Paratoi, coginio a gorffen pwdinau poeth cymhleth

Mae’r safon hon yn ymwneud â pharatoi, coginio a gorffen pwdinau poeth cymhleth, er enghraifft:
• soufflés poeth
• pwdinau crwst
• pwdinau ffrwyth
• pwdinau sbwnj

Mae’r safon yn ymwneud ag amrywiaeth o dechnegau paratoi, coginio a gorffen sy’n gysylltiedig â phwdinau poeth cymhleth.

Mae’r safon hon yn canolbwyntio ar y wybodaeth a’r sgiliau technegol y mae eu hangen i baratoi, coginio a gorffen pwdinau poeth cymhleth; fodd bynnag, dylid ei hasesu yng nghyd-destun ehangach arferion gweithio diogel a hylan. Argymhellir cyfeirio at yr NOS canlynol, a ddewisir am eu bod yn briodol i’r rôl ac i’r sefydliad, ar y cyd â’r sgiliau a’r wybodaeth dechnegol ar gyfer y safon:
• Cynnal diogelwch bwyd mewn amgylchedd cegin
• Cymhwyso a monitro gweithdrefnau rheoli diogelwch bwyd mewn lletygarwch
• Rheoli diogelwch bwyd mewn cegin broffesiynol
• Lleihau risg alergenau i gwsmeriaid

Pan fyddwch chi wedi cwblhau’r safon hon, byddwch chi’n gallu dangos eich dealltwriaeth o’r canlynol, a’ch gallu i:
• Baratoi, coginio a gorffen pwdinau poeth cymhleth

1. Dewis y math o gynhwysion a faint sydd eu hangen ar gyfer y pwdin
2. Gwirio’r cynhwysion i sicrhau eu bod yn bodloni safonau ansawdd a gofynion eraill
3. Dewis yr offer, y cyllyll a’r cyfarpar cywir i baratoi, coginio a gorffen y saig
4. Defnyddio offer, cyllyll a chyfarpar yn gywir wrth baratoi, coginio a gorffen y saig
5. Paratoi a choginio’r cynhwysion i fodloni gofynion
6. Sicrhau bod gan y pwdin y lliw, yr ansawdd a’r gorffeniad cywir
7. Gorffen a chyflwyno’r pwdin i fodloni gofynion
8. Sicrhau bod y pwdin ar y tymheredd cywir i’w ddal a’i weini
9. Storio unrhyw bwdin na fydd yn cael ei ddefnyddio ar unwaith yn unol â rheoliadau diogelwch bwyd

1. Gwahanol fathau o bwdinau poeth cymhleth a’u nodweddion
2. Sut i ddewis y math cywir o gynhwysion, eu hansawdd a faint sydd eu hangen i fodloni gofynion y saig
3. Pa bwyntiau ansawdd i chwilio amdanynt yng nghynhwysion y saig
4. Beth ddylech ei wneud os bydd problemau gyda’r cynhwysion
5. Sut i reoli dognau a lleihau gwastraff
6. Y dulliau paratoi priodol ar gyfer gwahanol bwdinau poeth cymhleth
7. Effeithiau amrywiol dymereddau a lleithder ar y cynhwysion a ddefnyddir
8. Beth yw’r offer, y cyllyll a’r cyfarpar cywir i gyflawni’r dulliau paratoi, coginio a gorffen gofynnol
9. Sut i gyflawni pob un o’r dulliau paratoi, coginio a gorffen unol â gofynion y saig
10. Pam mae’n bwysig defnyddio’r offer, y cyllyll, y cyfarpar a’r technegau cywir wrth baratoi, coginio a gorffen pwdinau poeth cymhleth
11. Problemau cyffredin a all ddigwydd wrth baratoi pwdinau poeth a sut i’w lleihau a’u cywiro
12. Pa ddulliau paratoi, coginio a gorffen sy’n gysylltiedig â phob math o bwdin poeth cymhleth
13. Beth yw’r pwyntiau ansawdd sy’n gysylltiedig â’r cynnyrch terfynol
14. Y mathau o broblemau a all ddigwydd wrth goginio pwdinau poeth a sut i ddelio â’r rhain yn gywir
15. Tueddiadau presennol yn gysylltiedig â phwdinau poeth
16. Opsiynau bwyta’n iach wrth baratoi a choginio pwdinau poeth cymhleth

1. Pwdinau
16.1 soufflés poeth
16.2 crwst
16.3 ffrwyth
16.4 sbwnj

2. Dulliau paratoi
2.1 hufennu
2.2 plygu
2.3 awyru
2.4 defnyddio mowldiau
2.5 ychwanegu braster
2.6 gwahanu / cyfuno lliwiau / blasau / cynhwysion

3. Dulliau coginio
3.1 stemio
3.2 ffrio dwfn
3.3 bain-marie
3.4 pobi

4. Dulliau gorffen
4.1 coginio crwst ar ben y pwdin
4.2 oeri
4.3 peipio
4.4 tynnu o fowldiau
4.5 sgleinio
4.6 rhannu’n ddognau