Ymgymryd â thriniaethau a gorchuddion yn gysylltiedig â gofal anafiadau a chlwyfau

Mae'r safon hon yn ymwneud ag ymgymryd â thriniaethau a gorchuddion yn gysylltiedig â gofal am anafiadau a chlwyfau unigolion. Mae'n berthnasol mewn amrywiaeth o leoliadau gofal, gan gynnwys ysbytai, cartrefi gofal, cartref yr unigolyn ei hun neu leoliadau cymunedol eraill, fel meddygfeydd.

Mae'r safon hon yn cynnwys tynnu a gwaredu gorchuddion budr a gorchuddion clwyfau, glanhau anafiadau a chlwyfau, ac ychwanegu triniaethau/gosod gorchuddion newydd.

Rhaid ymgymryd â'r holl weithgareddau hyn gan ddefnyddio techneg aseptig a dilyn canllawiau a gweithdrefnau'r sefydliad.

---

1. cael at a dehongli'n gywir yr holl wybodaeth a chyfarwyddiadau gwaith sy'n berthnasol
2. gweithio'n ddiogel bob amser ac yn unol â'r holl ddeddfwriaeth, canllawiau, polisïau, gweithdrefnau a phrotocolau perthnasol
3. delio'n brydlon ac yn effeithiol ag unrhyw broblemau o fewn eich rheolaeth a rhoi gwybod am broblemau nad allant gael eu datrys
4. nodi a lleihau peryglon a risgiau yn y gweithle
5. cyfathrebu â'r unigolyn a phobl allweddol yn ôl cyflymder, modd a lefel sy'n briodol i ddealltwriaeth ac anghenion yr unigolyn, a'r hyn sy'n well ganddo
6. parchu hawliau a dymuniadau'r unigolyn o ran ei breifatrwydd, ei gredoau a'i urddas
7. darparu cymorth i'r unigolyn a sicrhau bod mesurau iechyd a diogelwch yn cael eu gweithredu bob amser
8. gwirio pwy yw'r unigolyn ac yna cadarnhau'r gweithgaredd arfaethedig
9. ennill cydsyniad gwybodus, dilys gan yr unigolyn yn unol â gweithdrefnau penodol

10. cadarnhau bod yr holl gyfarpar a defnyddiau ar gyfer triniaethau a gorchuddion:

    • fel y'u nodwyd/hamlinellwyd yng nghynllun gofal a chymorth yr unigolyn
    • yn briodol i'r weithdrefn
    • yn addas i'r diben 
      

11. ymgymryd â'r triniaethau a'r gorchuddion:

    • ar amser priodol yn unol â chynllun gofal a chymorth yr unigolyn
    • gan ddefnyddio technegau priodol
    • yn unol â chyfarwyddiadau'r gwneuthurwr
    • mewn modd sy'n gwneud y mwyaf o gysur, preifatrwydd ac urddas yr unigolyn ac yn lleihau poen a thrawma 
      

12. cadw llygad ar yr anaf/clwyf i weld a oes unrhyw newid yn ei olwg

13. gwylio'r unigolyn trwy gydol y gweithgaredd, adnabod a rhoi gwybod am unrhyw gyflwr neu ymddygiad a allai fod yn arwydd o adweithiau niweidiol i'r gweithgaredd a chymryd y camau priodol
14. cynnal sterileiddiwch y gorchudd cyn ac wrth ei roi yn ei le
15. gosod neu gysylltu gorchuddion yn gywir
16. defnyddio gorchuddion analergenaidd os nodwyd alergeddau unigol
17. sicrhau bod gwasgedd y gorchudd yn gyson â'r math o glwyf
18. cael gwared ar wastraff yn unol â gweithdrefnau'r sefydliad
19. cwblhau a storio'r holl ddogfennaeth berthnasol yn unol â gofynion y sefydliad

---

1. y ddeddfwriaeth, y canllawiau, y polisïau, y gweithdrefnau a'r protocolau presennol sy'n berthnasol i'ch ymarfer yn y gwaith, ac y mae'n rhaid i chi gadw atynt
2. cwmpas a chyfyngiadau eich cymhwysedd, eich cyfrifoldebau a'ch atebolrwydd eich hun fel y bo'n berthnasol i'ch rôl
3. sut i gael at a dehongli'r holl wybodaeth a chyfarwyddiadau gwaith sy'n berthnasol
4. gweithdrefnau penodol ar gyfer rhoi gwybod am broblemau sydd y tu hwnt i'ch cymhwysedd, eich cyfrifoldebau a'ch atebolrwydd
5. y ddyletswydd i roi gwybod am unrhyw weithred neu anwaith a allai fod yn anniogel/yn niweidiol i chi neu i eraill
6. y peryglon a'r risgiau a allai godi wrth i chi gyflawni eich rôl a sut y gallwch eu lleihau
7. sut i addasu arddulliau cyfathrebu mewn ffyrdd sy'n briodol i anghenion yr unigolyn
8. y defnydd cywir o unrhyw gyfarpar a chyfarpar diogelu personol (PPE) i amddiffyn eich iechyd a'ch diogelwch chi a phobl eraill
9. yr egwyddorion, yr ymarfer a'r gweithdrefnau sy'n gysylltiedig â chydsyniad gwybodus
10. anghenion unigolion, gan gynnwys ystyriaethau'n gysylltiedig ag urddas, cyfrinachedd a phreifatrwydd
11. strwythurau, rolau a chyfrifoldebau rheoli'r sefydliad
12. pwysigrwydd cymryd camau rhagofalus safonol wrth ymgymryd â thriniaethau a gorchuddion yn gysylltiedig â gofal anafiadau a chlwyfau a chanlyniadau posibl ymarfer gwael
13. pam y dylid cefnogi unigolion a rhoi gwybod iddynt am natur triniaeth neu orchudd yr anafiadau/clwyfau
14. y pryderon posibl sydd gan unigolion yn gysylltiedig â triniaethau a gorchuddion yn gysylltiedig â gofal anafiadau a chlwyfau
15. yr adweithiau niweidiol a all ddigwydd yn ystod ac ar ôl gweithdrefnau a sut i adnabod a delio â'r rhain
16. rôl ymarferwr arbenigol hyfywedd meinwe/gofal clwyfau a sut gellir cysylltu â'r ymarferwr
17. anatomeg a ffisioleg y croen yn gysylltiedig â gosod gorchuddion a chynheiliaid clwyfau

18. y canlynol o ran gwellhad clwyfau

    • proses gwellhad clwyfau
    • ffactorau sy'n effeithio ar wellhad clwyfau
    • cymhlethdodau posibl gwellhad clwyfau 
      

19. yr egwyddorion a'r arferion gweithio sy'n gysylltiedig ag:

    • asepsis
    • gwrth-heintio
    • croes-heintiad
      

20. sut mae techneg aseptig yn cyfrannu at reoli haint

21. ffynonellau halogiad posibl wrth ymgymryd â thriniaeth a gorchuddion a chamau priodol i'w lleihau neu i ddelio â nhw
22. canlyniadau posibl halogiad clwyf
23. y cyfarpar a'r deunyddiau y mae eu hangen ar gyfer y triniaethau a'r gorchuddion y mae angen i chi ymgymryd â nhw
24. pam dylid paratoi adnoddau cyn i chi ddechrau'r gweithgaredd
25. y mathau o driniaethau sy'n cael eu gwneud yn eich maes gwaith a pham mae'r rhain yn cael eu gwneud
26. y mathau o orchuddion a dibenion y gorchuddion a ddefnyddir yn eich maes gwaith
27. pwysigrwydd dilyn gweithdrefnau triniaeth a gorchuddion yn union fel y'u disgrifir, ac effeithiau posibl peidio â gwneud hynny
28. pwysigrwydd pacio cyfarpar a ddefnyddiwyd a deunyddiau gorchudd budr cyn gadael ardal uniongyrchol y gofal
29. sut i gael gwared ar ddeunydd gwastraff yn unol â gweithdrefnau'r sefydliad
30. sut i gwblhau'r holl ddogfennaeth berthnasol yn unol â gofynion y sefydliad, a'i storio'n ddiogel

---

---

---

---

---

---

---

---

---

---

---

2026

---

Ar hyn o bryd

---

Gwreiddiol

---

Skills for Health

---

SFHCHS12

---

Gweithwyr iechyd proffesiynol, Gwasanaethau Cyhoeddus a Gofal, Lechyd, Nyrsio a Phynciau a Galwedigaethau Perthynol, Gwasanaethau Gofal Iechyd a Gwasanaethau Personol Cysylltiedig

---

2219

---

Triniaethau, gorchuddion, anafiadau, gorchuddion

---