Rheoli contractau ar gyfer digwyddiad
Trosolwg
| Bydd y rhan fwyaf o'r cyfarpar, deunyddiau, gweithgareddau a gwasanaethau mewn digwyddiad yn cael eu darparu gan gyflenwyr allanol. Ar ôl i'r contractau gael eu gosod a'u llofnodi, bydd yn bwysig gwneud yn siŵr bod telerau'r contract yn cael eu cyflawni neu yr ymdrinnir ag unrhyw angen i amrywio'r rhwymedigaethau contractiol yn unol â gweithdrefnau cyfreithiol a sefydliadol. Argymhellir y Safon Alwedigaethol Genedlaethol ar gyfer Rheolwyr a Chydgysylltwyr Digwyddiadau. # |
Meini prawf perfformiad
Mae'n rhaid eich bod chi'n gallu:
- nodi'ch cyfrifoldebau allweddol chi am gontractau a chyfrifoldebau pobl eraill
- lle bo'n bosibl, meithrin perthnasoedd gweithio effeithiol gyda chontractwyr
- gwneud yn glir, os oes angen, yr hyn a ddisgwylir gan y contractwr a gennych chi
- monitro gweithgareddau contractwyr ar adegau priodol
- rhoi cymorth i gontractwyr o fewn terfynau'r contract a'ch rôl swydd
- os oes angen, dilyn y gweithdrefnau cywir i amrywio contractau
- gwirio cydymffurfiaeth â'r contract, o'ch ochr chi ac o ochr y contractwr
- cymryd gofynion cyfreithiol, rheoliadol a sefydliadol i ystyriaeth
- canfod unrhyw achosion o ddiffyg cydymffurfiaeth a dilyn y gweithdrefnau cywir i ymdrin â hyn
- cwblhau'r holl gofnodion ac unrhyw ddogfennau eraill sy'n gysylltiedig â'r contract
- rhoi adborth perthnasol i gontractwyr ac i'ch cydweithwyr
- ystyried yr holl ofynion o ran moeseg a chynaliadwyedd
Gwybodaeth a Dealltwriaeth
You need to know and understand:
**Gwybodaeth a dealltwriaeth gyffredinol
**
1. pam mae contractau a mathau eraill o gytundeb ar gyfer cyflenwi nwyddau a gwasanaethau'n bwysig
2. amrywiaeth o wahanol fathau o gontract/cytundeb a sut y gellid eu defnyddio mewn sefyllfaoedd gwahanol
3. gofynion cyfreithiol a rheoliadol sylfaenol sy'n ymwneud â chontractau a chytundebau ar gyfer cyflenwi nwyddau a gwasanaethau
4. pam mae'n bwysig bod yn glir ynghylch eich cyfrifoldebau chi a rhai'r contractwr
5. y mathau o gymorth y gall fod eu hangen ar gontractwyr a sut y dylech ymateb i'r rhain
6. sefyllfaoedd lle gall fod angen amrywio contractau a'r gweithdrefnau y dylech eu dilyn
7. y mathau o ddiffyg cydymffurfiaeth â chontractau a all godi a'r gweithdrefnau y dylech eu dilyn
8. pam mae'n bwysig rhoi adborth i gontractwyr ac i gydweithwyr
Gwybodaeth a dealltwriaeth sy'n benodol i'r diwydiant/sector
* *
9. y prif fathau o gontractwyr yr ydych yn gweithio gyda nhw fel arfer wrth reoli digwyddiadau
10. y prosesau arferol ar gyfer rheoli contractwyr yn eich sector
11. pam y gall fod angen i chi ystyried anghenion amlieithyddol
12. y materion a'r cyfleoedd sy'n ymwneud â chynaliadwyedd
Gwybodaeth a dealltwriaeth sy'n benodol i'r cyd-destun
* *
13. hyd a lled eich cyfrifoldebau chi am reoli contractwyr
14. sut mae'ch rôl yn cysylltu â rolau pobl eraill yn eich sefydliad
15. prif gyfrifoldebau cydweithwyr yr ydych yn gweithio gyda nhw wrth reoli contractau
16. gweithdrefnau a dogfennau'ch sefydliad ar gyfer rheoli contractau2 y materion a'r cyfleoedd sy'n ymwneud â chynaliadwyedd
Cwmpas/ystod
Cwmpas Perfformiad
Gwybodaeth Cwmpas
Gwerthoedd
Ymddygiadau
| 1. Rydych yn mynd i'r afael â nifer o alwadau heb golli ffocws nac egni 2. Rydych yn gosod amcanion uchelgeisiol ond cyflawnadwy i chi'ch hun ac i eraill 3. Rydych yn mynegi'ch barn, eich safbwyntiau a'ch gofynion yn glir 4. Rydych yn creu ymdeimlad o bwrpas cyffredin 5. Rydych yn cytuno'n glir ar yr hyn a ddisgwylir gan eraill ac yn eu dal i gyfrif 6. Rydych yn rhoi gwybod i bobl yn gyson am gynlluniau a datblygiadau 7. Rydych yn rhoi sylw personol i fanylion penodol sy'n hanfodol i sicrhau canlyniadau llwyddiannus 8. Rydych yn adnabod newidiadau mewn amgylchiadau'n gyflym ac yn addasu cynlluniau a gweithgareddau'n unol â hynny 9. Rydych yn canfod ffyrdd ymarferol i oresgyn rhwystrau 10. Rydych yn cydnabod cyflawniadau a llwyddiant pobl eraill 11. Rydych yn adnabod materion a chyfleoedd sy'n ymwneud â chynaliadwyedd |
Sgiliau
| Rhestrir isod y prif 'sgiliau' generig y mae angen eu cymhwyso yn y Safon Alwedigaethol Genedlaethol hon. Mae'r sgiliau hyn yn echblyg / ymhlyg yng nghynnwys manwl y Safon a chânt eu rhestru yma fel gwybodaeth ychwanegol. 1. Monitro 2. Gwirio ansawdd 3. Mynd ar drywydd cynnydd 4. Adrodd 5. Datrys problemau 6. Negodi 7. Craffter busnes |
Geirfa
| Diffinnir cynaliadwyedd fel ymagwedd barhaus a chytbwys at weithgarwch economaidd, cyfrifoldeb amgylcheddol ac ymwybyddiaeth gymdeithasol. |
Dolenni I NOS Eraill
| Mae'r Safon hon yn gysylltiedig â Safonau: A3 Rheoli risgiau i'ch sefydliad A4 Sicrhau cydymffurfiaeth â gofynion cyfreithiol, rheoliadol, moesegol a chymdeithasol A5 Canfod, negodi a sicrhau lleoliad ar gyfer digwyddiad A6 Canfod a negodi contractau ar gyfer digwyddiad F13 Datblygu a chytuno ar gynllun busnes ar gyfer digwyddiad yng nghyfres gyffredinol y Safonau Galwedigaethol Cenedlaethol ar gyfer Digwyddiadau. Mae cysylltiadau ganddi hefyd â'r holl Safonau Galwedigaethol Cenedlaethol eraill yn adran C. |