Gwneud a chofnodi taliadau
Trosolwg
Mae’r uned hon yn ymwneud â delio â dogfennau gan gyflenwyr a dogfennau archebu a danfon, paratoi taliadau, cofnodi gwariant yn y cofnodion priodol, a gwneud taliadau sy’n ymwneud ag anfonebau, cyflogau, ac arian mân.
Mae tair elfen:
1 Prosesu dogfennau sy’n ymwneud â nwyddau a gwasanaethau a dderbyniwyd
2 Paratoi taliadau awdurdodedig
3 Gwneud a chofnodi taliadau
Bydd angen i ddefnyddwyr y cymhwysedd hwn sicrhau bod ymarfer yn adlewyrchu gwybodaeth a pholisïau cyfredol.
Meini prawf perfformiad
Mae'n rhaid eich bod chi'n gallu:
Prosesu dogfennau sy’n ymwneud â nwyddau a gwasanaethau a dderbyniwyd
P1. gwirio anfonebau a nodiadau credyd cyflenwyr yn erbyn nodiadau danfon, dogfennau archebu a thystiolaeth bod nwyddau neu wasanaethau wedi cael eu derbyn
P2. gwirio bod cyfansymiau a balansau wedi’u cyfrifo’n gywir ar anfonebau cyflenwyr
P3. sicrhau bod disgowntiau sydd ar gael yn cael eu nodi a’u didynnu
P4. cofnodi dogfennau’n gywir fel prif gofnodion yn unol â gweithdrefnau sefydliadol
P5. codio a chofnodi cofnodion yn y cyfriflyfr priodol
P6. sicrhau eich bod naill ai’n datrys anghysondebau a nodwyd neu’n eu hatgyfeirio i’r unigolyn priodol os ydynt y tu allan i’ch awdurdod
P7. cyfathrebu â chyflenwyr ynglŷn â chyfrifon yn gwrtais ac yn effeithiol
Paratoi taliadau awdurdodedig
P8. cyfrifo taliadau’n gywir o ddogfennau perthnasol
P9. sicrhau bod taliadau’n cael eu trefnu a’u hawdurdodi gan yr unigolyn priodol
P10. atgyfeirio ymholiadau i’r unigolyn priodol
P11. cynnal diogelwch a chyfrinachedd yn unol â gofynion sefydliadol
Gwneud a chofnodi taliadau
P12. defnyddio’r dull talu priodol yn unol â gweithdrefnau sefydliadol
P13. gwneud taliadau yn unol â phrosesau a graddfeydd amser sefydliadol
P14. cofnodi taliadau ar gofnodion cyfrifyddu yn unol â gweithdrefnau sefydliadol
P15. atgyfeirio ymholiadau i’r unigolyn priodol
P16. cynnal diogelwch a chyfrinachedd yn unol â gofynion sefydliadol
Gwybodaeth a Dealltwriaeth
You need to know and understand:
K1. cofnodi dwbl
K2. dulliau o godio data
K3. gweithredu systemau cyfrifyddu cyfrifiadurol ac â llaw
K4. gweithdrefnau cerdyn credyd
K5. y berthynas rhwng system gyfrifyddu a chyfriflyfr
K6. gweithdrefnau arian mân: dulliau imprest a dulliau heblaw am imprest; dadansoddi eitemau gwariant, gan gynnwys taliadau TAW
K7. gweithdrefnau cyfrifyddu cyflogres: cyfrifyddu am gyflog gros, didyniadau statudol ac anstatudol a thaliadau i asiantaethau allanol; diogelwch a rheolaeth; cyfrifiadau cronnol
K8. dulliau o drin a storio arian o agwedd ddiogelwch
K9. beth yw trywydd archwilio Yr amgylchedd busnes
K10. mathau o drafodiadau busnes a’r dogfennau sy’n gysylltiedig
K11. y gyfraith sylfaenol sy’n ymwneud â’r gyfraith contractau, y ddeddf gwerthu nwyddau a pholisïau cadw dogfennau
K12. egwyddorion cyffredinol TAW
K13. mathau o ddisgowntiau
K14. taliadau awtomataidd: CHAPS, BACS, Debydau Uniongyrchol; Archebion Sefydlog
K15. cardiau credyd a debyd
K16. gwahanol systemau archebu: y rhyngrwyd; ffacs; yn ysgrifenedig; dros y ffôn
K17. dogfennau ar gyfer taliadau
K18. y gyfraith sylfaenol yn ymwneud â diogelu data
K19. gofynion cyfreithiol yn ymwneud â sieciau, gan gynnwys croesi ac arnodi
K20. pwysigrwydd cynnal cofnodion a ffeiliau cywir a chynhwysfawr ar gyfer trywydd archwilio
K21. pwysigrwydd cael llofnodion ac awdurdodiadau gan yr unigolyn perthnasol
K22. dealltwriaeth berthnasol o systemau cyfrifyddu a systemau a gweithdrefnau gweinyddol y sefydliad
K23. natur trafodiadau busnes y sefydliad
K24. gweithdrefnau sefydliadol ar gyfer awdurdodi a chodio anfonebau prynu a thaliadau
K25. gweithdrefnau sefydliadol ar gyfer ffeilio gwybodaeth wreiddiol
Cwmpas/ystod
Mae’r safon hon yn cysylltu â’r elfen ganlynol o fewn Fframwaith Gwybodaeth a Sgiliau’r GIG (Hydref 2004):
I’w gytuno