Cael nawdd/ffynonellau cyllid eraill i ddigwyddiad

Mae digwyddiadau'n gyfle delfrydol i gyllidwyr hyrwyddo eu cynhyrchion, eu gwasanaethau a'u delwedd gyhoeddus. Yn gyfnewid, gallant ddarparu cyfraniadau ariannol neu 'mewn nwyddau' sy'n helpu'r digwyddiad i lwyddo. Mae'r Safon hon yn ymdrin â phenderfynu pa dargedau a lefelau cyllid sy'n briodol (dylai hyn darddu o gynllun busnes y digwyddiad), cloriannau'r dadleuon o blaid ac yn erbyn ffynonellau cyllid a chyllidwyr unigol, a denu ffynonellau cyllid priodol a chontractio gyda nhw.

1. adolygu cynllun busnes y digwyddiad a nodi'r targedau a'r lefelau cyllido angenrheidiol
2. ymchwilio i ffynonellau cyllid posibl a'u nodi
3. dadansoddi'r costau a'r buddion tebygol i'r digwyddiad o gynnwys pob ffynhonnell cyllid posibl
4. dewis ffynonellau cyllid posibl
5. datblygu a chyfleu achos busnes darbwyllol i'r ffynonellau cyllid sy'n cefnogi'r digwyddiad
6. negodi ymrwymiad ffynonellau cyllid y mae eu proffil a'u nodau'n gyson â nodau ac amcanion y digwyddiad ac y mae eu buddion yn fwy na chostau eu cynnwys
7. gwneud yn siŵr bod gennych gefnogaeth rhanddeiliaid allweddol i'ch trefniadau cyllido arfaethedig
8. nodi a chytuno ar ddisgwyliadau gyda'r ffynonellau cyllid
9. sefydlu cytundebau contractiol sy'n ymdrin â'r cyllido
10. cynnal a meithrin perthynas weithio effeithiol gyda'r ffynhonnell cyllid
11. sicrhau bod yr holl drafodaethau a chytundebau'n gyfreithiol ac yn foesegol
12. ystyried yr holl ofynion o ran moeseg a chynaliadwyedd

**Gwybodaeth a dealltwriaeth gyffredinol

**

1. y gofynion cyfreithiol perthnasol sy'n ymdrin â chyllido

2. y gwahanol ffynonellau cyllid wrth reoli digwyddiad

3. y buddion, costau a chyfyngiadau y gall cyllido eu hachosi

4. ffynonellau gwybodaeth am ffynonellau cyllid posibl ar gyfer digwyddiadau

5. nodweddion allweddol achos busnes dros gyllido

6. pam mae'n bwysig bod proffil a nodau ffynhonnell cyllid yn gyson â nodau ac amcanion digwyddiad

7. sut i wneud dadansoddiad cost a budd o gynnwys ffynhonnell cyllid

8. pam mae'n bwysig cael cefnogaeth rhanddeiliaid allweddol i gynnwys ffynhonnell cyllid a sut y byddech yn cael y gefnogaeth hon

9. y disgwyliadau nodweddiadol a all fod gan ffynhonnell cyllid mewn perthynas â'r digwyddiad a pham mae'n bwysig i'r ddwy ochr fod yn glir ynghylch y rhain

10. ffynonellau gwybodaeth a chyngor am gontractau gyda ffynonellau cyllid ar gyfer digwyddiadau

11. ffynonellau gwybodaeth a chyngor am gontractau gyda ffynonellau cyllid

12. pwysigrwydd perthnasoedd gweithio gyda ffynonellau cyllid

13. pif nodweddion perthynas weithio effeithiol gyda ffynonellau cyllid a sut i gynnal a meithrin y berthynas hon

14. y materion moesegol sy'n gysylltiedig â negodi nawdd a mathau eraill o gyllid

Gwybodaeth a dealltwriaeth sy'n benodol i'r diwydiant/sector

** 

15. y prif fathau o ddigwyddiadau a gynhelir yn eich sector

16. gofynion a chwmpas nodweddiadol digwyddiadau yn eich sector, gan gynnwys gofynion cyfreithiol a rheoliadol

17. y ffynonellau cyllid nodweddiadol a geir yn eich sector

18. pam y gall fod angen i chi ystyried anghenion amlieithyddol

19. y materion a'r cyfleoedd sy'n ymwneud â chynaliadwyedd

Gwybodaeth a dealltwriaeth sy'n benodol i'r cyd-destun

*  
*

20.   hyd a lled eich cyfrifoldebau chi am gyllido

21.   sut mae'ch rôl yn cysylltu â rolau pobl eraill yn eich sefydliad

22.   prif gyfrifoldebau cydweithwyr yr ydych yn gweithio gyda nhw wrth i chi ganfod a sicrhau ffynonellau cyllid

1. Rydych yn llunio ac yn adnabod datrysiadau dychmygus ac arloesol
2. Rydych yn canfod a gweithio gyda phobl a sefydliadau all ddarparu cefnogaeth i'ch digwyddiad
3. Rydych yn chwilio am gyfleoedd busnes newydd ac yn gweithredu arnynt
4. Rydych yn cydbwyso risgiau yn erbyn y buddion a all darddu o gymryd risgiau
5. Rydych yn adnabod ac yn achub ar gyfleoedd anarferol i gael adnoddau
6. Rydych yn cytuno'n glir ar yr hyn a ddisgwylir gan eraill ac yn eu dal i gyfrif
7. Rydych yn dangos sensitifrwydd i anghenion a buddiannau rhanddeiliaid ac yn eu rheoli'n effeithiol
8. Rydych yn creu ymdeimlad o bwrpas cyffredin
9. Rydych yn nodi'n glir y gwerth a'r buddion y bydd ffordd arfaethedig o weithredu'n eu creu i bobl
10. Rydych yn defnyddio amrywiaeth o strategaethau a thactegau dilys i ddylanwadu ar bobl
11. Rydych yn gweithio tuag at sefyllfaoedd lle mae pawb ar ei ennill
12. Rydych yn adnabod materion a chyfleoedd sy'n ymwneud â chynaliadwyedd ac yn cymryd camau priodol

Rhestrir isod y prif 'sgiliau' generig y mae angen eu cymhwyso yn y Safon Alwedigaethol Genedlaethol hon. Mae'r sgiliau hyn yn echblyg / ymhlyg yng nghynnwys manwl y Safon a chânt eu rhestru yma fel gwybodaeth ychwanegol.

1. Trefnu gwybodaeth
2. Ymchwilio
3. Gwerthuso
4. Dadansoddi a rheoli risg
5. Darbwyllo
6. Negodi
7. Monitro
8. Meithrin perthnasoedd
9. Craffter busnes

Diffinnir cynaliadwyedd fel ymagwedd barhaus a chytbwys at weithgarwch economaidd, cyfrifoldeb amgylcheddol ac ymwybyddiaeth gymdeithasol.

Mae'r Safon hon yn gysylltiedig â Safonau: 
A1   Datblygu a chytuno ar y cysyniad ar gyfer digwyddiad
B1   Datblygu dealltwriaeth o'ch marchnadoedd a'ch cwsmeriaid
B2   Datblygu strategaeth a chynllun i farchnata ymgyrchoedd neu weithgareddau
F13  Datblygu a chytuno ar gynllun busnes ar gyfer digwyddiad
F15  Rheoli'r defnydd o adnoddau ariannol
yng nghyfres gyffredinol y Safonau Galwedigaethol Cenedlaethol ar gyfer Digwyddiadau