Cludo plant a phobl ifanc â thacsi, hurio preifat neu sioffro

​Mae’r Safon hon yn ymwneud â chludo plant a phobl ifanc. Rhaid i chi allu sicrhau bod pob plentyn a pherson ifanc yn eistedd yn ddiogel. Rhaid i chi wybod a deall bod dyletswydd gofal arnoch pan fyddwch yn cludo plant a phobl ifanc. Rhaid i chi wybod beth i’w wneud os bydd plentyn yn cael ei daro’n sâl, neu os bydd yn rhannu problemau neu faterion eraill â chi.

Mae’r Safon hon yn cynnwys dwy elfen
1. Paratoi cerbyd i gludo plant a phobl ifanc
2. Codi a chludo plant a phobl ifanc yn ddiogel i gyrchfan ddynodedig lle gellir eu trosglwyddo’n ddiogel i ofal unigolyn awdurdodedig

Mae’r Safon hon ar gyfer
Mae’r Safon hon ar gyfer gyrwyr tacsis a cherbydau hurio preifat.

​Paratoi cerbyd i gludo plant a phobl ifanc

P1 paratoi’r cerbyd yn unol â’r amodau trwyddedu a/neu fanylebau contract yr AALl a’r datganiadau cludiant teithwyr unigol a ddarparwyd
P2 cynnal archwiliad o’r cerbyd a all gynnwys cyfarpar atodol sydd â’r nod o helpu plant a phobl ifanc sydd angen mesurau cymorth arbennig i ddod i mewn ac allan o’r cerbyd

Codi a chludo plant a phobl ifanc yn ddiogel i gyrchfan ddynodedig lle gellir eu trosglwyddo’n ddiogel i ofal unigolyn awdurdodedig

P3 dangos bod ganddynt gontract i gludo plant a phobl ifanc
P4 rhoi cymorth pan fydd angen i gau gwregys diogelwch neu seddi diogel i blant
P5 sicrhau bod pob plentyn a pherson ifanc sydd angen help yn cael eu helpu
P6 cyrraedd y man casglu neu’r gyrchfan ar yr amser y cytunwyd
P7 cludo plant a phobl ifanc yn ddiogel yn unol â pholisiau’r gweithredwr a gofynion ac amodau gofynion contract yr AALl/awdurdod trwyddedu

Paratoi cerbyd i gludo plant a phobl ifanc

K1 pwysigrwydd gwiriadau diogelwch cerbydau yn achos contractau ysgolion a gwasanaethau cymdeithasol
K2 pwysigrwydd systemau adrodd yn rheolaidd ar archwiliadau cerbydau
K3 y termau ‘dyletswydd gofal’ ac ‘esgeulustod’ a sut mae’r rhain yn cael eu gweithredu wrth gludo plant a phobl ifanc
K4 y gyfraith gyfredol ar wregysau diogelwch sy’n berthnasol i blant a phobl ifanc
K5 y cyfrifoldeb cyfreithiol sydd ar y gyrrwr tuag at blant sydd o oedran neu daldra penodol

Codi a chludo plant a phobl ifanc yn ddiogel i gyrchfan ddynodedig lle gellir eu trosglwyddo’n ddiogel i ofal unigolyn awdurdodedig

K6 rôl yr Awdurdod Diogelu Annibynnol i amddiffyn plant a phobl ifanc
K7 rôl a chyfrifoldebau’r gyrrwr a’r cynorthwyydd teithwyr wrth gludo plant a phobl ifanc fel rhan o gontract awdurdod lleol neu AALl
K8 yr angen am wiriadau rheolaidd y CRB wrth gludo plant a phobl ifanc
K9 pwysigrwydd hysbysu plant a phobl ifanc o’r canlynol:
 K9.1 mannau peryglus o gwmpas y cerbyd a all achosi niwed neu anaf
 K9.2 pryd a sut i fynd i mewn ac allan o’r cerbyd
K10 pwysigrwydd parchu urddas y plentyn wrth ei helpu i mewn ac allan o’r cerbyd
K11 sut i sicrhau bod gan yr ysgol, coleg, athrawon a/neu rieni’n hyder yng ngallu’r gyrrwr
K12 egluro’r term ‘in loco parentis’ a sut mae’n gymwys i’r gyrrwr â gofal

K13 disgrifio sut i ddelio â’r canlynol:
 K13.1 an unwell child
 K13.2 travel sickness
 K13.3 bullying
 K13.4 misbehaviour
 K13.5 a distressed child

K14 Sut mae cyfathrebu a phlant a phobl ifanc mewn ffordd sensitif gan sicrhau eu bod yn cadw rheolaeth dros ymddygiad drwg a rhialtwch
K15 Pam fod angen cadw mewn cysylltiad agos â’r gweithredwr, ysgol, coleg neu awdurdod contractio os bydd problem bosibl yn codi gyda’r trefniadau cludo                

K16 pwysigrwydd ‘trosglwyddo cyfrifoldebau’ i riant, gwarcheidwad neu ysgol sy’n aros
K17 pwysigrwydd bod â chynllun wrth gefn y gellir ei fabwysiadu os bydd digwyddiad neu ddamwain wrth gludo plant a phobl ifanc
K18 pwysigrwydd log neu ddyddiadur gyrrwr i gofnodi digwyddiadau a honiadau   

​Gwybodaeth Ychwanegol

Tacsi
Mae’n cynnwys Cerbyd Hacni trwyddedig
Eich sefydliad
Hwn fyddai’r cwmni rydych yn gweithio iddo neu, os ydych yn hunangyflogedig, y rheolau rydych wedi’u gosod ar eich cyfer eich hun i sicrhau eich bod yn cydymffurfio â gofynion cyfreithiol a thrwyddedu perthnasol
Digwyddiad
Digwyddiad heb ei gynllunio, na ellir ei reoli a allai arwain at anaf i bobl neu ddifrod i gerbydau a chyfarpar, neu ryw golled arall
Argyfwng
Digwyddiad sydyn nad oedd wedi’i ragweld lle mae angen gweithredu ar unwaith