Trosglwyddo a gadael trenau

Mae’r uned hon yn ymwneud â throsglwyddo trenau sydd mewn gwasanaeth a thynnu trenau allan o wasanaeth. Mae’r uned hon yn nodi pwysigrwydd cyfleu gwybodaeth yn effeithiol ac yn gywir, gan gynnwys manylion trenau a gwybodaeth arall ynghylch diogelwch a pherfformiad, i gydweithwyr. Mae’r uned hefyd yn trafod y gwaith o sicrhau y caiff trenau eu diogelu pan gânt eu gadael heb neb i ofalu amdanynt neu pan fydd y criwiau’n newid, cyfathrebu rhwng criwiau a rhoi gwybod am namau.

Mae’r uned hon yn cynnwys dwy elfen:

1. Trosglwyddo trenau mewn gwasanaeth

Mae’r elfen hon yn ymwneud â sicrhau y caiff trên mewn gwasanaeth ei drosglwyddo’n ddiogel. Mae’n gofyn am ddealltwriaeth o’r gweithdrefnau ar gyfer trosglwyddo gan gynnwys y wybodaeth, y cyfathrebu a’r dogfennau gofynnol.

2. Gadael trenau

Mae’r elfen hon yn ymwneud â sicrhau eich bod yn cymryd y camau gofynnol i adael trên yn ddiogel ac yn effeithlon pan fo gofyn gwneud hynny. Mae’n gofyn eich bod yn deall eich cyfrifoldebau’ch hun a rheolau, rheoliadau, cyfarwyddiadau a gweithdrefnau’ch sefydliad ar gyfer gadael trenau.​

Mae’r uned hon ar gyfer y rhai sy’n gweithio’n uniongyrchol ac yn anuniongyrchol gyda theithwyr a’r gwaith o redeg trenau. Mae’n arbennig o briodol ar gyfer y rhai sy’n cyflawni gwaith gyrru

1   diogelu trên cyn ei drosglwyddo yn unol â gweithdrefnau’ch sefydliad

2   adnabod a dod o hyd i’r person(au) perthnasol sy’n ymwneud â’r gwaith trosglwyddo

3   cyfleu gwybodaeth ynghylch y trên, y gwasanaeth a diogelwch y llinell i’r person(au) perthnasol

4   rhoi gwybod i’r person(au) perthnasol yn syth pan na ellir cwblhau’r gwaith trosglwyddo

5   cwblhau a phrosesu’r dogfennau gofynnol yn unol â gweithdrefnau’ch sefydliad
**
Gadael trenau

**6   danfon trên i’r lleoliad penodedig

7   cydymffurfio â chyfarwyddiadau ynghylch lleoli trenau bob amser 

8    lleoli trên fel nad yw’n achosi perygl i ddiogelwch neu’n rhwystro teithiau traffig neu gyfarpar arall

9    llonyddu trên rhag symud yn ôl ei fanyleb a’i fath

10  diffodd trên yn ôl ei fanyleb a’i fath

11  diogelu’r caban gyrru yn unol â gweithdrefnau’ch sefydliad

12  rhoi gwybod i’r person(au) perthnasol am leoliad a chyflwr trên a adawyd 

13  dilyn a chadw at weithdrefnau diogelwch bob amser

14  cwblhau’r dogfennau gofynnol yn gywir a’u prosesu yn unol â gweithdrefnau’ch sefydliad

2   sut i ddehongli rhaglenni neu amserlenni gwaith

3   gweithdrefnau lleol ar gyfer trosglwyddo trenau

4   terfynau’ch cyfrifoldeb chi

5   y rhesymau pam na ellir cwblhau gwaith trosglwyddo

*​
Gadael trenau
*
​6   y mathau o leoliadau lle caiff trenau eu gadael a’r risgiau nodweddiadol sy’n gysylltiedig â’r lleoliadau hyn

7   gweithdrefnau’ch sefydliad ynghylch y dyletswyddau o ran gadael trên

8   patrwm a gweithdrefnau’r lleoliad gadael penodedig

9   trefn a manylion gweithgareddau llonyddu’r trên a’i ddiffodd 

10 pam ei fod yn bwysig diogelu’r caban gyrru

11  y llinellau a’r dulliau cyfathrebu effeithiol yn eich sefydliad

12  y gofynion perthnasol o ran cwblhau dogfennau yn eich sefydliad

*Eich sefydliad
*
Dyma’r cwmni rydych chi’n gweithio iddo neu, os ydych yn hunangyflogedig, y rheolau rydych wedi’u gosod i chi’ch hun er mwyn sicrhau eich bod yn cydymffurfio â’r gofynion cyfreithiol a thrwyddedu perthnasol

Perygl

Rhywbeth sydd â’r potensial i achosi niwed (gall hyn gynnwys eitemau, sylweddau, cyfarpar neu beiriannau, dulliau gweithio, yr amgylchedd gwaith ac agweddau eraill ar drefniadaeth y gwaith)
*
Gweithdrefnau’ch sefydliad*

Dyma’r gweithdrefnau sydd gan sefydliad i sicrhau cydymffurfiaeth â’r rheolau, deddfwriaeth, rheoliadau, cyfarwyddiadau, polisïau, systemau, trwyddedu a chyfreithiau perthnasol i’r gweithgarwch a’i amgylchedd.