Goruchwylio’r storfa / seler a’r cownter dosbarthu gwin

Mae’r safon hon yn ymwneud â goruchwylio staff i gynnal gwin yn y cyflwr gorau posibl. Hefyd, mae’n delio â chynnal a chadw stoc wrth y cownter dosbarthu.

Nid yw pawb yn arbenigwr ar win, ond mae pobl yn dod yn fwy deallus drwy’r amser ac mae disgwyliadau am win o safon gyson yn arferol erbyn hyn. Mae cynnal seler o safon i storio, trin a dosbarthu gwin, a lleihau colli stoc trwy ddifrod neu ddifetha, yn hanfodol i gynnig cynnyrch o safon a lleihau costau.

Pan fyddwch chi wedi cwblhau’r safon hon, byddwch chi’n gallu dangos eich dealltwriaeth o’r canlynol, a’ch gallu i:
• Oruchwylio’r storfa / seler a’r cownter dosbarthu gwin

1. Dyrannu staff a’u briffio ar ddyletswyddau, gweithdrefnau perthnasol ac unrhyw amrywiadau sy’n gysylltiedig â’u harferion gwaith
2. Cyflawni archwiliadau rheolaidd i sicrhau bod eich staff yn dilyn gweithdrefnau storfa / seler a chownter dosbarthu gwin, gan gynnwys defnyddio cyfarpar gwasanaeth, tymereddau storio a delio â stoc sydd wedi’i ddifrodi
3. Gwneud yn siŵr bod gweithrediadau storfa / seler a chownter dosbarthu gwin yn cydymffurfio â gofynion cyfreithiol, rheoliadau’r diwydiant, codau proffesiynol a pholisïau sefydliadol perthnasol ar gyfer storio a gwerthu gwin
4. Nodi risgiau posibl i’r gweithrediadau storfa / seler a chownter dosbarthu gwin a rhoi cynlluniau wrth gefn ar waith i’w lleihau
5. Arwain trwy esiampl a briffio staff i chwilio am broblemau a rhoi gwybod amdanynt pan fyddant yn digwydd, ac ymateb yn adeiladol
6. Monitro ansawdd gwaith a chynnydd yn erbyn cynlluniau a gweithredu’n effeithiol i reoli problemau a all darfu ar weithrediadau storfa / seler a chownter dosbarthu gwin pan fyddant yn digwydd, gan ddod o hyd i ffyrdd ymarferol o oresgyn rhwystrau
7. Rheoli costau trwy sicrhau eich bod chi a’ch staff yn storio ac yn trin gwin a stoc cownter dosbarthu yn gywir, mewn ffordd sy’n lleihau difrod i boteli, cynwysyddion, pecynnu neu gynnwys ac sy’n gwneud y mwyaf o ansawdd cynnyrch a gwasanaeth
8. Monitro ac adolygu gweithdrefnau storfa / seler a chownter dosbarthu gwin i nodi ac awgrymu ffyrdd o wella’u heffeithlonrwydd
9. Rhoi adborth i staff i’w helpu i wella’u perfformiad, lle bo’n briodol
10. Defnyddio dulliau effeithiol i gasglu, storio ac adalw gwybodaeth, cwblhau’r cofnodion gofynnol yn gywir ac adrodd ar berfformiad i gefnogi gwasanaeth cownter dosbarthu, yn unol â’ch gweithdrefnau sefydliadol

1. Y ddeddfwriaeth iechyd, diogelwch a hylendid sy’n gysylltiedig â gweithredu seler win a sut i sicrhau bod y rhain yn cael eu bodloni yn eich maes gweithredu
2. Yr effaith y gall gofal stociau gwin ei chael ar gwsmeriaid, gweithwyr a phroffidioldeb y sefydliad
3. Y mathau o win rydych chi’n gyfrifol amdanynt, y gofynion penodol ar gyfer storio a gofalu am y rhain a’r gweithdrefnau y mae angen iddynt fod ar waith i sicrhau bod stoc gwin yn cael ei storio’n gywir ac i leihau difrod i labeli a photeli
4. Deddfwriaeth, codau’r diwydiant ac arfer gorau perthnasol sy’n gysylltiedig â gwerthu gwin
5. Halogyddion ffisegol, cemegol, microbiolegol ac alergenaidd a sut i reoli traws-halogi yn y maes rydych chi’n gyfrifol amdano
6. Y mathau o anawsterau sy’n debygol o godi yn y maes rydych chi’n gyfrifol amdano a sut i baratoi ar gyfer y rhain a delio â nhw
7. Y math o gyfarpar gwasanaeth a gwydrau a ddefnyddir yn nodweddiadol wrth werthu gwin (gan gynnwys gwin drafft) a sut dylai’r rhain gael eu defnyddio
8. Sut i gynnal amodau amgylcheddol cywir yn y storfa / seler win
9. Pam mae angen cynnal diogeledd o fewn y seler win
10. Yr egwyddorion a’r gweithdrefnau sy’n ofynnol ar gyfer glanhau a diheintio ardaloedd gwasanaeth, cyfarpar a gwydrau yn foddhaol
11. Sut i ymateb i ddiffygion mae cwsmeriaid yn sylwi arnynt mewn gwinoedd
12. Y wybodaeth yn gysylltiedig â’r seler win / storfa win y mae angen ei chofnodi a sut dylid gwneud hyn
13. Sut i fonitro staff a gwneud yn siŵr eu bod yn cael hyfforddiant priodol i gyflawni eu cyfrifoldebau a sut i roi adborth iddynt i’w helpu i wella’u perfformiad
14. Sut i fonitro a chynnal systemau cylchdroi stoc
15. Sut i roi gweithdrefnau ar waith ar gyfer monitro stociau gwin
16. Sut i adnabod stoc gwin sydd wedi’i ddifrodi neu sydd islaw’r safon a’r camau y dylid eu cymryd i ymateb i’r canfyddiadau
17. Sut i gasglu adborth a gweithredu arno
18. Pwysigrwydd cyfrannu at werthuso gweithdrefnau a sut i wneud hynny yn eich sefydliad

Rhoddir yr ymddygiadau canlynol yn ganllaw er mwyn bod yn sail i berfformiad effeithiol goruchwylydd ym maes lletygarwch

1. Rydych chi’n dangos angerdd tuag at gynhyrchion a gwasanaeth diodydd o ansawdd uchel
2. Rydych chi’n ymateb yn gadarnhaol ac yn greadigol i anawsterau
3. Rydych chi’n cytuno ar amcanion cyflawnadwy ar eich cyfer eich hun ac yn perfformio’n gyson ac yn ddibynadwy
4. Rydych chi’n rhyddhau gwybodaeth briodol yn brydlon i’r bobl sydd angen y wybodaeth ac sydd â hawl i’w chael
5. Rydych chi’n adnabod problemau mynych ac yn hyrwyddo newidiadau i strwythurau, systemau a phrosesau i’w datrys

Mae dulliau effeithiol ar gyfer casglu, storio ac adalw gwybodaeth yn cynnwys dulliau cost effeithiol, amser effeithiol a moesegol.

Mae’r safon hon yn safon penodol i’r sector ac mae ganddi gysylltiadau penodol â’r safonau canlynol yng nghyfres safonau Goruchwyliaeth ac Arweinyddiaeth Lletygarwch:
• HSL1-6
• HSL11
• HSL13
• HSL19
• HSL25
• HSL26
• HSL27
• HSL28