Datblygu a chyflwyno bwydlen sy’n bodloni safonau sefydliadol a thargedau ariannol

Mae’r safon hon yn ymwneud â chynllunio a datblygu bwydlen sy’n gyson â’r gwasanaeth sy’n cael ei gynnig gan y sefydliad. Mae’n rhaid i’r fwydlen fod yn addas i anghenion cwsmeriaid presennol a marchnad targed y sefydliad, a bodloni targedau ariannol, hefyd. Nod y safon yw sicrhau bod y bobl sy’n gyfrifol yn y pen draw am ddarparu bwydlen, yn cydbwyso costau ac ansawdd, ac yn bodloni profiad bwyta’r cwsmer.

Pan fyddwch chi wedi cwblhau’r safon hon, byddwch chi’n gallu dangos eich gwybodaeth a’ch dealltwriaeth o’r canlynol, a’ch gallu i:
• Ddatblygu a chyflwyno bwydlen sy’n bodloni safonau sefydliadol a thargedau ariannol

1. Casglu gwybodaeth am ofynion cwsmeriaid o amrywiaeth o ffynonellau
2. Ystyried sgiliau, profiad ac anghenion hyfforddiant staff wrth gynllunio bwydlenni
3. Cynllunio bwydlenni yn unol â’r cyfarpar a’r cyfleusterau sydd ar gael
4. Cynllunio datblygiad bwydlenni yn y dyfodol yn unol â chynlluniau busnes y sefydliad
5. Ymgynghori â phobl berthnasol o fewn y sefydliad
6. Llunio bwydlen sy’n ymarferol yn logistaidd o ran amserau paratoi a phrotocolau’r gegin
7. Ystyried ffynonellau cynnyrch a sicrhau bod y cyflenwad yn gyson â chynllun y fwydlen
8. Ystyried y cwsmeriaid, y gofynion dietegol a’r anghenion ariannol wrth ddatblygu bwydlenni
9. Dod o hyd i’r cynnyrch y mae ei angen am bris sy’n caniatáu’r meintiau elw gorau
10. Cael y cynnyrch y mae ei angen o ffynonellau gwarantedig sy’n bodloni safonau ansawdd y sefydliad
11. Defnyddio cynnyrch tymhorol lleol, lle bo’n bosibl ac yn briodol
12. Cynnwys cyfuniadau o ryseitiau sy’n cydymffurfio ag arddull gwasanaeth y sefydliad a chynhyrchu bwydlen gytbwys, gan sicrhau eu bod yn greadigol ac yn llawn dychymyg
13. Cadw cofnodion cywir o’r holl fwydlenni a ddatblygir
14. Sicrhau bod disgrifiadau’r fwydlen yn gyson â gofynion cyfreithiol
15. Adolygu a diweddaru’r fwydlen yn rheolaidd
16. Datblygu seigiau a bwydlenni sy’n addas ar gyfer gwahanol ddigwyddiadau
17. Cynhyrchu’r fwydlen gywir ar gyfer faint o fwyd fydd yn cael ei gynhyrchu
18. Ystyried cyfyngiadau’r tymhorau a’r effaith ar gostau yng nghyfrifiadau’r fwydlen
19. Cyfrifo cyfrannau’r brif elfen o gymharu â chyfwydydd mewn seigiau a’r gost o’u lluosogi â rhifau amrywiol, yn ôl y gwasanaeth
20. Cyfrifo’r cymysgedd gwerthiannau a chydbwysedd y pris a chynigion
21. Casglu gwybodaeth am y prif ffynonellau refeniw ar gyfer y fwydlen
22. Costio’r defnydd o egni a chynhyrchu bwyd yn gynaliadwy
23. Cyfrifo cymarebau cost i faint yr elw yn unol â pholisi sefydliadol
24. Cyfrifo cymarebau staffio
25. Defnyddio costau i brisio seigiau yn gywir

1. Egwyddorion datblygu, treialu a phrofi ryseitiau newydd
2. Polisi’r sefydliad ar gostau ac arddull y fwydlen
3. Deddfwriaeth berthnasol, ystyriaethau dietegol a gofynion iechyd, diogelwch a hylendid
4. Sut i gasglu gwybodaeth sy’n berthnasol i gynllunio bwydlenni
5. Sut i asesu bod bwydlenni yn cydymffurfio â pholisi sefydliadol a deddfwriaeth
6. Marchnad darged y sefydliad a’u gofynion
7. Gwahanol seigiau a bwydlenni sy’n addas ar gyfer fformatau gwasanaeth gwahanol
8. Sut i gydbwyso bwydlenni
9. Sut i ddefnyddio adnoddau’n effeithiol
10. Sut i ddod o hyd i ganllawiau maethol priodol
11. Sut i ddadansoddi cyfansoddiad maethol bwydlenni
12. Sut i fonitro, adolygu a gwerthuso bwydlenni
13. Sut i gael yr adnoddau ar gyfer syniadau newydd i fwydlenni
14. Gweithdrefnau prynu’r sefydliad ar gyfer cynnyrch
15. Sut i gostio seigiau a bwydlenni
16. Polisi’r sefydliad ar gynaliadwyedd
17. Costau defnyddio, costau cyfarpar a refeniw o ffynonellau amrywiol
18. Sut i ddelio â chyflenwyr a’u rheoli
19. Y tueddiadau diweddaraf a dewisiadau cwsmeriaid
20. Effaith newidiadau ehangach yn yr economi, yr hinsawdd economaidd gyfredol a’i heffaith bosibl
21. Cwmpas a chyfyngiadau cyfarpar sydd ar gael
22. Pris presennol cynnyrch ar y farchnad

1. Gofynion dietegol
1.1 cydbwysedd maethol
1.2 meddygol
1.3 alergenau
1.4 crefyddol
1.5 fegan / llysieuol
1.6 diwylliannol

2. Adnoddau
2.1 staff
2.2 cyfarpar
2.3 cyflenwadau
2.4 cyfleusterau
2.5 amser
2.6 arian
2.7 rheoli gwastraff

3. Digwyddiadau
3.1 cynadleddau
3.2 priodasau
3.3 digwyddiadau bwyd moethus

4. Bwydlenni
4.1 brecwast
4.2 cinio
4.3 swper
4.4 te prynhawn
4.5 byrbryd
4.6 bwydlenni digwyddiadau / digwyddiadau arbennig

5. Gwybodaeth am gostau
5.1 cymarebau cost i elw
5.2 ffigurau refeniw
5.3 costau egni
5.4 costau staffio

6. Gwybodaeth sy’n berthnasol i gynllunio bwydlenni
6.1 data cwsmeriaid
6.2 ffigurau refeniw

Ffynonellau data sydd ar gael
Er enghraifft: gwerthiannau, eitemau poblogaidd ac arloesol ar y fwydlen, ffynonellau ryseitiau eraill, amgyffredion cwsmeriaid neu arolygon boddhad

Ffynonellau cynnyrch
Er enghraifft: cyflenwyr ansawdd cymeradwy, cyflenwyr eraill, tarddiad, stampiau ansawdd, ystod y cynnyrch derbyniol, bwyd tymhorol, bwyd wedi’i chwilota

Cynaliadwyedd
Ôl troed carbon, proses foesegol foesol yn gysylltiedig â’r gadwyn gyflenwi, gofynion dietegol diwylliannol