Cymhwyso a monitro gweithdrefnau rheoli diogelwch bwyd mewn arlwyo a lletygarwch

Mae’r safon hon yn ymwneud â chymhwyso a monitro gweithdrefnau rheoli diogelwch bwyd mewn amgylchedd arlwyo. Mae’n ymwneud â’r wybodaeth a’r sgiliau y mae ar weithwyr yn y sector lletygarwch eu hangen yn gysylltiedig â’r rheoliadau perthnasol sy’n gosod y gofyniad cyfreithiol bod gan bob busnes sy’n delio â bwyd Systemau Rheoli Diogelwch Bwyd wedi’u gwreiddio yn eu systemau gweithredu a rheoli.

Mae’r safon hon yn berthnasol i’r goruchwylwyr a’r rheolwyr hynny sy’n gweithio mewn busnesau arlwyo a lletygarwch.

Pan fyddwch chi wedi cwblhau’r safon hon, byddwch chi wedi dangos eich dealltwriaeth o’r canlynol, a’ch gallu i:
• Gymhwyso a monitro gweithdrefnau rheoli diogelwch bwyd mewn arlwyo a lletygarwch

1. Nodi peryglon diogelwch bwyd perthnasol a chamau rheoli priodol
2. Neilltuo a goruchwylio cyfrifoldebau diogelwch bwyd
3. Nodi a bodloni anghenion hyfforddiant a datblygiad staff
4. Sicrhau bod yr holl gamau rheoli gweithredol penodedig wedi’u cwblhau yn unol â gweithdrefnau rheoli diogelwch bwyd
5. Cadw cofnodion cywir a chyflawn o wiriadau yn unol â gweithdrefnau rheoli diogelwch bwyd
6. Cymryd camau cywirol priodol gyda’r brys priodol pan fydd camau rheoli yn methu
7. Rhoi gwybod i’r person priodol am unrhyw weithdrefnau nad ydynt yn cydymffurfio â chamau rheoli
8. Ceisio cyngor a chymorth arbenigol ar gyfer materion sydd y tu hwnt i lefel eich awdurdod neu’ch arbenigedd
9. Argymell addasiadau i weithdrefnau rheoli diogelwch bwyd yn unol â newidiadau mewn anghenion sefydliadol

1. Pwysigrwydd cael gweithdrefnau diogelwch bwyd a’r mathau o beryglon diogelwch bwyd
2. Beth yw camau rheoli, gan gynnwys pwyntiau rheoli critigol
3. Eich cyfrifoldebau o dan weithdrefnau rheoli diogelwch bwyd eich sefydliad, gan gynnwys y pwyntiau rheoli critigol sy’n gysylltiedig â’ch gweithgareddau gwaith chi
4. Sut i gyfleu cyfrifoldebau am weithdrefnau rheoli diogelwch bwyd i gydweithwyr a sicrhau eu bod yn deall y gweithdrefnau
5. Sut i sicrhau bod staff yn cael hyfforddiant priodol i fodloni eu cyfrifoldebau diogelwch bwyd
6. Effaith goddefiant adeg pwyntiau rheoli critigol ac adeg pwyntiau rheoli ar ddiogelwch bwyd ac ar eich sefydliad
7. Y mathau o wiriadau y dylech eu cyflawni, a pha mor aml, i reoli diogelwch bwyd o fewn eich gweithgareddau gwaith
8. Y gweithdrefnau adrodd pan fydd camau rheoli yn methu
9. Y cofnodion y mae eu hangen ar gyfer rheoli diogelwch bwyd, a sut i’w cynnal
10. Pwysigrwydd ‘y gallu i olrhain’ a pham mae’n bwysig i ddiogelwch bwyd
11. Y mathau o gamau cywirol i reoli peryglon diogelwch bwyd, a’u dulliau
12. Beth yw gwelliant parhaus a pham mae’n bwysig er mwyn cyfrannu at y broses wella
13. Deddfwriaeth ar ddiogelwch bwyd yn y maes rydych chi’n gyfrifol amdano
14. Ffynonellau gwybodaeth am ddeddfwriaeth diogelwch bwyd
15. Sut dylid delio â swyddogion gorfodi
16. Gweithdrefnau sefydliadol yn gysylltiedig â diogelwch bwyd

Camau rheoli: y camau sy’n ofynnol i atal neu waredu perygl diogelwch bwyd, neu i’w ostwng i lefel dderbyniol

Pwynt rheoli: cam allweddol yn y gadwyn fwyd pryd dylid cymryd camau priodol i atal perygl diogelwch bwyd neu i ostwng y risg gysylltiedig

Camau cywirol: y camau i’w cymryd pan fydd terfyn critigol yn cael ei dorri

Pwynt rheoli critigol: cam allweddol yn y gadwn fwyd pryd dylid cymryd camau priodol i atal perygl diogelwch bwyd neu i ostwng y risg gysylltiedig

Peryglon diogelwch bwyd: rhywbeth a all achosi niwed i’r defnyddiwr a gall fod yn:
• ficrobiolegol (er enghraifft, bacteria, llwydni, firysau)
• cemegol (er enghraifft, plaleiddiaid a ddefnyddir ar ffrwythau a llysiau, cemegolion a ddefnyddir wrth lanhau neu i reoli plâu)
• ffisegol (er enghraifft, pryfed, parasitiaid, gwydr)
• alergenig (er enghraifft, cnau, llaeth, wyau)

Gweithdrefnau rheoli diogelwch bwyd: y polisïau, yr arferion, y camau rheoli a’r ddogfennaeth sy’n sicrhau bod bwyd yn ddiogel i ddefnyddwyr, e.e. Dadansoddi Peryglon a Phwyntiau Rheoli Critigol (HACCP).

Gweithdrefnau: cyfres o gamau neu gyfarwyddiadau clir ar sut i wneud pethau; rheolau. Mae rhai cwmnïau’n cofnodi eu gweithdrefnau yn ffurfiol yn ysgrifenedig, mae gan eraill weithdrefnau y mae'r holl staff yn eu deall a’u dilyn, ond nad oes cofnod ysgrifenedig ohonynt.

Goddefiant: y gwahaniaeth rhwng y terfynau arfaethedig neu’r terfynau safonol a ganiateir a’r gwerthoedd gwirioneddol sy’n cael eu monitro