Cynnal, a chwblhau, therapi dialysis i unigolion â mynediad sefydledig

Mae'r safon hon yn ymwneud â chychwyn, cynnal a chwblhau therapi dialysis, sef hemodialysis a Dialysis Peritoneaidd Symudol Parhaus, ar gyfer unigolion cronig, sefydlog ar ddialysis, sydd â mynediad sefydledig. Gall y therapi ddigwydd mewn nifer o leoliadau, gan gynnwys cartref yr unigolyn, yn yr ysbyty neu mewn lleoliad gofal arall.

Ni fwriedir i'r safon hon gynnwys achosion acíwt ac nid yw'n cynnwys gosod, cysylltu, monitro na datgysylltu canwlâu a chathetrau.

---

1. cael at a dehongli'n gywir yr holl wybodaeth a chyfarwyddiadau gwaith sy'n berthnasol
2. gweithio'n ddiogel bob amser ac yn unol â'r holl ddeddfwriaeth, canllawiau, polisïau, gweithdrefnau a phrotocolau perthnasol
3. delio'n brydlon ac yn effeithiol ag unrhyw broblemau o fewn eich rheolaeth a rhoi gwybod am broblemau nad allant gael eu datrys
4. nodi a lleihau peryglon a risgiau yn y gweithle
5. cyfathrebu â'r unigolyn a phobl allweddol yn ôl cyflymder, modd a lefel sy'n briodol i ddealltwriaeth ac anghenion yr unigolyn, a'r hyn sy'n well ganddo
6. parchu hawliau a dymuniadau'r unigolyn o ran ei breifatrwydd, ei gredoau a'i urddas
7. darparu cymorth i'r unigolyn a sicrhau bod mesurau iechyd a diogelwch yn cael eu gweithredu bob amser
8. gwirio pwy yw'r unigolyn ac yna cadarnhau'r gweithgaredd arfaethedig
9. ennill cydsyniad gwybodus, dilys gan yr unigolyn yn unol â gweithdrefnau penodol
10. cadarnhau bod cyfarpar a deunyddiau dialysis yn briodol i'r weithdrefn ac yn addas i'r diben
11. cychwyn dialysis yn gywir ac yn ddiogel, yn unol â chynllun gofal yr unigolyn
12. adnabod unrhyw broblemau â'r safle mynediad ar gyfer dialysis yn brydlon a chymryd camau priodol heb oedi
13. monitro cynnydd y dialysis yn effeithiol ac addasu'r broses yn gywir yn unol â chynllun gofal yr unigolyn
14. cymryd mesuriadau ffisiolegol yn gywir gan ddefnyddio'r dechneg a'r cyfarpar cywir ar amseroedd priodol yn ôl y cynllun gofal
15. ceisio cyngor ar unwaith os bydd unrhyw newid neu ddigwyddiad annisgwyl i'w weld yn y darlleniadau ffisiolegol
16. dehongli'r mesuriadau yn gywir, eu cofnodi'n gywir gan ddefnyddio'r fformat gofynnol a rhoi gwybod i'r aelod priodol o'r tîm gofal amdanynt
17. rhoi gwybod i aelod priodol o'r tîm gofal yn ddi-oed os nad ydych chi'n gallu cael y mesuriad yn y ffordd a nodwyd
18. cofnodi unrhyw newid annisgwyl yn ymddygiad neu gyflwr yr unigolyn, neu ym mharamedrau cyfarpar, yn gywir a rhoi gwybod i'r person priodol amdanynt heb oedi
19. rhoi gwybod ar unwaith am unrhyw gyflwr neu ymddygiad a allai fod yn arwydd o adwaith niweidiol i ddialysis a chymryd y camau sy'n briodol i gyflwr yr unigolyn
20. cwblhau'r dialysis yn ddiogel ac yn gywir yn unol â'r hyn sydd wedi'i nodi yn y cynllun gofal
21. datgysylltu'r cyfarpar dialysis o'r unigolyn yn ddiogel ac yn gywir, ac yn unol â chyfarwyddiadau a phrotocolau'r gwneuthurwr
22. cwblhau a storio'r holl ddogfennaeth berthnasol yn unol â gofynion y sefydliad 

---

1. y ddeddfwriaeth, y canllawiau, y polisïau, y gweithdrefnau a'r protocolau presennol sy'n berthnasol i'ch ymarfer yn y gwaith, ac y mae'n rhaid i chi gadw atynt
2. cwmpas a chyfyngiadau eich cymhwysedd, eich cyfrifoldebau a'ch atebolrwydd eich hun fel y bo'n berthnasol i'ch rôl
3. sut i gael at a dehongli'r holl wybodaeth a chyfarwyddiadau gwaith sy'n berthnasol
4. gweithdrefnau penodol ar gyfer rhoi gwybod am broblemau sydd y tu hwnt i'ch cymhwysedd, eich cyfrifoldebau a'ch atebolrwydd
5. y ddyletswydd i roi gwybod am unrhyw weithred neu anwaith a allai fod yn anniogel/yn niweidiol i chi neu i eraill
6. y peryglon a'r risgiau a allai godi wrth i chi gyflawni eich rôl a sut y gallwch eu lleihau
7. sut i addasu arddulliau cyfathrebu mewn ffyrdd sy'n briodol i anghenion yr unigolyn
8. y defnydd cywir o unrhyw gyfarpar a chyfarpar diogelu personol (PPE) i amddiffyn eich iechyd a'ch diogelwch chi a phobl eraill
9. yr egwyddorion, yr ymarfer a'r gweithdrefnau sy'n gysylltiedig â chydsyniad gwybodus
10. anghenion unigolion, gan gynnwys ystyriaethau'n gysylltiedig ag urddas, cyfrinachedd a phreifatrwydd
11. strwythurau, rolau a chyfrifoldebau rheoli'r sefydliad
12. pwysigrwydd cymryd camau rhagofalus safonol wrth gyflawni a chwblhau therapi dialysis i unigolion â mynediad sefydledig a chanlyniadau posibl ymarfer gwael
13. anatomeg arferol yr aren a ffisioleg hidlo'r gwaed a ffurfio wrin
14. egwyddorion trylediad ac osmosis yn gysylltiedig â dialysis
15. cydbwysedd hylifau ac electrolytau
16. y rhesymau dros ymgymryd â dialysis
17. y wybodaeth sydd wedi'i chynnwys yn y cynllun gofal
18. sut i adnabod gwrtharwyddion sy'n golygu y dylech geisio cyngor cyn parhau â pharatoi unigolion
19. y mathau o gymorth emosiynol a chorfforol y gall fod ar unigolion gwahanol eu hangen yn ystod ac yn dilyn dialysis
20. y mathau o newid a all ddigwydd i unigolion – yn gorfforol ac yn emosiynol – a pham mae'n bwysig adnabod unrhyw newidiadau a rhoi gwybod amdanynt
21. pa wybodaeth y mae angen ei chofnodi ac y mae angen rhoi gwybod amdani yn gysylltiedig â pharatoi unigolion ar gyfer dialysis
22. pa agweddau ar ddialysis y mae angen eu monitro a'u haddasu
23. pa fesuriadau ffisiolegol y mae angen eu mesur ym mha gam(au) o'r dialysis, pam mae'n bwysig cymryd y mesurau ffisiolegol perthnasol, a pham mae angen eu cofnodi ar yr amseroedd sydd wedi'u nodi yn y cynllun gofal
24. yr amrywiaeth o ganlyniadau y byddai'n cael eu disgwyl ar gyfer gwahanol unigolyn, beth sy'n cael ei ystyried yn ganlyniad annormal
25. pam y dylid rhoi gwybod ar unwaith am ganlyniadau annisgwyl neu annormal a sut gall y mesuriadau a gafwyd effeithio ar y therapi yr ymgymerir ag ef
26. sut gallai unigolion a phobl berthnasol eraill gael eu cynnwys wrth gymryd mesuriadau a pham mae'n bwysig eu hannog i gymryd rhan
27. yr adweithiau niweidiol cyffredin i ddialysis, sut i adnabod y rhain a pha gamau i'w cymryd os byddant yn digwydd
28. y pryderon cyffredin posibl sydd gan unigolion ynghylch dialysis a'r ffordd y mae'n effeithio ar eu bywyd
29. pwysigrwydd amseru ar gyfer dialysis, a pham y gallai hyd y therapi gael ei newid yn y cynllun gofal
30. natur a swyddogaeth peiriannau hemodialysis a chyfarpar cysylltiedig, y gwahanol fathau o beiriant sydd ar gael a'u manteision a'u hanfanteision i gyflyrau ac anghenion gwahanol unigolion
31. y cyfarpar a ddefnyddir mewn dialysis peritoneaidd a sut mae'r dull dialysis hwn yn gweithio
32. gwahanol fathau a safleoedd mynediad dialysis sydd gan unigolion a manteision ac anfanteision bob un ohonynt

33. y rhesymau pam:

    • mae angen cyflenwad dŵr diogel, wedi'i drin, ar gyfer hemodialysis
    • mae'n rhaid defnyddio hylifau di-haint penodol ar gyfer dialysis peritoneaidd 
      

34. sut i wirio p'un a yw'r peiriannau a'r cyfarpar dialysis cysylltiedig yn gweithredu'n gywir

35. gweithdrefnau perthnasol ar gyfer rhoi gwybod am ddiffygion a phroblemau eraill gyda chyfarpar a deunyddiau
36. pa baramedrau y mae'n rhaid eu gosod ar beiriannau hemodialysis yn ôl cynllun gofal pob unigolion a dulliau o osod rheolyddion
37. y mathau o broblemau mynediad a all ddigwydd, sut i'w hadnabod nhw a pha gamau i'w cymryd
38. y technegau a'r cyfarpar i'w defnyddio ar gyfer cymryd y gwahanol fesuriadau ffisiolegol
39. sut i ddatgysylltu'r unigolyn o'r dialysis
40. sut i lanhau a/neu ddiheintio peiriannau a chyfarpar, gan gynnwys pa ddeunyddiau a thechnegau glanhau i'w defnyddio
41. sut i gwblhau'r holl ddogfennaeth berthnasol yn unol â gofynion y sefydliad, a'i storio'n ddiogel

---

---

---

---

---

---

---

---

---

---

---

31 Maw 2026

---

Ar hyn o bryd

---

Gwreiddiol

---

Skills for Health

---

SFHCHS26

---

Rheolwyr ac Uwch Swyddogion, Gweithwyr Proffesiynol Cyswllt a Galwedigaethau Technegol, Gweithwyr iechyd proffesiynol, Gwasanaethau Cyhoeddus a Gofal, Swyddogion Iechyd a Gwasanaethau Cymdeithasol, Lechyd, Galwedigaethau Gwasanaethau Personol, Iechyd a Gofal Cymdeithasol, Gwasanaethau Gofal Iechyd a Gwasanaethau Personol Cysylltiedig

---

2219

---

Dialysis, therapi, mynediad, cwblhau

---