Goruchwylio gwasanaethau bwyd

Mae’r safon hon yn ymwneud â goruchwylio’r gwasanaeth bwyd a gwneud yn siŵr bod ardal a chyfarpar y gwasanaeth yn briodol o lân ac yn barod i’w defnyddio, ac mae’n debygol o gael ei defnyddio gan oruchwylydd sy’n gyfrifol am y gweithgareddau yn y maes gwaith yn ddyddiol, o dan gyfarwyddyd y rheolwr perthnasol.

Mae gwasanaeth bwyd gwych yn ymwneud â mwy na dim ond y bwyd ei hun – mae arno angen tîm gwybodus a galluog i’w ddarparu. Gall llawer o gwsmeriaid faddau bwyd canolig i raddau, ond ni fyddant yn goddef gwasanaeth gwael!

Wrth oruchwylio gwasanaeth bwyd, mae’n bwysig gwneud yn siŵr bod staff wedi cael eu briffio’n dda ar yr hyn sydd ei angen a bod ganddynt y wybodaeth y mae ei hangen arnynt i ddilyn gweithdrefnau cywir, gan leihau unrhyw risgiau neu beryglon posibl. Hefyd, mae’n hanfodol cyfathrebu â chwsmeriaid yn rheolaidd a gwneud yn siŵr bod y gwasanaeth yn cael ei gyflwyno’n effeithlon ac yn effeithiol, yn unol â safonau eich sefydliad.

Mae’r safon hon yn ymwneud ag elfennau allweddol goruchwylio’r gwasanaeth bwyd, gan gynnwys cynllunio; goruchwylio glanhau, clirio ac ailgyflenwi; gwirio cyfarpar; cydweithio ag adrannau eraill a delio â phroblemau i sicrhau bod y gwasanaeth yn bodloni’r safon ofynnol.

Mae agwedd gyfannol at ddiogelwch gwyd yn hanfodol ar gyfer darparu gwasanaeth bwyd o safon ac eir i’r afael â hyn yn fanwl yn safon HSL30.

Pan fyddwch chi wedi cwblhau’r safon hon, byddwch chi’n gallu dangos eich dealltwriaeth o’r canlynol, a’ch gallu i:
• Oruchwylio gwasanaethau bwyd

1. Gwneud yn siŵr bod gan staff y sgiliau, y wybodaeth a’r adnoddau y mae eu hangen arnynt ac annog staff i ofyn cwestiynau os bydd gwybodaeth nad ydynt yn ei deall
2. Archwilio ardaloedd gwasanaeth bwyd i sicrhau eu bod yn gyfforddus, yn ddeniadol a’u bod wedi’u trefnu fel y cytunwyd arno
3. Archwilio ardaloedd paratoi’r gwasanaeth bwyd i wneud yn siŵr eu bod wedi’u paratoi yn unol â gofynion, i’r safon y cytunwyd arni ac mewn pryd i ganiatáu am ddarparu’r gwasanaeth bwyd wedi’i drefnu
4. Gwneud yn siŵr bod eich staff yn dilyn gweithdrefnau gwasanaeth bwyd, yn cynnal golwg ardal y gwasanaeth bwyd yn unol â gofynion cwsmeriaid, ac yn ymddwyn ac yn cyflwyno eu hunain yn unol â gofynion a safonau sefydliadol
5. Arwain staff i adnabod cwsmeriaid gwahanol a’u hanghenion go iawn ac anghenion canfyddedig a chyfathrebu â chwsmeriaid mewn ffordd sy’n annog profiad cadarnhaol i gwsmeriaid
6. Gwneud yn siŵr bod y gwasanaeth bwyd yn cydymffurfio â gofynion cyfreithiol, rheoliadau’r diwydiant, cyfrifoldeb cymdeithasol, codau proffesiynol a pholisïau sefydliadol
7. Cydweithio â phobl ac adrannau perthnasol eraill i wneud yn siŵr bod gwasanaeth bwyd effeithiol yn cael ei ddarparu, rhoi gwybod i’ch staff a’ch cwsmeriaid am unrhyw newidiadau i’r gwasanaeth a all effeithio arnyn nhw
8. Monitro ardaloedd gwasanaeth bwyd ac ansawdd y gwasanaeth a gweithredu’n brydlon ac yn effeithiol i ddelio ag unrhyw broblemau
9. Rheoli costau, gwneud y defnydd gorau o adnoddau sydd ar gael a cheisio ffynonellau cymorth newydd yn rhagweithiol pan fydd problemau’n codi
10. Monitro ac adolygu gweithdrefnau a chyfathrebu i sicrhau bod y gwasanaeth bwyd yn bodloni anghenion cwsmeriaid
11. Casglu a throsglwyddo adborth a gwelliannau argymelledig i’r bobl berthnasol yn unol â gofynion eich sefydliad
12. Rhoi adborth i staff i’w helpu i wella’u perfformiad, lle bo’n briodol
13. Defnyddio dulliau effeithiol i gasglu, storio ac adalw gwybodaeth, cwblhau’r cofnodion gofynnol yn gywir ac adrodd ar berfformiad i gefnogi’r gwasanaeth, yn unol â’ch gweithdrefnau sefydliadol

1. Y rheoliadau a chodau ymarferol perthnasol sy’n benodol i’r diwydiant sy’n gysylltiedig â gweithred y gwasanaeth bwyd, sut i gael atynt i wneud yn siŵr bod gweithdrefnau’n gyfredol a sut i nodi unrhyw doriadau iddynt, delio â nhw a rhoi gwybod amdanynt
2. Gweithdrefnau a safonau eich sefydliad ar gyfer gwasanaeth bwyd a gofal cwsmeriaid a sut i sicrhau bod staff yn dilyn y rhain
3. Sut i adnabod tueddiadau yn lefelau’r galw, sy’n dylanwadu ar ofynion staffio.
4. Gwahanol rolau a chyfrifoldebau pobl yn eich adran a sut mae’r rhain yn effeithio ar wasanaeth bwyd
5. Y wybodaeth y mae ar gwsmeriaid ei hangen am y gwasanaeth bwyd a sut i’w darparu’n effeithiol
6. Sut i sicrhau bod staff yn cael yr hyfforddiant cywir i ategu eu cyfrifoldebau
7. Sut i drefnu staff yn dibynnu ar ofynion y gwasanaeth
8. Sut i nodi a chael yr adnoddau y mae eu hangen arnoch ar gyfer gwasanaeth bwyd
9. Sut dylai staff gyfathrebu â chwsmeriaid ac ymddwyn mewn ardal gwasanaeth bwyd
10. Sut i gyfleu gweithdrefnau gweithredol i staff
11. Sut i wirio bod cyfarpar yn barod i’w ddefnyddio a beth i’w wneud os bydd cyfarpar yn methu
12. Pwy i ymgynghori â nhw a sut i nodi a gwerthuso atebion posibl i broblemau a all ddigwydd yn ystod gwasanaeth bwyd, sut i leihau tarfu ar wasanaeth wedi’i achosi gan broblemau a datblygu cynlluniau wrth gefn
13. Sut i reoleiddio’r amser sydd ar gael gennych a blaenoriaethu tasgau
14. Sut mae gweithrediadau gwasanaeth bwyd yn integreiddio â gweithgareddau / adrannau eraill yn y sefydliad a phwy i gysylltu â nhw pan fyddwch chi’n trefnu’r gwasanaeth bwyd
15. Sut i gywiro a rhoi gwybod am fethiannau yn unol â safonau a gweithdrefnau sefydliadol.
16. Pam mae’n bwysig ceisio barn staff a chwsmeriaid a chael eu hadborth
17. Sut i gasglu a dadansoddi adborth
18. Sut i roi adborth i’ch staff i’w helpu i wella’u perfformiad
19. Sut i gyflwyno argymhellion

Mae dulliau effeithiol ar gyfer casglu, storio ac adalw gwybodaeth yn cynnwys dulliau cost effeithiol, amser effeithiol a moesegol.

Mae gwybodaeth yn cynnwys gwybodaeth gan gwsmeriaid a staff.

Rhoddir yr ymddygiadau canlynol yn ganllaw er mwyn bod yn sail i berfformiad effeithiol goruchwylydd ym maes lletygarwch

1. Rydych chi’n dangos angerdd tuag at gynhyrchion a gwasanaeth bwyd o ansawdd uchel
2. Rydych chi’n nodi anghenion gwybodaeth pobl
3. Rydych chi’n effro i risgiau a pheryglon posibl
4. Rydych chi’n cytuno’n glir ar yr hyn sydd i’w ddisgwyl gan bobl eraill ac yn eu dwyn i gyfrif
5. Rydych chi’n monitro ansawdd gwaith a chynnydd yn erbyn cynlluniau ac yn cymryd camau cywirol priodol, lle bo angen
6. Rydych chi’n wynebu problemau perfformiad ac yn eu datrys yn uniongyrchol gyda’r bobl dan sylw
7. Rydych chi’n ymfalchïo mewn darparu gwasanaeth o ansawdd uchel
8. Rydych chi’n gweithio i ddatblygu awyrgylch o broffesiynoldeb a chymorth tuag at eich gilydd

Pa safonau eraill y mae’r safon hon yn cysylltu â nhw?
Argymhellir yn gryf fod HSL30, sy’n ymdrin â hylendid a diogelwch bwyd wrth baratoi a gweini bwyd a diod, yn cael ei astudio ar y cyd â’r safon hon.
  
Mae’r safon hon yn safon penodol i’r sector ac mae ganddi gysylltiadau penodol â’r safonau canlynol yng nghyfres safonau Goruchwyliaeth ac Arweinyddiaeth Lletygarwch:

HSL1-8, HSL11, HSL15, HSL16, HSL19, HSL25, HSL24, HSL26, HSL27, a HSL28