Gweithredu’r systemau a’r gwasanaeth teithwyr

​Mae'r safon hon yn ymwneud â gweithredu'r systemau a'r gwasanaeth teithwyr.
Dylech fod yn gallu cael gwybodaeth ar eich llwybr a'ch amserlenni, a rhedeg eich gwasanaeth ar amser cyhyd â phosibl. Dylech wybod a deall y ddeddfwriaeth a'r rheoliadau perthnasol ar gyfer cludo teithwyr.

Mae'r safon hon ar gyfer gyrwyr a gweithredwyr trafnidiaeth a staff gweithrediadau trafnidiaeth a staff cynnal a chadw.

Pan fyddwch wedi cwblhau'r safon hon byddwch yn gallu dangos eich dealltwriaeth a'ch gallu i:

Weithredu'r systemau a'r gwasanaeth teithwyr

1. ​cadarnhau bod systemau esmwythder teithwyr wedi eu cymeradwyo i fod yn gweithio cyn dechrau gweithredu'r gwasanaeth
2. gweithredu'r systemau esmwythder teithwyr yn unol â chyfarwyddiadau gweithredu a chanllawiau cymeradwy i gyd-fynd ag anghenion teithwyr a'u haddasu i ystyried amodau newidiol
3. lle y bo'n briodol, dweud wrth y teithwyr am reolyddion y systemau esmwythder y gallant eu defnyddio
4. ymdrin ag unrhyw broblemau yn gweithredu systemau esmwythder teithwyr yn unol â gweithdrefnau eich sefydliad
5. gweithredu'r gwasanaeth ar yr amser cywir
6. cadw at yr amserlenni cyhyd ag y mae tywydd ac amodau ar y ffordd yn caniatáu
7. cael gwybodaeth wedi ei diweddaru fydd o gymorth i chi weithredu'r gwasanaeth
8. cael cyngor ar ddewisiadau amgen i'r gwasanaeth gan y person priodol pan fo angen
9. rhoi manylion unrhyw amhariad, oedi neu newidiadau i deithwyr yn brydlon ac yn gwrtais
10. rhoi manylion unrhyw amhariad, oedi neu newidiadau i'ch sefydliad yn unol â chanllawiau cymeradwy, a defnyddio dogfennau mewnol lle bo angen
11. aros yn unol â'r amserlen lle bo hynny'n ymarferol ac yn bosibl
12. cydymffurfio â rheoliadau, arwyddion a chyfeiriadau perthnasol yn ymwneud ag aros
13. ystyried diogelwch ac esmwythder teithwyr, cerddwyr a defnyddwyr eraill y ffordd
14. osgoi sefyllfaoedd a allai fod yn beryglus sy'n cael eu hachosi gan gerbydau eraill a rhwystrau
15. codi a gollwng teithwyr mewn ffordd sydd yn hybu gwasanaeth cwsmeriaid da, yn cynnwys adegau pan na fyddwch yn gallu derbyn teithwyr am unrhyw reswm
16. cadw at ddeddfwriaeth, rheoliadau a chodau ymarfer presennol yn ymwneud â chludo teithwyr
17. cofnodi manylion teithiau fel y bo angen trwy ddefnyddio offer cyhoeddi tocynnau a/neu deithrestrau

1. ​sut i gyfathrebu i deithwyr pryd a pham y mae'n rhaid gwneud newidiadau i'r llwybr
2. sut i weithredu systemau gwybodaeth i deithwyr
3. sut i reoli systemau esmwythder teithwyr er budd teithwyr
4. canllawiau eich sefydliad a'r cynhyrchydd ar gyfer gweithredu systemau esmwythder teithwyr
5. y gweithdrefnau ar gyfer ymdrin â phroblemau gweithredol gyda systemau esmwythder teithwyr
6. ble a sut i gael gwybodaeth a allai effeithio ar y gwasanaeth, yn cynnwys diweddariadau
7. sut i gynnal gofal cwsmeriaid a gwasanaeth cwsmeriaid da
8. gweithdrefnau eich sefydliad ar gyfer newid gwasanaethau wedi eu cynllunio
9. sut i ddefnyddio ffurflenni a dogfennau mewnol eich sefydliad
10. y ddeddfwriaeth a'r rheoliadau perthnasol yn ymwneud ag aros ar y ffordd fawr
11. y ddeddfwriaeth a'r rheoliadau perthnasol yn ymwneud â chludo teithwyr
12. sut i adnabod ac addasu i sefyllfaoedd a allai fod yn beryglus sy'n ymwneud â symud i ffwrdd neu aros
13. sut i fynd i'r afael â phroblemau posibl mewn sefyllfaoedd lle na ellir derbyn teithwyr
14. gweithdrefnau eich sefydliad ar gyfer ymdrin â chŵyn i ddechrau