Goruchwylio iechyd a diogelwch personol a diogelwch eiddo
Trosolwg
| Mae'r Safon Alwedigaethol Genedlaethol hon yn ymdrin â chyfrifoldebau rheolwyr llinell gyntaf am iechyd a diogelwch personol a diogelwch eiddo pan maent yn goruchwylio gwaith ar safleoedd digwyddiadau/strwythurau dros dro. |
Meini prawf perfformiad
Mae'n rhaid eich bod chi'n gallu:
1. cynnal sesiwn cynefino iechyd a diogelwch cychwynnol ar y safle
2. sicrhau:
2.1 bod gennych wybodaeth glir am eich cyfrifoldebau a'ch atebolrwyddau chi am iechyd a diogelwch
2.2 bod gan eich holl staff, a phobl berthnasol eraill, wybodaeth glir am ofynion a gweithdrefnau iechyd, diogelwch personol a diogelwch eiddo
2.3 bod yna asesiad risg ar gyfer y safle ac ar gyfer y gwaith sydd i gael ei wneud
2.4 bod yr holl asesiadau risg a datganiadau dull perthnasol ar gael ar y safle
2.5 bod yr holl bobl sy'n gweithredu cyfarpar neu'n defnyddio offer ar y safle o dan eich rheolaeth wedi cael eu hyfforddi'n iawn, y bernir eu bod yn gymwys ac, os yw'n briodol, eu bod yn meddu ar dystysgrif i ddefnyddio'r cyfarpar neu'r offer
3. gofyn am wybodaeth a chymorth gan berson mwy cymwys pan ydych yn ansicr ynghylch risgiau o ran iechyd, diogelwch personol a diogelwch eiddo a sut i'w rheoli
4. annog yr holl staff i roi blaenoriaeth i iechyd, diogelwch personol a diogelwch eiddo
5. gwneud yn siŵr bod eich ymddygiad personol chi'n atgyfnerthu'r negeseuon am iechyd, diogelwch personol a diogelwch eiddo
6. monitro'r holl rannau o'r safle a'r gwaith a gwneud yn siŵr bod gweithdrefnau iechyd, diogelwch personol a diogelwch eiddo yn cael eu gweithredu yn ôl y gofyn
7. cymryd camau effeithiol pan nad yw gweithdrefnau'n cael eu gweithredu
8. cysylltu â sefydliadau ac asiantaethau allanol eraill
9. canfod, asesu a rheoli risgiau newydd pan maent yn codi
10. cydgysylltu gweithdrefnau argyfwng pan fo angen
11. dilyn y gweithdrefnau cywir ar gyfer cofnodi damweiniau a digwyddiadau
12. cysylltu â phobl eraill yn eich sefydliad i wella iechyd, diogelwch personol a diogelwch eiddo
13. ystyried yr holl ofynion o ran moeseg a chynaliadwyedd
Gwybodaeth a Dealltwriaeth
You need to know and understand:
- pwysigrwydd cyffredinol iechyd a diogelwch
- pwysigrwydd iechyd a diogelwch yn y diwydiant digwyddiadau/strwythurau dros dro a beth all ddigwydd os na chaiff gweithdrefnau iechyd a diogelwch eu gweithredu'n gywir
- cyfrifoldebau ac atebolrwyddau'r cyflogwyr am iechyd a diogelwch yn y gwaith
- cyfrifoldeb ac atebolrwyddau pob gweithiwr cyflogedig am iechyd a diogelwch yn y gwaith
- cyfrifoldebau ac atebolrwyddau ychwanegol goruchwyliwr safle am iechyd a diogelwch ar y safle
- rheolau'r safle, cyfleusterau lles, mannau ymgynnull, mannau tân, cyfleusterau cymorth cyntaf, rhifau cyswllt mewn argyfwng, sut i fynd i mewn ac allan o'r safle a briffiad cyffredinol am y gwaith
- gweithdrefnau argyfwng ar gyfer y safle
- cyfrifoldebau ac atebolrwyddau pobl eraill sy'n gweithio ar y safle am iechyd a diogelwch
- y camau wrth asesu risg
- y gwahaniaeth rhwng asesiadau risg 'generig' a 'dynamig' a phwysigrwydd pob un
- y peryglon nodweddiadol a all godi wrth weithio ar y safle
- y risgiau sy'n gysylltiedig â phob un o'r peryglon hyn
- sut y gellir dileu neu reoli'r risgiau hyn
- beth yw datganiad dull a pham mae'n bwysig
- canllawiau'r diwydiant ac arferion da o ran iechyd a diogelwch
- adnabod ystyr arwyddion a symbolau diogelwch a ddefnyddir yn y diwydiant
- y gwahanol fathau o bobl a all gyflawni archwiliadau iechyd a diogelwch ar safle a phwerau pob un
- effeithiau pob un o'r canlynol:
- Hysbysiad Gwahardd
- Hysbysiad Gwella
- pwysigrwydd diogelwch eiddo ar y safle a beth all ddigwydd os na chaiff gweithdrefnau diogelwch eiddo ar y safle eu gweithredu'n gywir
- problemau nodweddiadol gyda diogelwch eiddo ar y safle a ffyrdd o fynd i'r afael â nhw
- yr argyfyngau nodweddiadol a all godi ar safleoedd digwyddiadau / strwythurau dros dro a'r gweithdrefnau i'w dilyn pan fo'r argyfyngau hyn yn digwydd
- y gweithdrefnau ar gyfer cofnodi damweiniau a digwyddiadau a pham mae'r rhain yn bwysig
- sut i annog y staff i roi blaenoriaeth i iechyd, diogelwch personol a diogelwch eiddo yn eu gwaith
- sut y dylech ymddwyn ar y safle i atgyfnerthu'r negeseuon am iechyd, diogelwch personol a diogelwch eiddo
- sut y byddech yn monitro safle a'r gwaith sy'n cael ei wneud er mwyn gwneud yn siŵr bod gweithdrefnau iechyd, diogelwch personol a diogelwch eiddo'n cael eu dilyn
- sut i gyfleu gwybodaeth am iechyd, diogelwch personol a diogelwch eiddo i'ch staff a phobl berthnasol eraill
- pwysigrwydd gwelliant parhaus mewn perthynas ag iechyd, diogelwch personol a diogelwch eiddo ar y safle
- y bobl y gallwch weithio gyda nhw i helpu i wella iechyd, diogelwch personol a diogelwch eiddo ar y safle
- dynameg torfeydd ynghyd â goblygiadau ymddygiadau ac ymateb i ddisgwyliadau a phatrymau ymddygiad cynulleidfaoedd
- y gadwyn awdurdod mewn argyfwng
- ar bwy mae'r ddyletswydd gofal am y rhai sy'n bresennol yn y digwyddiad
- pam y gall fod angen i chi ystyried anghenion amlieithyddol
- y materion a'r cyfleoedd sy'n ymwneud â chynaliadwyedd
Cwmpas/ystod
Cwmpas Perfformiad
Gwybodaeth Cwmpas
Gwerthoedd
Ymddygiadau
| 1. Rydych yn cyflwyno gwybodaeth yn glir, yn gryno, yn gywir ac mewn ffyrdd sy'n hybu dealltwriaeth 2. Rydych yn ymateb yn briodol i argyfyngau a phroblemau gyda ffordd gynlluniedig o weithredu 3. Rydych yn sicrhau bod amser ar gael i gynorthwyo eraill 4. Rydych yn nodi goblygiadau neu ganlyniadau sefyllfa 5. Rydych yn rhoi adborth i eraill i'w helpu i wella eu perfformiad 6. Rydych chi'n cymryd cyfrifoldeb personol am sicrhau bod pethau'n digwydd 7. Rydych yn ceisio gwella perfformiad yn ddi-baid 8. Rydych yn trin unigolion â pharch ac yn gweithredu i gynnal eu hawliau 9. Rydych yn adnabod materion a chyfleoedd sy'n ymwneud â chynaliadwyedd ac yn cymryd camau priodol |
Sgiliau
| Rhestrir isod y prif 'sgiliau' generig y mae angen eu cymhwyso yn y Safon Alwedigaethol Genedlaethol hon. Mae'r sgiliau hyn yn echblyg / ymhlyg yng nghynnwys manwl y Safon a chânt eu rhestru yma fel gwybodaeth ychwanegol. 1. Arweinyddiaeth 2. Cyfathrebu 3. Monitro 4. Asesu a rheoli risg 5. Adrodd 6. Craffter busnes 7. Rheoli torfeydd 8. Gwneud penderfyniadau 9. Sylwi ar bethau |
Geirfa
| Diffinnir cynaliadwyedd fel ymagwedd barhaus a chytbwys at weithgarwch economaidd, cyfrifoldeb amgylcheddol ac ymwybyddiaeth gymdeithasol. Diffinnir torf fel unrhyw nifer o bobl sy'n bresennol mewn digwyddiad. |
Dolenni I NOS Eraill
| Mae'r Safon hon yn gysylltiedig â'r holl Safonau Galwedigaethol Cenedlaethol eraill lle mae iechyd a diogelwch yn berthnasol. |