Cynnal Gweithdrefnau Electrocardiograff (ECG) Cyffredin

Mae'r safon hon yn ymwneud â chynnal recordiadau Electrocardiograff (ECG) pan fydd rhywun yn llonydd a gweithdrefnau Electrocardiograff symudol.

Mae'n cynnwys cysylltu a datgysylltu electrodau a chaffael data yn barod i'w ddadansoddi.

Gellir cyflawni'r gweithdrefnau mewn nifer o leoliadau gofal, fel adrannau cleifion allanol, ardaloedd ward a meddygfeydd.

---

1. cael at a dehongli'n gywir yr holl wybodaeth a chyfarwyddiadau gwaith sy'n berthnasol
2. gweithio'n ddiogel bob amser ac yn unol â'r holl ddeddfwriaeth, canllawiau, polisïau, gweithdrefnau a phrotocolau perthnasol
3. delio'n brydlon ac yn effeithiol ag unrhyw broblemau o fewn eich rheolaeth a rhoi gwybod am broblemau nad allant gael eu datrys
4. nodi a lleihau peryglon a risgiau yn y gweithle
5. cyfathrebu â'r unigolyn a phobl allweddol yn ôl cyflymder, modd a lefel sy'n briodol i ddealltwriaeth ac anghenion yr unigolyn, a'r hyn sy'n well ganddo
6. parchu hawliau a dymuniadau'r unigolyn o ran ei breifatrwydd, ei gredoau a'i urddas
7. darparu cymorth i'r unigolyn a gofalwyr a sicrhau bod mesurau iechyd a diogelwch yn cael eu gweithredu bob amser
8. cymryd camau rhagofalus safonol ar gyfer atal a rheoli heintiau a chamau iechyd a diogelwch priodol eraill
9. cadarnhau pwy yw'r unigolyn a'r rheswm dros yr atgyfeiriad
10. ennill cydsyniad gwybodus, dilys gan yr unigolyn yn unol â gweithdrefnau penodol
11. nodi unrhyw anghenion arbennig a allai effeithio ar gynnal y prawf neu ddylanwadu ar ganlyniadau
12. sicrhau cysur, diogelwch a chyflwr cyffredinol yr unigolyn a chi'ch hunan trwy gydol y weithdrefn
13. cael cymorth a chyngor pan fydd angen trefniadau eraill i fodloni'r anghenion arbennig
14. cadarnhau bod yr unigolyn yn ffit i gael y gweithdrefnau
15. cadarnhau bod yr unigolyn yn deall yr angen am gofnodi arwyddion a symptomau trwy gydol electrocardiograff
16. sefydlu addasrwydd nodweddion a pharamedrau gweithredol cyfarpar
17. labelu dogfennau a dyfeisiau cofnodi â gofynion y sefydliad yn gywir
18. hysbysu a chyfarwyddo'r unigolyn ynghylch y weithdrefn a'r gofynion i'r unigolyn gydymffurfio
19. annog yr unigolyn i ymlacio a pheidio â symud yn ystod gweithdrefn pan fydd yr electrocardiograff yn cael ei gynnal ar berson llonydd
20. paratoi safleoedd a lleoli electrodau i gael y canlyniadau cywir, gan gyfrif am anghenion arbennig a nodwyd
21. profi a gweithredu'r ddyfais fonitro a gwirio ansawdd yr allbwn
22. rhoi gwybod i'r unigolyn am y cam gweithredu nesaf
23. cwblhau a storio'r holl ddogfennaeth berthnasol yn unol â gofynion y sefydliad 

---

1. y ddeddfwriaeth, y canllawiau, y polisïau, y gweithdrefnau a'r protocolau presennol sy'n berthnasol i'ch ymarfer yn y gwaith, ac y mae'n rhaid i chi gadw atynt
2. cwmpas a chyfyngiadau eich cymhwysedd, eich cyfrifoldebau a'ch atebolrwydd eich hun fel y bo'n berthnasol i'ch rôl
3. sut i gael at a dehongli'r holl wybodaeth a chyfarwyddiadau gwaith sy'n berthnasol
4. gweithdrefnau penodol ar gyfer rhoi gwybod am broblemau sydd y tu hwnt i'ch cymhwysedd, eich cyfrifoldebau a'ch atebolrwydd
5. y ddyletswydd i roi gwybod am unrhyw weithred neu anwaith a allai fod yn anniogel/yn niweidiol i chi neu i eraill
6. y peryglon a'r risgiau a allai godi wrth i chi gyflawni eich rôl a sut y gallwch eu lleihau
7. sut i addasu arddulliau cyfathrebu mewn ffyrdd sy'n briodol i anghenion yr unigolyn
8. y defnydd cywir o unrhyw gyfarpar a chyfarpar diogelu personol (PPE) i amddiffyn eich iechyd a'ch diogelwch chi a phobl eraill
9. yr egwyddorion, yr ymarfer a'r gweithdrefnau sy'n gysylltiedig â chydsyniad gwybodus
10. anghenion unigolion a gofalwyr, gan gynnwys ystyriaethau'n gysylltiedig ag urddas, cyfrinachedd a phreifatrwydd
11. strwythurau, rolau a chyfrifoldebau rheoli'r sefydliad
12. pwysigrwydd cymryd camau rhagofalus safonol wrth gynnal electrocardiograffau cyffredin, cymhwysedd, a chanlyniadau posibl ymarfer gwael
13. unrhyw anghenion arbennig posibl sydd gan yr unigolyn a allai effeithio ar gynnal yr ECG neu ansawdd yr ECG
14. pwysigrwydd sicrhau nad yw'r unigolyn yn symud wrth gynnal yr electrocardiograff pan fydd rhywun yn llonydd
15. yr amodau clinigol ar gyfer atgyfeirio i gael archwiliadau electrocardiograff a'r rhesymau dros atgyfeirio
16. effeithiau newidiadau mewn osgo a newidiadau resbiradol ar ganlyniadau electrocardiograff
17. strwythur a gweithrediad y galon
18. system ddargludo'r galon
19. yr electrocardiograff normal
20. y mathau o ddyfeisiau recordio a ddefnyddir mewn gweithdrefnau electrocardiograff a'u nodweddion cyffredin, a sut i'w gosod a phrofi
21. gweithdrefnau sicrhau ansawdd perthnasol y cyfarpar
22. diben gweithdrefnau electrocardiograff
23. lleoliad cywir yr electrodau ar gyfer gweithdrefnau electrocardiograff pan fydd rhywun yn llonydd ac yn symud, a pham mae hyn yn bwysig
24. ymyrraeth drydanol bosibl a ffynonellau arteffact, a sut i'w hadnabod
25. sut i wirio bod ôl yr electrocardiograff yn glir er mwyn darllen a dadansoddi'n glir
26. pwysigrwydd cofnodi arwyddion/symptomau'r unigolyn yn gywir yn ystod gweithdrefnau electrocardiograff symudol
27. y gofynion datgelu a chyfrinachedd yn gysylltiedig â gwybodaeth feddygol a gwybodaeth yr unigolyn
28. sut i gwblhau'r holl ddogfennaeth berthnasol yn unol â gofynion y sefydliad, a'i storio'n ddiogel

---

---

---

---

---

---

---

---

---

---

---

2026

---

Ar hyn o bryd

---

Gwreiddiol

---

Skills for Health

---

SFHCHS130

---

Rheolwyr ac Uwch Swyddogion, Gweithwyr Proffesiynol Cyswllt a Galwedigaethau Technegol, Gweithwyr iechyd proffesiynol, Gwasanaethau Cyhoeddus a Gofal, Swyddogion Iechyd a Gwasanaethau Cymdeithasol, Lechyd, Galwedigaethau Gwasanaethau Personol, Iechyd a Gofal Cymdeithasol, Nyrsio a Phynciau a Galwedigaethau Perthynol, Gwasanaethau Gofal Iechyd a Gwasanaethau Personol Cysylltiedig

---

2219

---

Cynnal, Electrocardiograff

---