Gwerthuso ac adrodd ar effaith digwyddiad
Trosolwg
| Mae gwerthuso'n allweddol i reoli digwyddiadau'n effeithiol. Dim ond trwy fesur effaith digwyddiadau y gallwch roi adroddiadau boddhaol i'r cleientiaid, cydweithwyr a rhanddeiliaid eraill sy'n ymwneud â'r digwyddiadau, a dysgu gwersi ar gyfer gwaith yn y dyfodol. Argymhellir y Safon Alwedigaethol Genedlaethol ar gyfer Rheolwyr, Cydgysylltwyr a Goruchwylwyr Digwyddiadau sy'n gyfrifol am strwythurau dros dro. # |
Meini prawf perfformiad
Mae'n rhaid eich bod chi'n gallu:
Adolygu'r gofynion a'r ffactorau effaith gritigol ar gyfer y digwyddiad
canfod, casglu a dadansoddi gwybodaeth berthnasol yn unol â'r gofynion a'r ffactorau effaith gritigol hyn
nodi ac adrodd ar unrhyw anawsterau wrth gael y wybodaeth angenrheidiol
gwerthuso pob agwedd ar gynllunio a gweithredu digwyddiad gan ddefnyddio'r wybodaeth rydych wedi'i chasglu a'i dadansoddi
canfod rhesymau dros lwyddiant a methiant a nodi gwersi allweddol ar gyfer gwaith yn y dyfodol
darparu adroddiad sydd:
6.1 yn nodi'r wybodaeth a ddefnyddiwyd a ffynonellau'r wybodaeth
6.2 yn esbonio sut y cafodd y wybodaeth ei dadansoddi
6.3 yn dod i gasgliadau ac yn gwneud argymhellion sydd wedi'u seilio ar dystiolaeth
6.4 yn cael ei gyflwyno mewn fformat sy'n diwallu anghenion cydweithwyr a rhanddeiliaid eraill
dilyn gweithdrefnau cytunedig ar gyfer dosbarthu'r adroddiad, gan gynnal cytundebau ar gyfrinachedd
ystyried yr holl ofynion o ran moeseg a chynaliadwyedd
Gwybodaeth a Dealltwriaeth
You need to know and understand:
**Gwybodaeth a dealltwriaeth gyffredinol
**
1. pwysigrwydd gwerthuso ac adrodd ar ddigwyddiad
2 . y rhan y mae gwerthuso'n ei chwarae mewn gwella perfformiad yn barhaus i'ch sefydliad chi ac i randdeiliaid eraill
3. yr egwyddorion a'r dulliau a ddefnyddir wrth werthuso
4. y prif ffynonellau gwybodaeth y gallwch eu defnyddio i werthuso digwyddiad a sut i gael gafael arnynt
5. pam mae'n bwysig gwirio'r wybodaeth yr ydych yn ei defnyddio i werthuso a sut i wneud hyn
6. y gwahanol fathau o wybodaeth y gallwch eu defnyddio a'u gwerth cymharol ar gyfer gwerthusiad
7. sut y gellir defnyddio enillion ar fuddsoddiad fel offeryn gwerthuso a lle y byddai'r dechneg hon yn fwyaf defnyddiol
8. y prosesau y gallwch eu defnyddio i gasglu a dadansoddi gwybodaeth am ddigwyddiad
9. sut i gasglu adborth oddi wrth rith-gyfranogwyr
10. pwysigrwydd defnyddio gwerthusiad blaenorol wrth gynllunio digwyddiadau
11. yr elfennau allweddol a ddylai ymddangos mewn adroddiad gwerthuso
12. pwysigrwydd cyfrinachedd a nodi pa fathau o wybodaeth a allai fod yn gyfrinachol a disgrifio sut y dylech ymdrin â hyn
**Gwybodaeth a dealltwriaeth sy'n benodol i'r diwydiant/sector
**
13. y prif fathau o ddigwyddiadau a gynhelir yn eich sector
14. y prosesau penodol sy'n rhan o werthuso digwyddiadau yn eich sector
15. y prif ofynion cyfreithiol a rheoliadol perthnasol sy'n effeithio ar ddigwyddiadau yn eich sector
16. pam y gall fod angen i chi ystyried anghenion amlieithyddol
17. y materion a'r cyfleoedd sy'n ymwneud â chynaliadwyedd
**Gwybodaeth a dealltwriaeth sy'n benodol i'r cyd-destun
**
18. hyd a lled eich cyfrifoldebau chi am werthuso
19. sut mae'ch rôl chi'n gysylltiedig â rolau pobl eraill yn eich sefydliad
20. prif gyfrifoldebau cydweithwyr yr ydych yn gweithio gyda nhw wrth werthuso digwyddiad a sefydliadau eraill y gallwch gysylltu â nhw
Cwmpas/ystod
Cwmpas Perfformiad
Gwybodaeth Cwmpas
Gwerthoedd
Ymddygiadau
| 1. Rydych yn gwirio pa mor ddilys a dibynadwy yw gwybodaeth 2. Rydych yn dadansoddi ac yn strwythuro gwybodaeth er mwyn datblygu gwybodaeth y gellir ei rhannu 3. Rydych yn annog eraill i rannu gwybodaeth yn effeithlon o fewn cyfyngiadau cyfrinachedd 4. Rydych yn cyflwyno gwybodaeth yn glir, yn gryno, yn gywir ac mewn ffyrdd sy'n hybu dealltwriaeth 5. Rydych yn rhoi adborth i eraill i'w helpu i wella eu perfformiad 6. Rydych yn ceisio gwella perfformiad yn ddi-baid 7. Rydych yn herio'r sefyllfa bresennol mewn modd adeiladol ac yn chwilio am ddewisiadau amgen gwell 8. Rydych yn rhoi cyfleoedd i bobl ddarparu adborth ac rydych yn ymateb yn briodol 9. Rydych yn adnabod problemau sy'n codi dro ar ôl tro ac yn hybu newidiadau i strwythurau, systemau a phrosesau er mwyn eu datrys 10. Rydych yn myfyrio'n rheolaidd ynghylch eich profiadau chi a rhai pobl eraill, ac yn defnyddio'r rhain i lywio gweithredoedd yn y dyfodol 11. Rydych yn adnabod materion a thueddiadau systemig ac yn cydnabod eu heffaith ar waith yn y presennol a'r dyfodol 12. Rydych yn adnabod materion a chyfleoedd sy'n ymwneud â chynaliadwyedd ac yn cymryd camau priodol |
Sgiliau
| Rhestrir isod y prif 'sgiliau' generig y mae angen eu cymhwyso yn y Safon Alwedigaethol Genedlaethol hon. Mae'r sgiliau hyn yn echblyg / ymhlyg yng nghynnwys manwl y Safon a chânt eu rhestru yma fel gwybodaeth ychwanegol. 1. Ymchwilio 2. Rheoli gwybodaeth 3. Dadansoddi 4. Gwerthuso 5. Gwelliant parhaus 6. Adrodd 7. Craffter busnes |
Geirfa
| Diffinnir cynaliadwyedd fel ymagwedd barhaus a chytbwys at weithgarwch economaidd, cyfrifoldeb amgylcheddol ac ymwybyddiaeth gymdeithasol. |
Dolenni I NOS Eraill
| Mae'n bosibl bod y Safon hon yn gysylltiedig â'r holl Safonau yng nghyfres gyffredinol y Safonau Galwedigaethol Cenedlaethol ar gyfer Digwyddiadau sy'n ymwneud â chynllunio a gweithredu. |