Darparu cyfleoedd dysgu i gydweithwyr

Mae’r safon hon yn ymwneud â helpu cydweithwyr/staff i ddatblygu’u sgiliau trwy amrywiaeth o gyfleoedd dysgu. Mae’r safon hon ar gyfer arweinwyr tîm, rheolwr llinell gyntaf neu oruchwylwyr lletygarwch.

Dywedwyd bod hyfforddiant yn rhywbeth a wneir gan eraill i mi, ond mae dysgu yn rhywbeth rydw i’n ei wneud ar fy mhen fy hun, i mi fy hun. Nid yw llawer ohonom yn gwybod am y nifer enfawr o gyfleoedd dysgu sydd ar gael yn y gwaith. Mewn rhai sefydliadau, mae sefyllfaoedd newydd yn codi bron bob dydd; rydym ni’n wynebu heriau newydd ac yn cyfarfod â phobl newydd o bob cefndir. Mae’r holl bethau hyn yn rhoi cyfle i ni brofi a dysgu rhywbeth newydd.

Mae’n bwysig gweithio gyda chydweithwyr, gan eu helpu i wireddu’r cyfleoedd i ddysgu, p’un a yw’r rhain yn gyfleoedd ffurfiol wedi’u cynllunio neu’n sefyllfaoedd achlysurol mwy anffurfiol. Mae helpu cydweithwyr i ddeall eu dulliau dysgu personol, eu cefnogi yn ystod y broses, dathlu cyflawniadau a delio â thanberfformio i gyd yn rhannau allweddol o greu diwylliant dysgu.

Pan fyddwch chi wedi cwblhau’r safon hon, byddwch chi’n gallu dangos eich dealltwriaeth o’r canlynol, a’ch gallu i:
• Ddarparu cyfleoedd dysgu i gydweithwyr

1. Hyrwyddo buddion dysgu i aelodau staff a gwneud yn siŵr bod eu parodrwydd a’u ymdrechion i ddysgu yn cael eu cydnabod
2. Rhoi adborth teg, rheolaidd a defnyddiol i aelodau staff ar eu perfformiad yn y gwaith, gan drafod sut gallant wella a chytuno ar hynny
3. Gweithio gydag aelodau staff i nodi a blaenoriaethu anghenion dysgu sy’n seiliedig ar unrhyw fylchau rhwng gofynion eu rôl yn y gwaith a’u gwybodaeth, eu dealltwriaeth a’u sgiliau presennol
4. Helpu aelodau staff i nodi’r arddull(iau) neu’r cyfuniad o arddulliau dysgu sy’n gweithio orau iddyn nhw a sicrhau bod y rhain yn cael eu hystyried wrth nodi ac ymgymryd â gweithgareddau dysgu
5. Gweithio gyda chydweithwyr i nodi a chael gwybodaeth am amrywiaeth o weithgareddau dysgu posibl i fynd i’r afael ag anghenion dysgu a nodwyd
6. Adnabod a cheisio dysgu am y gwahaniaethau yn nisgwyliadau a dulliau gweithio unrhyw aelodau staff o wlad neu ddiwylliant gwahanol a hyrwyddo ffyrdd o weithio sy’n cyfrif am eu disgwyliadau ac yn gwneud y mwyaf o gynhyrchiant
7. Trafod a chytuno â phob aelod staff ar gynllun datblygu, sy’n cynnwys gweithgareddau dysgu i’w gwneud, yr amcanion dysgu i’w cyflawni, yr adnoddau gofynnol a’r amserlen
8. Gweithio gydag aelodau staff i adnabod a defnyddio cyfleoedd dysgu heb eu cynllunio
9. Ceisio, a defnyddio, arbenigedd yn gysylltiedig â nodi a darparu dysgu i aelodau staff
10. Cynorthwyo aelodau staff i ymgymryd â gweithgareddau dysgu, gan wneud yn siŵr bod unrhyw adnoddau gofynnol ar gael a gwneud ymdrech i ddileu unrhyw rwystrau rhag dysgu
11. Mewn trafodaeth â phob aelod staff, gwerthuso p’un a yw’r gweithgareddau dysgu a wnaethant wedi cyflawni’r deilliannau a ddymunwyd a rhoi adborth cadarnhaol ar y profiad dysgu
12. Gweithio gydag aelodau staff i ddiweddaru eu cynllun datblygu yng ngoleuni perfformiad, unrhyw weithgareddau dysgu a wnaed ac unrhyw newidiadau ehangach
13. Annog aelodau staff i gymryd cyfrifoldeb am eu dysgu eu hunain, gan gynnwys ymarfer a myfyrio ar beth maen nhw wedi’i ddysgu

1. Buddion dysgu i unigolion a sefydliadau a sut i hyrwyddo’r rhain ymhlith cydweithwyr
2. Ffyrdd y gallwch ddatblygu ‘amgylchedd’ lle rhoddir pwys ar ddysgu a lle y mae parodrwydd ac ymdrechion i ddysgu yn cael eu cydnabod
3. Pam mae’n bwysig annog cydweithwyr i gymryd cyfrifoldeb am eu dysgu eu hunain
4. Sut i roi adborth teg, rheolaidd a defnyddiol i gydweithwyr ar eu perfformiad gwaith
5. Sut i nodi anghenion dysgu ar sail bylchau a nodwyd rhwng gofynion rolau gwaith cydweithwyr a’u gwybodaeth, eu dealltwriaeth a’u sgiliau presennol
6. Sut gall gwerthoedd, moeseg, credoau, ffydd, defodau diwylliannol, amgyffredion a disgwyliadau unrhyw bobl o wledydd neu ddiwylliannau eraill effeithio ar eu datblygiad a’u dysgu personol
7. Sut i flaenoriaethu anghenion dysgu cydweithwyr, gan gynnwys cyfrif am anghenion a blaenoriaethau sefydliadol ac anghenion datblygu personol a gyrfaol cydweithwyr
8. Yr amrywiaeth o wahanol arddulliau dysgu a sut i gynorthwyo cydweithwyr i nodi’r arddull(iau) dysgu penodol neu gyfuniad o arddulliau dysgu sy’n gweithio orau iddyn nhw
9. Gwahanol fathau o weithgareddau dysgu, eu manteision a’u hanfanteision a’r adnoddau gofynnol (amser, ffioedd a staff yn eu lle) a’r hyn sydd ar gael yn / i eich sefydliad
10. Sut / ble i nodi gwybodaeth am wahanol weithgareddau dysgu, a chael y wybodaeth hon
11. Pam mae’n bwysig bod gan gydweithwyr gynllun datblygu ysgrifenedig a beth ddylai ei gynnwys (anghenion dysgu a nodwyd), gweithgareddau dysgu i’w gwneud a’r amcanion dysgu i’w cyflawni, amserlenni ac adnoddau gofynnol)
12. Sut i osod amcanion dysgu sy’n rhai CAMPUS (Cyraeddadwy, Amserol, Mesuradwy, Penodol, Uchelgeisiol, Synhwyrol)
13. Ffynonellau arbenigedd yn gysylltiedig â nodi a darparu dysgu i gydweithwyr a beth sydd ar gael yn / i eich sefydliad o ran nodi anghenion dysgu i’ch cydweithwyr
14. Pa fath o gymorth y gallai fod ei angen ar gydweithwyr i ymgymryd â gweithgareddau dysgu, yr adnoddau y mae eu hangen, y mathau o rwystrau y gallent eu hwynebu a sut gallant gael eu datrys
15. Sut i werthuso p’un a yw gweithgarwch dysgu wedi cyflawni’r amcanion dysgu dymuniedig
16. Pwysigrwydd adolygu a diweddaru cynlluniau ysgrifenedig yn rheolaidd yng ngoleuni perfformiad, unrhyw weithgareddau dysgu a wnaed ac unrhyw
17. Sut i gyfrif am ddeddfwriaeth cydraddoldeb, unrhyw godau ymarfer perthnasol a materion amrywiaeth a chynhwysiant cyffredinol wrth ddarparu cyfleoedd dysgu i gydweithwyr
18. Gofynion y diwydiant/sector am ddatblygu neu gynnal gwybodaeth, sgiliau a dealltwriaeth a datblygiad proffesiynol
19. Materion dysgu a mentrau a threfniadau penodol sy’n berthnasol yn y diwydiant/sector
20. Diwylliant ac arferion gweithio’r diwydiant neu’r sector
21. Gwybodaeth berthnasol am ddiben, amcanion a chynlluniau eich tîm neu’r maes rydych chi’n gyfrifol amdano neu’r sefydliad ehangach
22. Rolau gwaith cydweithwyr, gan gynnwys terfynau eu cyfrifoldebau a’u hamcanion gwaith personol
23. Gwybodaeth, dealltwriaeth a sgiliau presennol cydweithwyr a bylchau ac anghenion dysgu a nodwyd yng ngwybodaeth, dealltwriaeth a sgiliau cydweithwyr
24. Polisïau eich sefydliad yn gysylltiedig â chydraddoldeb ac amrywiaeth
25. Polisïau a gweithdrefnau eich sefydliad yn gysylltiedig â dysgu
26. Systemau arfarnu perfformiad eich sefydliad

Rhoddir yr ymddygiadau canlynol yn ganllaw er mwyn bod yn sail i berfformiad effeithiol goruchwylydd ym maes lletygarwch

1. Rydych chi’n cydnabod y cyfleoedd y mae amrywiaeth pobl yn eu cyflwyno
2. Rydych chi’n dod o hyd i ffyrdd ymarferol o oresgyn rhwystrau
3. Rydych chi’n rhoi o’ch amser i gefnogi pobl eraill
4. Rydych chi’n ceisio deall anghenion, teimladau a chymhellion unigolion ac yn dangos diddordeb gweithgar yn eu pryderon
5. Rydych chi’n annog ac yn cefnogi pobl eraill i wneud y defnydd gorau o’u galluoedd
6. Rydych chi’n cydnabod cyflawniadau a llwyddiant pobl eraill
7. Rydych chi’n ysbrydoli eraill gyda chyffro dysgu
8. Rydych chi’n wynebu problemau perfformiad ac yn eu datrys yn uniongyrchol gyda’r bobl gysylltiedig
9. Rydych chi’n dweud na i geisiadau afresymol
10. Rydych chi’n dangos uniondeb, tegwch a chysondeb wrth wneud penderfyniadau

Mae’r safon hon yn gysylltiedig â phob safon arall yng nghyfres safonau Goruchwyliaeth ac Arweinyddiaeth Lletygarwch.