Paratoi, coginio a gorffen sawsiau poeth cymhleth

Mae’r safon hon yn ymwneud â pharatoi, coginio a gorffen sawsiau poeth cymhleth, er enghraifft:
• sawsiau menyn cyfansawdd
• sawsiau eraill sy’n dechrau gyda roux (er enghraifft, beurre manié neu roux oer)
• sawsiau emwlsiwn (er enghraifft, beurre blanc neu hollandaise)
• sawsiau wedi’u tewychu â hufen
• deilliannau sawsiau gwyn / brown
• sawsiau wedi’u lleihau

Mae’r safon yn ymwneud ag amrywiaeth o dechnegau paratoi, coginio a gorffen sy’n gysylltiedig â sawsiau poeth cymhleth.

Mae’r safon hon yn canolbwyntio ar y wybodaeth a’r sgiliau technegol y mae eu hangen i baratoi, coginio a gorffen sawsiau poeth cymhleth; fodd bynnag, dylid ei hasesu yng nghyd-destun ehangach arferion gweithio diogel a hylan. Argymhellir cyfeirio at yr NOS canlynol, a ddewisir am eu bod yn briodol i’r rôl ac i’r sefydliad, ar y cyd â’r sgiliau a’r wybodaeth dechnegol ar gyfer y safon:
• Cynnal diogelwch bwyd mewn amgylchedd cegin
• Cymhwyso a monitro gweithdrefnau rheoli diogelwch bwyd mewn lletygarwch
• Rheoli diogelwch bwyd mewn cegin broffesiynol
• Lleihau risg alergenau i gwsmeriaid

Pan fyddwch chi wedi cwblhau’r safon hon, byddwch chi’n gallu dangos eich dealltwriaeth o’r canlynol, a’ch gallu i:
• Baratoi, coginio a gorffen sawsiau poeth cymhleth

1. Dewis y math o gynhwysion a faint sydd eu hangen i’w paratoi
2. Gwirio’r cynhwysion i sicrhau eu bod yn bodloni safonau ansawdd a gofynion eraill
3. Dewis yr offer, y cyllyll a’r cyfarpar cywir sy’n ofynnol i baratoi, coginio a gorffen y saws
4. Defnyddio’r offer, y cyllyll a’r cyfarpar yn gywir wrth baratoi, coginio a gorffen y saws
5. Cyfuno’r cynhwysion yn unol â gofynion y saig
6. Paratoi a choginio’r saws i fodloni gofynion
7. Sicrhau bod gan y saws y blas, y lliw a’r tewychedd cywir, a bod ei faint yn gywir
8. Cyflwyno’r saws i fodloni gofynion
9. Sicrhau bod y saig ar y tymheredd cywir i’w dal a’i gweini
10. Storio unrhyw saws wedi’i goginio na fydd yn cael ei ddefnyddio ar unwaith yn unol â rheoliadau diogelwch bwyd

1. Gwahanol fathau o sawsiau poeth cymhleth a’u nodweddion
2. Y defnydd diogel o alcohol mewn sawsiau a pham mae’n cael ei ddefnyddio
3. Sut i ddewis y math cywir o gynhwysion, eu hansawdd a faint sydd eu hangen i fodloni gofynion y saws
4. Pa bwyntiau ansawdd i chwilio amdanynt mewn cynhwysion sawsiau
5. Beth ddylech ei wneud os bydd problemau gyda’r cynhwysion
6. Beth yw’r offer, y cyllyll a’r cyfarpar cywir i gyflawni’r dulliau paratoi, coginio a gorffen gofynnol
7. Sut i gyflawni pob un o’r dulliau paratoi, coginio a gorffen yn unol â gofynion y saws
8. Pam mae’n bwysig defnyddio’r technegau, yr offer, y cyllyll a’r cyfarpar cywir wrth baratoi, coginio a gorffen sawsiau poeth cymhleth
9. Y tymereddau cywir ar gyfer coginio sawsiau poeth cymhleth a pham mae’r tymereddau hyn yn bwysig
10. Camgymeriadau cyffredin mewn sawsiau cymhleth a sut i’w lleihau a’u cywiro
11. Tueddiadau presennol yn gysylltiedig â sawsiau poeth cymhleth
12. Sut i adnabod pan fydd gan sawsiau’r lliw, y blas, y tewychedd a’r gorffeniad cywir, a bod y maint yn gywir
13. Sut i addasu blas sawsiau, stociau, grefi a sgleiniau cymhleth
14. Sut i gydbwyso blas, ansawdd, lliw, tewychedd a safon y saig derfynol gyda’r saws
15. Y cyfwydydd a’r garnisiau priodol ar gyfer gwahanol sawsiau cymhleth
16. Pa bwyntiau ansawdd sy’n gysylltiedig â sawsiau poeth cymhleth
17. Y tymereddau cywir ar gyfer dal a gweini sawsiau
18. Sut i storio sawsiau wedi’u coginio na fyddant yn cael eu defnyddio ar unwaith
19. Opsiynau bwyta’n iach wrth baratoi, coginio a gorffen sawsiau poeth cymhleth

1. Dulliau paratoi, coginio a gorffen
   19.1 pwyso / mesur
   19.2 torri
   19.3 mudferwi
   19.4 lleihau
   19.5 berwi
   19.6 gwneud roux
   19.7 rhoi trwy liain / hidlo / blendio
   19.8 sgimio
   19.9 chwisgo
   19.10 ychwanegu hufen
   19.11 ychwanegu tewychydd
   19.12 purée