Paratoi pysgod cregyn ar gyfer seigiau cymhleth

Mae’r safon hon yn ymwneud â pharatoi pysgod cregyn ffres ar gyfer seigiau cymhleth. Mae’r safon yn ymwneud ag amrywiaeth o ddulliau paratoi, a chramenogion a molysgiaid.

Mae’r safon hon yn canolbwyntio ar y wybodaeth a’r sgiliau technegol y mae eu hangen i baratoi pysgod cregyn ar gyfer seigiau cymhleth; fodd bynnag, dylid ei hasesu yng nghyd-destun ehangach arferion gweithio diogel a hylan. Argymhellir cyfeirio at yr NOS canlynol, a ddewisir am eu bod yn briodol i’r rôl ac i’r sefydliad, ar y cyd â’r sgiliau a’r wybodaeth dechnegol ar gyfer y safon:
• Cynnal diogelwch bwyd mewn amgylchedd cegin
• Cymhwyso a monitro gweithdrefnau rheoli diogelwch bwyd mewn lletygarwch
• Rheoli diogelwch bwyd mewn cegin broffesiynol
• Lleihau risg alergenau i gwsmeriaid

Pan fyddwch chi wedi cwblhau’r safon hon, byddwch chi’n gallu dangos eich dealltwriaeth o’r canlynol, a’ch gallu i:
• Baratoi pysgod cregyn ar gyfer seigiau cymhleth

1. Dewis y math o bysgod cregyn a faint sydd eu hangen i’w paratoi
2. Gwirio bod y pysgod cregyn yn bodloni gofynion ansawdd a gofynion eraill
3. Dewis yr offer, y cyllyll a’r cyfarpar cywir sy’n ofynnol i baratoi’r pysgod cregyn
4. Defnyddio’r offer, y cyllyll a’r cyfarpar yn gywir wrth baratoi’r pysgod cregyn
5. Paratoi’r pysgod cregyn i gynnal ansawdd ac i fodloni gofynion y saig
6. Storio unrhyw bysgod cregyn a baratowyd na fyddant yn cael eu defnyddio ar unwaith yn unol â rheoliadau diogelwch bwyd

1. Prif nodweddion gwahanol fathau o bysgod cregyn
2. Pa bwyntiau ansawdd i chwilio amdanynt mewn pysgod cregyn ffres
3. Beth ddylech ei wneud os bydd problemau gyda’r pysgod cregyn neu gynhwysion eraill
4. Sut i adnabod pysgod cregyn byw
5. Sut i ddewis y math cywir o bysgod cregyn, eu hansawdd a faint sydd eu hangen i fodloni gofynion y saig
6. Dulliau paratoi addas ar gyfer pob math o bysgod cregyn
7. Y gyfran fras a geir o bysgod cregyn wedi’u paratoi
8. Sut i reoli dognau i leihau gwastraff
9. Dulliau paratoi ar gyfer gwahanol seigiau pysgod cregyn cymhleth
10. Y tueddiadau presennol yn gysylltiedig â pharatoi seigiau pysgod cregyn cymhleth
11. Beth yw’r technegau, yr offer, y cyllyll a’r cyfarpar cywir a’r rhesymau dros eu defnyddio wrth gyflawni’r dulliau paratoi gofynnol
12. Sut i storio pysgod cregyn wedi’u paratoi
13. Opsiynau bwyta’n iach wrth baratoi pysgod cregyn ar gyfer seigiau cymhleth

1. Pysgod cregyn
13.1 cramenogion
13.2 molysgiaid
13.3 seffapolod

2. Dulliau paratoi
2.1 glanhau
2.2 agor/tynnu’r gragen
2.3 golchi
2.4 marinadu
2.5 caenu
2.6 blendio
2.7 torri