Darparu cynnal bywyd sylfaenol

Mae'r safon hon yn ymwneud â pharatoi ar gyfer cynnal bywyd sylfaenol a'i ddarparu.

Sylwch nad yw'r safon hon yn cynnwys defnyddio diffibrilwyr allanol awtomataidd.

1. asesu a chadarnhau'n brydlon bod cylchrediad ac anadlu'r unigolyn wedi darfod a sefydlu bod angen cynnal bywyd sylfaenol

2. sicrhau bod eich gweithredoedd yn cydymffurfio bob amser â:

   • phrotocolau a chanllawiau sefydledig
   • arfer gorau seiliedig ar dystiolaeth
   • cwmpas eich ymarfer eich hun
   • iechyd a diogelwch a chamau rhagofalus safonol ar gyfer atal a rheoli haint
   • deddfwriaeth 
     

3. ceisio cymorth arbenigol ychwanegol ar y cyfle cyntaf

4. gwirio a chadarnhau nad yw'r unigolyn yn anadlu heb gymorth ac nad oes gwrtharwyddion ar gyfer adfywio
5. defnyddio technegau diogel, perthnasol ar gyfer clirio ac agor llwybr anadlu'r unigolyn, lle y bo'n briodol

6. gosod yr unigolyn a chi'ch hun yn briodol i wneud cywasgiadau allanol y frest a/neu awyru yn ddiogel ac yn effeithiol, gan gyfrif am:

   • gyflwr yr unigolyn
   • yr angen am sylfaen ddigon cadarn i hwyluso cywasgiadau allanol y frest
   • yr angen posibl am gynnal cywasgiadau ac awyru am gyfnod estynedig 
     

7. defnyddio'r gymhareb briodol wrth gywasgu ac awyru bob yn ail a chydymffurfio â chyfraddau a dyfnderau cywir pob un ohonynt, gan sicrhau bod y cywasgu'n digwydd ar y man cywir ar frest yr unigolyn

8. monitro a gwerthuso gweithrediad resbiradol yr unigolyn ac effeithiolrwydd cywasgiadau ac awyru, gan ymateb yn brydlon ac yn briodol i gyflawni'r canlyniad gorau posibl i'r unigolyn
9. rhoi'r gorau i gymhwyso unrhyw dechnegau pan fydd yr unigolyn yn adennill rheolaeth ar ei lwybr anadlu ac ar gylchrediad, a gosod yr unigolyn mewn osgo priodol i alluogi gofal parhaus yn unol â'r cyflwr

10. parhau ag awyru a chywasgiadau:

    • hyd nes bod yr unigolyn yn dangos arwyddion clir o gylchrediad heb gymorth a bod anadlu digymell digonol wedi'i sefydlu
    • hyd nes bod yr unigolyn yn cael ei drosglwyddo i ofal pobl eraill 
      

11. rhoi gwybod yn gywir ac yn glir am y camau a gymeroch, ac am ba hyd, wrth drosglwyddo i arbenigwr

12. adfer cyfarpar a deunyddiau i statws gweithio ar ôl eu defnyddio
13. cwblhau a storio'r holl ddogfennaeth berthnasol yn unol â gofynion y sefydliad

1. y ddeddfwriaeth, y canllawiau, y polisïau, y gweithdrefnau a'r protocolau presennol sy'n berthnasol i'ch ymarfer yn y gwaith, ac y mae'n rhaid i chi gadw atynt
2. cwmpas a chyfyngiadau eich cymhwysedd, eich cyfrifoldebau a'ch atebolrwydd eich hun fel y bo'n berthnasol i'ch rôl
3. sut i gael at a dehongli'r holl wybodaeth a chyfarwyddiadau gwaith sy'n berthnasol
4. gweithdrefnau penodol ar gyfer rhoi gwybod am broblemau sydd y tu hwnt i'ch cymhwysedd, eich cyfrifoldebau a'ch atebolrwydd
5. y ddyletswydd i roi gwybod am unrhyw weithred neu anwaith a allai fod yn anniogel/yn niweidiol i chi neu i eraill
6. y peryglon a'r risgiau a allai godi wrth i chi gyflawni eich rôl a sut y gallwch eu lleihau
7. sut i addasu arddulliau cyfathrebu mewn ffyrdd sy'n briodol i anghenion yr unigolyn
8. y defnydd cywir o unrhyw gyfarpar a chyfarpar diogelu personol (PPE) i amddiffyn eich iechyd a'ch diogelwch chi a phobl eraill
9. ymarfer seiliedig ar dystiolaeth a'i rôl wrth wella gofal
10. yr egwyddorion, yr ymarfer a'r gweithdrefnau sy'n gysylltiedig â chydsyniad gwybodus
11. anghenion unigolion, gan gynnwys ystyriaethau'n gysylltiedig ag urddas, cyfrinachedd a phreifatrwydd
12. strwythurau, rolau a chyfrifoldebau rheoli'r sefydliad
13. y gweithdrefnau a'r dulliau sy'n gysylltiedig â chydlynu timau rhyngddisgyblaethol ac amlddisgyblaethol o fewn ac ar draws gwasanaethau
14. anatomeg y system resbiradol
15. blaenoriaethau mewn cynnal bywyd
16. faint o amser y dylid ei gymryd i asesu anghenion unigol a'r ymateb cynnal bywyd a ddefnyddir fel bod gan unigolyn y cyfle gorau i oroesi
17. y wybodaeth y gall fod angen ei chofnodi ar ôl defnyddio cynnal bywyd sylfaenol
18. arwyddion clinigol rhwystr yn y llwybr anadlu
19. beth i'w wneud os bydd corffyn estron yn rhwystro llwybr aer unigolyn
20. y gwahaniaethau mewn technegau y mae eu hangen i sicrhau bod llwybr aer ar agor mewn gwahanol fathau o unigolyn
21. y ffactorau i'w hystyried wrth benderfynu ar y dechneg a fydd yn arwain at y canlyniad gorau posibl i'r unigolyn
22. pam na ddylai technegau gogwyddo'r pen gael eu defnyddio os oes amheuaeth ynghylch anaf i'r gwddf neu'r asgwrn cefn 
23. y gwahanol dechnegau a ddefnyddir i awyru unigolyn a phryd dylai pob un ohonynt gael eu defnyddio
24. y gymhareb a'r gyfradd anadlu ar gyfer gwahanol fathau o unigolyn ac amodau
25. pwysigrwydd gosodiad yr unigolyn a'r person sy'n rhoi cynhaliaeth bywyd sylfaenol i'r canlyniad, gan gynnwys anghenion gosod penodol menywod yn nhrydydd tymor beichiogrwydd
26. yr arsylwadau i'w cyflawni i nodi ocsigeniad digonol mewn gwahanol fathau o unigolyn
27. cyfradd a dyfnder y cywasgiadau y mae eu hangen ar gyfer gwahanol fathau o unigolyn

28. y gymhareb cywasgu :** awyru mewn:

    • gwahanol fathau o unigolyn
    • Cynnal Bywyd Sylfaenol un a dau berson 
      

29. y weithdrefn i sefydlu lleoliad cywir y llaw/bys ar gyfer gwneud cywasgiadau allanol y frest

30. pam mae angen sylfaen gadarn ar gyfer cywasgiadau'r frest, a pha gamau i'w cymryd pan nad oes un ar gael
31. gwahanol ddulliau gwthio'r frest a tharo'r cefn i'w defnyddio yn achosion plant/pobl ifanc ac oedolion
32. y gwahaniaethau rhwng ardystio a gwneud diagnosis o farwolaeth yn unol ag arfer gorau, a phwy sydd â'r awdurdod i gyflawni'r gweithgareddau hyn
33. diogelwch personol ynghyd ag iechyd a diogelwch cyffredinol, glendid a'r amrywiaeth o sefyllfaoedd ac ymatebion
34. sut i gwblhau'r holl ddogfennaeth berthnasol yn unol â gofynion y sefydliad, a'i storio'n ddiogel