Rheoli diogelwch bwyd mewn cegin broffesiynol

Mae’r safon hon yn ymwneud â deall rheoliadau diogelwch bwyd a rôl archwiliadau diogelwch bwyd wrth sicrhau bod diogelwch bwyd yn cael ei gynnal. Mae hyn yn cynnwys deall y ddogfennaeth y mae ei hangen a chymhwyso gweithdrefnau arolygu ac archwilio yn ymarferol i sicrhau bod safonau’n cael eu bodloni.

Bydd angen i chi ddeall rôl systemau rheoli diogelwch bwyd, fel HACCP (Dadansoddi Peryglon a Phwynt Rheoli Critigol), a sut gallant gael eu cymhwyso’n effeithiol i sicrhau diogelwch bwyd. Argymhellir y safon i uwch gogyddion sydd â chyfrifoldeb rheolwr am dîm gweithredol.

Pan fyddwch chi wedi cwblhau’r safon hon, byddwch chi wedi dangos eich dealltwriaeth o’r canlynol, a’ch gallu i:
• Reoli diogelwch bwyd mewn cegin broffesiynol

1. Sicrhau bod systemau rheoli diogelwch bwyd yn cydymffurfio â gofynion deddfwriaethol perthnasol
2. Neilltuo rolau a chyfrifoldebau rheoli diogelwch bwyd i staff
3. Neilltuo adnoddau priodol i sicrhau bod systemau rheoli diogelwch bwyd yn cael eu cynnal yn effeithiol
4. Hyfforddi a briffio staff ar sut i weithio’n ddiogel a chadw cofnodion hyfforddi cywir, cyfredol
5. Dadansoddi risgiau peryglon microbaidd, ffisegol, cemegol ac alergenig i ddiogelwch bwyd mewn sefydliad
6. Cyfleu gwybodaeth rheoli diogelwch bwyd i staff, ymwelwyr a chyflenwyr
7. Gweithredu’r camau rheoli sy’n ofynnol i reoli diogelwch bwyd yn unol â gofynion sefydliadol
8. Monitro a chofnodi peryglon diogelwch bwyd a sicrhau bod camau cywirol priodol yn cael eu cymryd
9. Monitro hylendid staff a’u bod yn cydymffurfio â gweithdrefnau
10. Defnyddio adolygiadau, adborth gan staff ac archwiliadau i werthuso effeithiolrwydd gweithdrefnau rheoli diogelwch bwyd

1. Gofynion allweddol, gan gynnwys pwyntiau rheoli critigol a therfynau critigol, gweithdrefnau rheoli diogelwch bwyd y sefydliad
2. Rôl systemau rheoli diogelwch bwyd yn seiliedig ar egwyddorion HACCP wrth ddiogelu bwyd a sut mae HACCP yn berthnasol i sefydliad
3. Rolau, cyfrifoldebau a lefelau awdurdod disgwyliedig aelodau o dîm rheoli diogelwch bwyd
4. Yr effaith y gall diwylliant diogelwch cadarnhaol ei chael ar weithredu arferion gweithio diogel yn effeithiol
5. Galluoedd a chyfyngiadau aelodau tîm a’r effaith y gall hyn ei chael ar ddiogelwch bwyd
6. Y dulliau sefydliadol a ddefnyddir i hyfforddi ac asesu cymhwysedd aelodau tîm
7. Y mathau o weithgarwch hyfforddi a datblygu y gellir eu defnyddio i fynd i’r afael â phroblemau’n gysylltiedig â diogelwch bwyd
8. Y gwahaniaethau rhwng amrywiol lefelau cymhwyster a hyfforddiant o ran diogelwch bwyd a beth mae’r rhain yn ei nodi o ran sgiliau a gwybodaeth unigolion
9. Gofynion hylendid personol a’u gweithredu
10. Glanhau a chynnal a chadw gofynnol cyfarpar a’r amgylchedd
11. Amodau gwaith ac amgylcheddol allweddol a all achosi bygythiad i ddiogelwch bwyd
12. Dulliau cywir o wahanu, storio a gwaredu gwastraff a chynhyrchion / seigiau sydd wedi’u difrodi neu eu halogi
13. Camau ataliol o ran rheoli lledaeniad neu gynnydd yn halogiad neu draws-halogiad cynhyrchion
14. Ffynonellau a mathau o halogiad a thraws-halogiad cynhyrchion, dirywiad cynnyrch a chynhyrchion sydd wedi difetha, a sut i’w hadnabod
15. Dulliau o fonitro a gwirio cydymffurfiad â therfynau critigol a sut i weithredu’r dulliau hyn
16. Buddion a dulliau gweithdrefnau gweithredu safonol (SOPs) ac arferion gweithio penodedig i ddiogelwch bwyd
17. Defnyddio archwiliadau wrth fonitro cydymffurfio â SOPs
18. Camau cywirol os na fydd cydymffurfio â therfynau critigol
19. Sut i asesu gofynion am gymorth, gwybodaeth a chyngor ychwanegol
20. O ble y gellir ceisio gwybodaeth ddibynadwy a chyfredol i helpu llywio rhoi camau diogelwch bwyd ar waith