unigolyn o ran ei breifatrwydd, ei gredoau a'i urddas
7. darparu cymorth i'r unigolyn a sicrhau bod mesurau iechyd a diogelwch yn cael eu gweithredu bob amser
8. ennill cydsyniad gwybodus, dilys gan yr unigolyn yn unol â gweithdrefnau penodol
9. dilyn y cynllun gofal, gan gynnal preifatrwydd ac urddas yr unigolyn bob amser
10. annog yr unigolyn i gymryd rhan yn y gofal ar gyfer ei fannau gwasgu
11. sicrhau eich bod yn gallu cynnal y weithdrefn heb i ddillad na dillad gwely eich rhwystro
12. nodi unrhyw newidiadau i gyflwr croen yr unigolyn a rhoi gwybod i'r aelod staff priodol am y newidiadau hyn
13. defnyddio cymhorthion lliniaru gwasgu yn briodol, yn unol â'r cynllun gofal a chyfarwyddiadau gwneuthurwyr
14. gadael yr unigolyn mewn osgo a safle cyfforddus, yn unol â'r cynllun gofal
15. cwblhau a storio'r holl ddogfennaeth berthnasol yn unol â gofynion y sefydliad

---

1. y ddeddfwriaeth, y canllawiau, y polisïau, y gweithdrefnau a'r protocolau presennol sy'n berthnasol i'ch ymarfer yn y gwaith, ac y mae'n rhaid i chi gadw atynt
2. cwmpas a chyfyngiadau eich cymhwysedd, eich cyfrifoldebau a'ch atebolrwydd eich hun fel y bo'n berthnasol i'ch rôl
3. sut i gael at a dehongli'r holl wybodaeth a chyfarwyddiadau gwaith sy'n berthnasol
4. gweithdrefnau penodol ar gyfer rhoi gwybod am broblemau sydd y tu hwnt i'ch cymhwysedd, eich cyfrifoldebau a'ch atebolrwydd
5. y ddyletswydd i roi gwybod am unrhyw weithred neu anwaith a allai fod yn anniogel/yn niweidiol i chi neu i eraill 
6. y peryglon a'r risgiau a allai godi wrth i chi gyflawni eich rôl a sut y gallwch eu lleihau
7. sut i addasu arddulliau cyfathrebu mewn ffyrdd sy'n briodol i anghenion yr unigolyn
8. y defnydd cywir o unrhyw gyfarpar a chyfarpar diogelu personol (PPE) i amddiffyn eich iechyd a'ch diogelwch chi a phobl eraill
9. yr egwyddorion, yr ymarfer a'r gweithdrefnau sy'n gysylltiedig â chydsyniad gwybodus
10. anghenion unigolion, gan gynnwys materion yn ymwneud ag urddas, cyfrinachedd a phreifatrwydd
11. strwythurau, rolau a chyfrifoldebau rheoli'r sefydliad
12. pwysigrwydd cymryd camau rhagofalus safonol wrth ymgymryd â gofal cytunedig mannau gwasgu a chanlyniadau posibl ymarfer gwael 
13. yr offer asesu risg doluriau gwasgu sy'n cael eu defnyddio yn eich maes gwaith
14. y defnydd o offer asesu risg doluriau gwasgu
15. pam dylech chi ddweud wrth yr unigolion beth rydych chi'n ei wneud
16. anatomeg a ffisioleg arferol y croen
17. safleoedd gwasgu'r corff
18. y newidiadau yng ngolwg y croen pan fydd risg i gyfanrwydd y croen
19. y ffactorau sydd:
    • yn peri risg y bydd croen unigolyn yn torri i lawr ac sy'n peri risg doluriau gwasgu
    • yn gallu helpu i atal y croen rhag torri i lawr a doluriau gwasgu 
      
20. pwysigrwydd symud unigolion yn gywir a chanlyniadau technegau symud a thrafod gwael
21. pam mae'n bwysig dilyn y cynllun gofal a'r offeryn asesu risg
22. pwysigrwydd gweithio mewn tîm yn gysylltiedig â gofal mannau gwasgu
23. y cymhorthion lliniaru gwasgu sydd ar gael a'u defnydd
24. sut i gael gwybodaeth gyfredol am ofal mannau gwasgu a chymhorthion lliniaru gwasgu
25. unigolion eraill y gallech eu cynnwys wrth ofalu am fannau gwasgu
26. sut i gwblhau'r holl ddogfennaeth berthnasol yn unol â gofynion y sefydliad, a'i storio'n ddiogel
    

---

---

---

---

---

---

---

---

---

---

---

31 Maw 2026

---

Ar hyn o bryd

---

Gwreiddiol

---

Skills for Health

---

SFHCHS5

---

Rheolwyr ac Uwch Swyddogion, Gweithwyr Proffesiynol Cyswllt a Galwedigaethau Technegol, Gweithwyr iechyd proffesiynol, Gwasanaethau Cyhoeddus a Gofal, Swyddogion Iechyd a Gwasanaethau Cymdeithasol, Lechyd, Galwedigaethau Gwasanaethau Personol, Iechyd a Gofal Cymdeithasol, Gwasanaethau Gofal Iechyd a Gwasanaethau Personol Cysylltiedig

---

2219

---

dolur gwasgu, croen yn torri i lawr, atal, symud a thrafod

---