Goruchwylio gwasanaethau peiriannau gwerthu

Mae’r safon hon yn ymwneud â chynnal a chadw gwasanaeth peiriannau gwerthu ac mae’n debygol o gael ei defnyddio gan oruchwylydd sy’n gyfrifol am y gweithgareddau yn y maes gwaith yn ddyddiol, o dan gyfarwyddyd y rheolwr perthnasol.

Yn aml, nid yw cwsmeriaid sy’n defnyddio peiriannau gwerthu yn ddyddiol yn gwybod am y gwaith sy’n digwydd yn y cefndir a'r tu ôl i’r peiriannau. Mae darparu gwasanaeth peiriannau gwerthu o safon, sy’n gost effeithiol, yn gofyn am amrywiaeth o sgiliau a gwybodaeth, o ddeall yr adnoddau y mae eu hangen i sicrhau bod y gwasanaeth yn cael ei ddarparu’n effeithlon ac yn ddiogel i feysydd penodol iawn, fel gwybod pa gynhyrchion allai achosi adweithiau alergaidd a sut i atal hyn rhag digwydd.

Mae’r safon hon yn delio â monitro a goruchwylio’r gwasanaeth ac mae’n cynnwys briffio staff ar weithdrefnau ac amserlenni gwaith, adolygu gwerthiannau, archwilio peiriannau gwerthu a delio â phroblemau. Hefyd, mae’n cwmpasu’r camau allweddol wrth sicrhau bod bwydydd, diodydd ac eitemau eraill yn cael eu cynnal a’u dosbarthu yn y cyflwr gorau posibl, eu bod yn bodloni’r gofynion angenrheidiol ar gyfer safonau a hylendid bwyd, a bod y gwasanaeth yn cael ei addasu i ddarparu ar gyfer gofynion.

Pan fyddwch chi wedi cwblhau’r safon hon, byddwch chi’n gallu dangos eich dealltwriaeth o’r canlynol, a’ch gallu i:
• Oruchwylio gwasanaethau peiriannau gwerthu

1. Datblygu gweithdrefnau ac amserlenni gwaith a gwneud yn siŵr eich bod chi a’ch staff yn cydymffurfio â nhw, gan ddiweddaru’r staff am unrhyw ofynion newydd
2. Gwneud yn siŵr bod gan staff y sgiliau, y wybodaeth a’r adnoddau y mae eu hangen arnynt pan fydd eu hangen arnynt ac annog staff i ofyn cwestiynau os bydd gwybodaeth nad ydynt yn ei deall
3. Cyflawni archwiliadau i wneud yn siŵr bod y gwasanaeth peiriannau gwerthu yn cydymffurfio â gofynion cyfreithiol, rheoliadau’r diwydiant, codau proffesiynol a pholisïau sefydliadol perthnasol
4. Adnabod newidiadau mewn amgylchiadau yn brydlon ac addasu cynlluniau a gweithgareddau yn unol â hynny; dod o hyd i ffyrdd ymarferol o oresgyn rhwystrau a chymryd camau effeithiol i reoli problemau a all darfu ar wasanaeth y peiriannau gwerthu
5. Arwain trwy esiampl a briffio staff i chwilio am broblemau a rhoi gwybod amdanynt pan fyddant yn digwydd, ac ymateb yn adeiladol; adnabod problemau mynych a hyrwyddo newidiadau i strwythurau, systemau a phrosesau i ddatrys y rhain
6. Monitro ansawdd gwaith a chynnydd yn erbyn cynlluniau a gweithredu’n effeithiol i reoli problemau gyda’r gwasanaeth peiriannau gwerthu pan fyddant yn digwydd, gan ddod o hyd i ffyrdd ymarferol o oresgyn rhwystrau
7. Rheoli costau, gwneud y defnydd gorau o adnoddau sydd ar gael a cheisio ffynonellau cymorth newydd yn rhagweithiol pan fydd problemau’n codi
8. Rhoi gwybod i gwsmeriaid am unrhyw newidiadau i’r gwasanaeth a all effeithio arnyn nhw
9. Monitro ac adolygu’r gwasanaeth peiriannau gwerthu i nodi sut gallai’r gwasanaeth gael ei wella, gan geisio gwella cynhyrchion a gwasanaethau yn barhaus ac arallgyfeirio, lle bo’n briodol
10. Casglu adborth ar y gwasanaeth gan staff a chwsmeriaid
11. Rhoi adborth adeiladol i staff i’w helpu i wella’u perfformiad, lle bo’n briodol
12. Defnyddio dulliau effeithiol i gasglu, storio ac adalw gwybodaeth, cwblhau’r cofnodion gofynnol yn gywir ac adrodd ar berfformiad i gefnogi’r gwasanaeth peiriannau gwerthu, yn unol â’ch gweithdrefnau sefydliadol

1. Pa ofynion cyfreithiol sy’n rheoli gweithrediadau peiriannau gwerthu
2. Beth yw polisïau eich sefydliad ar gyfer darparu’r gwasanaeth peiriannau gwerthu
3. Pa ddewis o gynhyrchion sy’n cael eu darparu a pha fathau o beiriannau sy’n cael eu defnyddio gan eich sefydliad
4. Pa gynhyrchion sy’n cael eu gwerthu all achosi adweithiau alergaidd a pha gamau y mae angen eu cymryd i atal adweithiau i alergenau posibl
5. Sut i gyfrannu at ddatblygu gweithdrefnau ar gyfer y gwasanaeth peiriannau
6. Beth yw polisïau eich sefydliad ar gyfer nodi namau, tor-diogelwch a difrod, a pham mae angen cynlluniau wrth gefn arnoch i ddelio â phroblemau gyda’r gwasanaeth peiriannau gwerthu
7. Yr adnoddau y mae eu hangen arnoch ar gyfer gweithredu’r gwasanaeth peiriannau gwerthu a sut i’w cael
8. Pa adnoddau y mae eu hangen arnoch i sicrhau hylendid a chynnal a chadw’r gwasanaeth peiriannau gwerthu
9. Pa systemau sydd ar waith i sicrhau bod staff yn dilyn gweithdrefnau cywir a sut dylech roi’r rhain ar waith
10. Pam mae’n bwysig cysylltu â chwsmeriaid a staff
11. Sut i gyfleu gweithdrefnau i’ch staff
12. Pa weithdrefnau dylai staff eu dilyn ar gyfer glanhau, llenwi a gwacau arian o beiriannau, a sut i ddelio ag anghysondebau ariannol
13. Sut dylai cynhyrchion gael eu cyflwyno a’u harddangos a pha mor aml dylech chi ail-lenwi’r peiriannau yn y maes rydych chi’n gyfrifol amdano
14. Pa dymereddau ddylai gael eu cynnal ar gyfer y cynhyrchion rydych chi’n gyfrifol amdanynt a pham mae hyn yn bwysig
15. Y gweithdrefnau cofnodi sy’n berthnasol i gynnal a chadw a gweithredu’r gwasanaeth (gan gynnwys derbyniadau arian, rheoli’r tymheredd a chwynion) a pham mae hyn yn bwysig
16. Sut i fonitro ac adolygu’r gwasanaeth, gan gynnwys casglu adborth gan gwsmeriaid a staff ac adolygu gwerthiannau
17. Pa weithdrefnau dylech chi eu defnyddio i fonitro gwerthiannau, pam ddylech chi roi gwybod am amrywiadau ac i bwy ddylech chi roi gwybod am yr amrywiadau hyn
18. Beth yw’r mathau o broblemau a allai effeithio ar y gwasanaeth peiriannau gwerthu a sut i reoli’r rhain
19. Sut i ddefnyddio adborth gan bobl eraill yn adeiladol a sut i annog pobl eraill i roi adborth

Rhoddir yr ymddygiadau canlynol yn ganllaw er mwyn bod yn sail i berfformiad effeithiol goruchwylydd ym maes lletygarwch

1. Rydych chi’n nodi anghenion gwybodaeth pobl
2. Rydych chi’n cyflwyno gwybodaeth yn glir, yn gryno, yn gywir ac mewn ffyrdd sy’n hyrwyddo dealltwriaeth
3. Rydych chi’n dod o hyd i ffyrdd ymarferol o oresgyn rhwystrau
4. Rydych chi’n rhyddhau gwybodaeth briodol yn brydlon i’r bobl sydd angen y wybodaeth ac sydd â hawl i’w chael
5. Rydych chi’n adnabod newidiadau mewn amgylchiadau yn brydlon ac yn addasu cynlluniau a gweithgareddau yn unol â hynny
6. Rydych chi’n adnabod problemau mynych ac yn hyrwyddo newidiadau i strwythurau, systemau a phrosesau i’w datrys
7. Rydych chi’n gwella cynhyrchion a gwasanaethau yn barhaus ac yn ceisio arallgyfeirio, lle bo’n briodol

Mae dulliau effeithiol ar gyfer casglu, storio ac adalw gwybodaeth yn cynnwys dulliau cost effeithiol, amser effeithiol a moesegol.

Mae gwybodaeth yn cynnwys gwybodaeth gan gwsmeriaid a staff.

Mae’r safon hon yn safon penodol i’r sector ac mae ganddi gysylltiadau penodol â’r safonau canlynol yng nghyfres safonau Goruchwyliaeth ac Arweinyddiaeth Lletygarwch:
• HSL1-6
• HSL14
• HSL19
• HSL23