Cynhyrchu seigiau pasta sylfaenol

Mae’r safon hon yn ymwneud â chynhyrchu, coginio / adfywio a gorffen seigiau pasta sylfaenol. Mae’n delio â sut byddech chi’n paratoi’r saig yn ddiogel, dulliau coginio / adfywio priodol, gan gynnwys berwi a phobi, a sgiliau gorffen a chyflwyno e.e. garneisio.

Mae’r safon hon yn canolbwyntio ar y wybodaeth a’r sgiliau technegol y mae eu hangen i gynhyrchu seigiau pasta sylfaenol; fodd bynnag, dylid ei hasesu yng nghyd-destun ehangach arferion gweithio diogel a hylan. Argymhellir cyfeirio at yr NOS canlynol, a ddewisir am eu bod yn briodol i’r rôl ac i’r sefydliad, ar y cyd â’r sgiliau a’r wybodaeth dechnegol ar gyfer y safon:
• Cynnal diogelwch bwyd sylfaenol mewn arlwyo
• Cynnal diogelwch bwyd mewn amgylchedd cegin
• Rhoi cyngor sylfaenol ar alergenau i gwsmeriaid
• Lleihau risg alergenau i gwsmeriaid

Pan fyddwch chi wedi cwblhau’r safon hon, byddwch chi’n gallu dangos eich dealltwriaeth o’r canlynol, a’ch gallu i:
• Gynhyrchu seigiau pasta sylfaenol

1. Sicrhau bod yr ardal baratoi yn lân, heb ddifrod ac yn barod i’w defnyddio yn unol â gweithdrefnau eich gweithle
2. Sicrhau bod y cyfarpar (gan gynnwys cynwysyddion gwastraff) yn lân, yn briodol i’r dasg, heb ddifrod, wedi’i leoli yn y man cywir ac ymlaen yn barod i’w ddefnyddio
3. Gwirio bod yr holl gynhwysion yn bodloni gofynion y saig, diogelwch bwyd a’ch gweithle
4. Paratoi a choginio / adfywio’r cynhwysion i fodloni gofynion y saig
5. Gwirio bod lliw, ansawdd, tewychedd a blas y saig pasta orffenedig yn gywir
6. Gwirio bod y saig yn cael ei choginio / hadfywio a’i dal ar y tymheredd cywir
7. Cyflwyno a gorffen y saig i fodloni gofynion y cwsmer a’ch gweithle
8. Storio unrhyw basta neu seigiau pasta wedi’u coginio na fyddant yn cael eu defnyddio ar unwaith yn unol â gofynion y gweithle a gofynion diogelwch bwyd

1. Arferion gweithio diogel a hylan wrth baratoi, coginio / adfywio, oeri a gorffen seigiau pasta sylfaenol
2. Sut i wirio bod y pasta a’r cynhwysion eraill yn bodloni gofynion eich gweithle a’u bod yn addas i’w defnyddio, a bod eu nifer a’u hansawdd yn gywir
3. Pam dylech chi roi gwybod am unrhyw broblemau gyda’r pasta neu’r cynhwysion eraill, ac i bwy
4. Sut i gyflawni’r dulliau paratoi, coginio / adfywio a gorffen perthnasol ar gyfer pob saig a pha basta sy’n addas ar gyfer pob dull coginio
5. Opsiynau bwyta’n iach wrth baratoi, coginio / adfywio a gorffen seigiau pasta sylfaenol
6. Sut i gyflwyno seigiau pasta sylfaenol mewn ffordd sy’n bodloni gofynion cwsmeriaid a’ch gweithle
7. Y gofynion oeri a storio cywir ar gyfer cynhyrchion pasta sylfaenol na fyddant yn cael eu bwyta ar unwaith
8. Y mathau o broblemau a all ddigwydd wrth baratoi, coginio / adfywio a gorffen cynhyrchion pasta sylfaenol a sut i ddelio â nhw

1. Pasta
1.1 pasta wedi’i lenwi
1.2 pasta wedi’i siapio
1.3 lasagne
1.4 pasta sych
1.5 pasta ffres wedi’i baratoi ymlaen llaw

2. Dulliau paratoi a choginio
2.1 blansio
2.2 hidlo
2.3 cymysgu
2.4 berwi
2.5 pobi
2.6 adfywio (e.e. mewn popty microdon)

3. Dulliau gorffen
3.1 garneisio
3.2 ychwanegu cyfwyd
3.3 cyflwyno