Datblygu a chynnal eich effeithiolrwydd yn y gwaith

Mae'r safon hon yn ymwneud â chymryd cyfrifoldeb am wella eich perfformiad yn y gwaith a gweithio'n dda gyda'ch cydweithwyr er mwyn gwneud cyfraniad cadarnhaol i effeithiolrwydd cyffredinol eich gweithle a'ch busnes.

Argymhellir y safon hon i bawb sy'n gweithio yn y gwasanaethau teithio a thwristiaeth.

Gwella eich perfformiad personol yn y gwaith, er mwyn sicrhau:

1. y caiff eich cryfderau a'ch gwendidau eu hadnabod yn gywir a'u trafod gyda'r person perthnasol
2. y caiff eich cyfraniad chi i lwyddiant y busnes ei adnabod yn gywir a'i drafod gyda'r person perthnasol
3. pan nad yw cyfarwyddiadau tasg yn glir, eich bod yn ceisio rhagor o wybodaeth oddi wrth y bobl berthnasol
4. bod yr adborth sydd ar gael oddi wrth y bobl berthnasol yn cael ei ddefnyddio i nodi sut y gellir gwella eich perfformiad
5. y gofynnir am gyfleoedd i ddysgu oddi wrth gydweithwyr, ac y manteisir arnynt pan fyddant ar gael
6. bod y datblygiadau a'r tueddiadau yn y busnes a'r diwydiant gwasanaethau teithio a thwristiaeth ehangach yn cael eu hadolygu'n rheolaidd
7. y cytunir ar dargedau gwaith realistig gyda'r person perthnasol ac yr adolygir cynnydd yn rheolaidd
8. y caiff eich cynllun datblygu personol ei adolygu a'i ddiweddaru'n rheolaidd

Gweithio'n effeithiol fel rhan o dîm, er mwyn sicrhau:
9. y cytunir ar ffyrdd o gydweithio i gyflawni amcanion
10. y gofynnir yn gwrtais am gymorth a gwybodaeth angenrheidiol oddi wrth    gydweithwyr
11. y rhoddir ymateb parod a chwrtais i geisiadau am gymorth oddi wrth gydweithwyr
12. y rhagwelir anghenion pobl eraill ac y cynigir cymorth yn brydlon o fewn eich gallu
13. y defnyddir eich amser yn effeithiol trwy gydol eich diwrnod gwaith
14. y rhoddir gwybod i'r person perthnasol yn brydlon ac yn gywir am broblemau sy'n debygol o effeithio ar wasanaethau teithio a thwristiaeth
15. bod unrhyw gamddealltwriaeth rhyngoch chi a'ch cydweithwyr yn cael ei ddatrys yn brydlon
16. bod unrhyw gyswllt rhyngoch chi a'ch cydweithwyr yn gyfeillgar ac yn dangos parodrwydd i helpu a pharch

Gwybodaeth a dealltwriaeth gyffredinol

14. rôl a chyfrifoldebau eich swydd a sut mae hyn yn ymwneud â rôl aelodau eraill y tîm

15. terfynau eich awdurdod chi ac awdurdod pobl eraill o ran rhoi cymorth safonau'r ymddygiad a ddisgwylir gennych wrth weithio yn y gweithle

16. gweithdrefnau apeliadau ac achwyniadau eich sefydliad

17. eich targedau a'ch amserlenni o ran cynhyrchiant a sut maent yn effeithio ar lwyddiant y busnes

18. eich targedau a'ch amserlenni o ran datblygiad personol a sut maent yn effeithio ar lwyddiant y busnes

19. pwy all eich helpu i ganfod ac achub ar gyfleoedd ar gyfer eich datblygiad/hyfforddiant

20. i bwy y dylid rhoi gwybod pan gewch anawsterau wrth weithio gyda phobl eraill

21. sut i gael gwybodaeth am eich swydd, cyfrifoldebau'ch gwaith a'r safonau a ddisgwylir gennych

22. sut i gael y wybodaeth berthnasol am feysydd cyfrifoldeb pobl eraill

23. pam ei bod yn bwysig gweithio'n unol â chyfrifoldebau'ch swydd a beth allai ddigwydd os na wnewch hynny

24. pwysigrwydd datblygiad proffesiynol parhaus a sut mae'n effeithio ar eich swydd​

Cyfleoedd i ddysgu: oddi wrth gydweithwyr a phobl berthnasol eraill, trwy gymryd rhan weithredol mewn gweithgareddau hyfforddi a datblygu, cymryd rhan weithredol mewn gweithgareddau yn y gweithle

Targedau: meintiau elw, cynhyrchiant, datblygiad personol, gwerthiannau

Cymorth: un i un, mewn grŵp

​Llwyddiant busnes: ariannol, boddhad cwsmeriaid, gweledigaeth a gwerthoedd​

1. Byddwch yn effro i gyfleoedd i ddysgu ac ymarfer sgiliau a gwybodaeth

2. Gofynnwch i'ch cydweithwyr a'ch rheolwyr am adborth ar eich perfformiad

3. Defnyddiwch amser yn effeithiol

4. Cymerwch berchnogaeth o'ch targedau

5. Cadwch eich gwybodaeth broffesiynol yn gyfredol

6. Dangoswch benderfyniad personol i gyflawni gweledigaeth ac amcanion y busnes