Defnyddio modelau damcaniaethol cydnabyddedig i roi cymorth therapiwtig i unigolion sy’n camddefnyddio sylweddau
Trosolwg
Ar gyfer y safon hon, bydd angen i chi roi cymorth therapiwtig i unigolion sy’n camddefnyddio sylweddau. Fe’i bwriedir ar gyfer y rhai sy’n cynorthwyo unigolion o fewn fframwaith cytunedig, yn hytrach na chynnig cyngor ac arweiniad ar sail ad hoc. Dylech roi sylw arbennig i ddatblygu’r berthynas therapiwtig yn ystod camau cynharach gweithio gyda’ch gilydd oherwydd fe allai’r defnyddiwr sylweddau fod wedi profi diffyg ystyriaeth gadarnhaol, diffyg empathi ac agwedd feirniadol gan weithwyr proffesiynol yn y gorffennol. Yn yr uned hon, dylid hefyd rhoi sylw i weithgareddau nad ydynt yn waith wyneb yn wyneb, ond sy’n cefnogi’r broses therapiwtig, fel cyswllt, ymchwil a mynychu goruchwyliaeth.
Bydd angen i ddefnyddwyr y safon hon sicrhau bod ymarfer yn adlewyrchu gwybodaeth a pholisïau cyfredol.
Meini prawf perfformiad
Mae'n rhaid eich bod chi'n gallu:
P1. creu lleoliad therapiwtig lle mae unigolion yn teimlo’n ddigon cyfforddus i fynegi eu gofynion
P2. archwilio disgwyliadau unigolion er mwyn cytuno ar ddulliau o weithio
P3. esbonio natur y gwasanaeth, gan gynnwys ffiniau, cyfyngiadau a’r hyn y
gellir ei ddisgwyl gan y gwasanaeth
P4. annog unigolion i nodi eu gofynion a gweithio gydag unrhyw densiwn rhwng eu gobeithion, eu disgwyliadau a’r hyn y gall y gwasanaeth ei gynnig
P5. asesu priodoldeb dechrau’r ymyrraeth therapiwtig bresennol
P6. sicrhau bod y contract therapiwtig yn realistig
P7. archwilio eich agwedd eich hun tuag at gyffuriau ac alcohol, gan fonitro’r effaith y gallai hynny ei chael ar y broses therapiwtig
P8. monitro eich meddyliau, eich teimladau, a’ch ymatebion emosiynol i gleientiaid fel y gallwch eu priodoli’n gywir
P9. monitro ac adolygu’r broses therapiwtig i sicrhau ei bod yn aros yn werthfawr
P10. defnyddio sylfaen ddamcaniaethol gyson wedi’i llywio gan fodelau damcaniaethol cydnabyddedig, gan addasu’r rhain pan fydd angen
P11. cadarnhau gyda’r unigolyn pan fydd y broses yn dod i ben
P12. gyda’r unigolyn, archwilio goblygiadau triniaethau eraill sy’n parhau y tu
hwnt i’r ymyrraeth therapiwtig
P13. cydymffurfio â’r holl ddeddfwriaeth berthnasol, codau ymarfer yr asiantaeth, canllawiau a gofynion moesegol
P14. galluogi unigolion i fynegi eu pryderon yn rhydd trwy ystyriaeth gadarnhaol, gwrando gweithredol ac agwedd anfeirniadol
P15. annog unigolion i nodi ac archwilio eu hanghenion
P16. cyfleu, egluro ac adolygu eich canfyddiad o deimladau unigolion
P17. cynorthwyo’r unigolyn i flaenoriaethu ei anghenion
P18. nodi a chytuno ar anghenion na ellir eu bodloni a hwyluso mynediad at ffynonellau cymorth ychwanegol neu amgen
P19. gweithio gydag unigolion ar unrhyw densiwn rhwng eu gobeithion a’u disgwyliadau a realiti cyfyngiadau ar adnoddau
P20. gyda’r unigolyn, nodi ystod addas o opsiynau i fodloni ei anghenion
P21. sicrhau bod unigolion yn deall y wybodaeth a ddarparwyd
P22. amlinellu canlyniadau, manteision ac anfanteision posibl yr opsiynau yn unol ag amgylchiadau’r unigolyn
P23. gwirio dealltwriaeth yr unigolyn o’r opsiynau a’r dulliau y gellid eu defnyddio
P24. amlygu unrhyw broblemau posibl â’r ffordd o weithredu a ddewiswyd
P25. cadarnhau’r ffordd o weithredu a ddewiswyd a gwirio bod yr unigolyn yn deall ac yn cytuno
P26. cofnodi’r ffordd o weithredu yn unol â gofynion yr asiantaeth
P27. gyda’r unigolyn, archwilio a dewis y dulliau sy’n fwyaf tebygol o fod yn effeithiol
P28. cytuno ar y dulliau sydd i’w mabwysiadu gyda’r unigolyn
P29. nodi unrhyw ofynion na ellir eu bodloni a chadarnhau camau gweithredu amgen ar gyfer delio â nhw
Gwybodaeth a Dealltwriaeth
You need to know and understand:
K1. gofynion cyfreithiol, sefydliadol a pholisi sy’n berthnasol i’r swyddogaethau a gyflawnir
K2. cyfyngiadau a ffiniau eich dyletswyddau, eich cyfrifoldebau a’ch pŵer a pham mae’n bwysig esbonio’r rhain i’r unigolyn
K3. yr egwyddorion sy’n ymwneud â goruchwylio ac arfarnu
K4. hawliau’r unigolyn a sut dylai’r rhain lywio a dylanwadu ar ffurfio perthynas rhyngoch chi a’r unigolyn
K5. pwysigrwydd annog unigolion i fynegi eu safbwyntiau, eu gwerthoedd a’u teimladau
K6. gweithdrefnau a gofynion sefydliadol a chyfreithiol ynglŷn â chofnodi, storio a throsglwyddo gwybodaeth sy’n ymwneud ag unigolion a’r gwaith a wneir gyda nhw
K7. codau ymarfer proffesiynol
K8. egwyddorion gwrando gweithredol
K9. y model cylch newid
K10. yr holl fodelau sy’n esbonio camddefnyddio sylweddau
K11. egwyddorion cymhelliad a dibyniaeth
K12. y materion sylfaenol a allai arwain at gamddefnyddio sylweddau
K13. ystod o fodelau damcaniaethol cydnabyddedig
K14. dulliau cymorth posibl ar gyfer yr unigolyn
K15. y gwasanaethau camddefnyddio sylweddau sydd ar gael yn yr ardal leol
K16. nodweddion y gwasanaethau camddefnyddio sylweddau yn yr ardal leol
K17. codau ymarfer asiantaethau
K18. gwybodaeth am ymchwil, a sut a ble i gael ati
K19. sut i ddadansoddi ymchwil
K20. yr ystod o wahanol sylweddau a’u goblygiadau i ddarparu gwasanaethau
K21. polisïau a blaenoriaethau camddefnyddio sylweddau cenedlaethol
K22. yr ystod o wasanaethau camddefnyddio sylweddau a gynigir gan eich sefydliad chi neu sefydliadau eraill
K23. anghenion penodol unigolion sy’n ddefnyddwyr sylweddau, a sut i fodloni’r anghenion hyn
K24. yr ystod o ymddygiadau y gellir eu disgwyl gan ddefnyddwyr sylweddau, a sut i ddelio â’r rhain
K25. y risgiau y gallai camddefnyddio sylweddau eu hachosi i unigolion a sut i leihau’r risgiau hyn gymaint â phosibl
K26. y risgiau y gallai camddefnyddio sylweddau eu hachosi i bobl eraill, a sut i asesu’r risgiau hyn a’u lleihau gymaint â phosibl
K27. jargon/terminoleg camddefnyddio sylweddau a ddefnyddir yn gyffredin
K28. hanfodion iechyd meddwl, diagnosis deuol a gwasanaethau perthnasol
K29. continwwm defnyddio sylweddau o ddefnydd hamdden i broblemus
K30. continwwm dulliau o weithio gyda chamddefnyddio sylweddau o
ymataliad i leihau niwed
K31. materion diwylliannol a chrefyddol a allai effeithio ar weithio gyda chamddefnyddio sylweddau
K32. hawliau’r unigolion yr ydych yn dod i gysylltiad â nhw
Cwmpas/ystod
Cwmpas Perfformiad
Gwybodaeth Cwmpas
Gwerthoedd
Ymddygiadau
Sgiliau
Geirfa
Dolenni I NOS Eraill
Cysylltiadau Allanol
Mae’r safon hon yn cysylltu â’r elfen ganlynol o fewn Fframwaith Gwybodaeth a Sgiliau’r GIG (Hydref 2004):
Elfen: HWB4 Galluogi er mwyn mynd i’r afael ag anghenion iechyd a lles