Cynghori a hyfforddi cwsmeriaid ar ddefnyddio cyfleusterau ar-lein

Mae’r safon hon yn ymwneud â chynghori a helpu cwsmeriaid i ddefnyddiocyfleusterau ar y we sydd ar gael iddynt yn eich sefydliad chi. Mae hyn yn cynnwys eu defnydd nhw o, er enghraifft, llechi, podiau ac apiau ar ffonau symudol, a sut y gall y cwsmeriaid ddefnyddio’r rhain i bori ac ymchwilio i gynhyrchion a gwasanaethau, i wirio a yw cynhyrchion a gwasanaethau ar gael, i fwcio neu brynu cynhyrchion a gwasanaethau, a lle bo’n briodol, i dalu am y pethau maen nhw’n eu prynu.

Wrth helpu, neu hyfforddi, cwsmeriaid i ddefnyddio’r cyfleusterau ar y we, bydd angen ichi ddangos y prosesau ar-lein mewn modd sy’n hybu dealltwriaeth ac sy’n sensitif i ddealltwriaeth bresennol gwahanol gwsmeriaid o dechnoleg ar-lein, a’u hagwedd ati.

1. gweithredu’r holl agweddau ar gyfleusterau perthnasol eich sefydliad o ran ymchwilio a gwerthu ar y we yn gywir ac yn hyderus

2. canfod anghenion y cwsmeriaid wrth ddefnyddio’r cyfleusterau ar y we a lefel eu dealltwriaeth o ran sut i ddefnyddio’r cyfleusterau  

3. hybu defnyddio cyfleusterau’ch sefydliad ar y we gyda brwdfrydedd, gan gysylltu eu nodweddion a’u buddion ag anghenion perthnasol eich cwsmeriaid 

4. pennu ac esbonio’n glir ac yn gywir y defnydd o’r cyfleusterau ar y we i ddiwallu anghenion eich cwsmeriaid

5. pennu ac esbonio’r defnydd o’r cyfleusterau mewn modd sy’n hybu dealltwriaeth ac sy’n briodol i werthfawrogiad presennol eich cwsmeriaid o’r dechnoleg sy’n cael ei dangos a’u hagwedd bresennol ati  

6. annog y cwsmeriaid i ofyn cwestiynau, gwirio eu bod yn deall, ac ymateb mewn ffyrdd sy’n hyrwyddo gwerthiannau ac ewyllys da

7. annog y cwsmeriaid i weithredu’r cyfleusterau ar y we fel sy’n briodol i’w hanghenion o ran dysgu a lefel eu hyder 

8. ceisio adborth oddi wrth y cwsmeriaid ar eu profiad o ddefnyddio cyfleusterau’ch sefydliad ar y we, ac ymateb yn briodol

9. defnyddio’r adborth yn adeiladol wrth roi gwybod i’r person perthnasol am sylwadau cadarnhaol ac unrhyw agweddau mae angen eu gwella

1. sut i weithredu’r ystod o gyfleusterau ​ar y we ar gyfer ymchwilio a gwerthu sydd ar gael yn eich sefydliad, gan gynnwys unrhyw apiau i ffonau symudol

2. nodweddion y cyfleusterau ar y we ar gyfer ymchwilio a gwerthu a’u buddion cysylltiedig, i’ch cwsmeriaid ac i’ch sefydliad

3. effaith manwerthu amlsianel ar werthu yn eich sefydliad, gan gynnwys ei effaith ar allu’ch cwsmeriaid i ymchwilio i gynhyrchion, a’u harchebu, oddi wrth eich sefydliad chi a’i gystadleuwyr

4. pwysigrwydd sicrhau cydbwysedd rhwng dangos y cyfleusterau, hyfforddi a gweithgarwch y cwsmeriaid wrth eu gweithredu, fel sy’n briodol i lefelau medrusrwydd, agwedd a hyder y cwsmeriaid  

5. sut mae’r cwsmeriaid yn dysgu ac yn datblygu eu sgiliau wrth ddefnyddio’r dechnoleg ar y we 

6. gwahanol ddulliau dysgu a’u heffaith o ran hyfforddi’r cwsmeriaid ar ddefnyddio cyfleusterau ar-lein

7. arferion a gofynion eich sefydliad ynghylch cynghori a hyfforddi cwsmeriaid ar ddefnyddio cyfleusterau ar y we