Asesu a chytuno ar effeithiolrwydd y therapi dialysis

Mae'r safon hon yn ymwneud â phwyso a mesur data meddygol, gwybodaeth am gyflwr meddygol yr unigolyn a'r hyn sy'n well ganddo er mwyn barnu a oes angen i'w therapi dialysis newid.  Weithiau, bydd newidiadau'n cael eu gwneud oherwydd bod rhywun dan ddialysis.  Ar adegau eraill, bydd angen newidiadau oherwydd datblygiadau newydd o ran triniaeth.  Hefyd, gall fod angen addasiadau i ddarparu ar gyfer rhyw agwedd ar fywyd cymdeithasol, gwaith neu ddomestig yr unigolyn. Dylai addasiadau a chyfaddawdau gyd-fynd â thystiolaeth ar gyfer y buddion cyffredinol i les yr unigolyn.

Gallai'r gweithgaredd hwn gael ei gynnal mewn prif uned ddialysis, uned lloeren neu yng nghartref yr unigolyn ei hun.

---

1. cael at a dehongli'n gywir yr holl wybodaeth a chyfarwyddiadau gwaith sy'n berthnasol
2. gweithio'n ddiogel bob amser ac yn unol â'r holl ddeddfwriaeth, canllawiau, polisïau, gweithdrefnau a phrotocolau perthnasol
3. delio'n brydlon ac yn effeithiol ag unrhyw broblemau o fewn eich rheolaeth a rhoi gwybod am broblemau nad allant gael eu datrys
4. nodi a lleihau peryglon a risgiau yn y gweithle
5. cyfathrebu â'r unigolyn a phobl allweddol yn ôl cyflymder, modd a lefel sy'n briodol i ddealltwriaeth ac anghenion yr unigolyn, a'r hyn sy'n well ganddo
6. parchu hawliau a dymuniadau'r unigolyn o ran ei breifatrwydd, ei gredoau a'i urddas
7. datblygu darlun gyda'r unigolyn o'i les a'i deimladau am ei therapi dialysis
8. trafod nodau a dyheadau'r unigolyn ar gyfer dialysis a sut y dylai alluogi'r unigolyn i fyw ei fywyd o ddydd i ddydd
9. nodi effaith y cynllun gofal presennol ar ffordd yr unigolyn o fyw
10. darganfod am ba hyd mae'r unigolyn yn cael dialysis ac a yw'n cael ei driniaeth lawn ar bob achlysur
11. asesu perfformiad dialysis
12. adolygu iechyd clinigol yr unigolyn yn rheolaidd
13. sefydlu statws maethol
14. cysylltu effeithiolrwydd dialysis yr unigolyn i argymhellion/canllawiau cenedlaethol
15. dehongli'r data meddygol a phersonol ochr yn ochr â theimladau a dymuniadau'r unigolyn gydag aelodau'r tîm amlddisgyblaethol i nodi a oes achos dros wneud newidiadau
16. nodi ymyriadau priodol i fynd i'r afael â digonolrwydd dialysis
17. cwblhau a storio'r holl ddogfennaeth berthnasol yn unol â gofynion y sefydliad 

---

1. y ddeddfwriaeth, y canllawiau, y polisïau, y gweithdrefnau a'r protocolau presennol sy'n berthnasol i'ch ymarfer yn y gwaith, ac y mae'n rhaid i chi gadw atynt
2. cwmpas a chyfyngiadau eich cymhwysedd, eich cyfrifoldebau a'ch atebolrwydd eich hun fel y bo'n berthnasol i'ch rôl
3. sut i gael at a dehongli'r holl wybodaeth a chyfarwyddiadau gwaith sy'n berthnasol
4. gweithdrefnau penodol ar gyfer rhoi gwybod am broblemau sydd y tu hwnt i'ch cymhwysedd, eich cyfrifoldebau a'ch atebolrwydd
5. y ddyletswydd i roi gwybod am unrhyw weithred neu anwaith a allai fod yn anniogel/yn niweidiol i chi neu i eraill
6. y peryglon a'r risgiau a allai godi wrth i chi gyflawni eich rôl a sut y gallwch eu lleihau
7. sut i addasu arddulliau cyfathrebu mewn ffyrdd sy'n briodol i anghenion yr unigolyn
8. y defnydd cywir o unrhyw gyfarpar a chyfarpar diogelu personol (PPE) i amddiffyn eich iechyd a'ch diogelwch chi a phobl eraill
9. yr egwyddorion, yr ymarfer a'r gweithdrefnau sy'n gysylltiedig â chydsyniad gwybodus
10. anghenion unigolion a gofalwyr, gan gynnwys ystyriaethau'n gysylltiedig ag urddas, cyfrinachedd a phreifatrwydd
11. strwythurau, rolau a chyfrifoldebau rheoli'r sefydliad
12. sut i nodi ac ymateb i'r pryderon sydd gan unigolion ynghylch dialysis a'r ffordd y mae'n effeithio ar eu bywyd
13. sut i roi adborth i'r unigolyn ar berfformiad dialysis
14. effeithiau dibyniaeth ac annibyniaeth ar yr unigolyn, y gofalwr ac ar ddarparu'r gwasanaeth
15. sut i gael darlun dilys gan unigolion o'u nodau, eu dyheadau, eu teimladau a'u disgwyliadau
16. pwysigrwydd rhoi cyfleoedd i unigolion ofyn cwestiynau a chynyddu'u dealltwriaeth
17. gwybodaeth a ddylai fod ar gael yn y cynllun gofal, beth yw ei ystyr
18. cofnodi cytundebau, y cynllun gofal a gohebiaeth arall
19. y gwahanol nodweddion y mae'n rhaid i wasanaethau eu cael i fodloni rhywedd, diwylliant, iaith neu anghenion eraill pobl
20. natur methiant yr arennau a swyddogaeth therapi disodli'r arennau
21. sut mae dialysis yn gweithio i'r unigolyn a sut caiff ei berfformiad ei fesur
22. natur ac arwyddocâd paramedrau cynlluniau gofal dialysis a sut gall amgylchiadau ganiatáu neu fynnu bod y rhain yn cael eu hamrywio
23. tystiolaeth o'r berthynas rhwng ffyrdd unigolion o fyw a'u lles
24. effaith maeth ar fesurau iechyd unigolyn
25. y berthynas rhwng dialysis, maeth, meddyginiaeth a mesurau iechyd yr unigolyn a'r gweithdrefnau ar gyfer rheoli'r rhain
26. polisi'r sefydliad ar ddefnyddio adnoddau ar gyfer unigolion
27. sut i gwblhau'r holl ddogfennaeth berthnasol yn unol â gofynion y sefydliad, a'i storio'n ddiogel

---

---

---

---

---

---

---

---

---

---

---

31 Maw 2026

---

Ar hyn o bryd

---

Gwreiddiol

---

Skills for Health

---

SFHCHS31

---

Rheolwyr ac Uwch Swyddogion, Gweithwyr Proffesiynol Cyswllt a Galwedigaethau Technegol, Gweithwyr iechyd proffesiynol, Gwasanaethau Cyhoeddus a Gofal, Swyddogion Iechyd a Gwasanaethau Cymdeithasol, Lechyd, Galwedigaethau Gwasanaethau Personol, Iechyd a Gofal Cymdeithasol, Gwasanaethau Gofal Iechyd a Gwasanaethau Personol Cysylltiedig

---

2219

---

Asesu, cytuno, effeithiolrwydd, dialysis, therapi

---