Paratoi, coginio a gorffen seigiau pasta sylfaenol

Mae’r safon hon yn ymwneud â pharatoi, coginio a gorffen seigiau pasta sylfaenol, er enghraifft:
• lasagne (alforno, agored)
• macaroni a chaws
• cannelloni
• spaghetti bolognaise
• ravioli

Mae’r safon yn ymwneud â mathau amrywiol o basta, sych a ffres, a’r technegau paratoi a choginio cysylltiedig.

Mae’r safon hon yn canolbwyntio ar y wybodaeth a’r sgiliau technegol y mae eu hangen i baratoi, coginio a gorffen seigiau pasta sylfaenol; fodd bynnag, dylid ei hasesu yng nghyd-destun ehangach arferion gweithio diogel a hylan. Argymhellir cyfeirio at yr NOS canlynol, a ddewisir am eu bod yn briodol i’r rôl ac i’r sefydliad, ar y cyd â’r sgiliau a’r wybodaeth dechnegol ar gyfer y safon:
• Cynnal diogelwch bwyd sylfaenol mewn arlwyo
• Cynnal diogelwch bwyd mewn amgylchedd cegin
• Rhoi cyngor sylfaenol ar alergenau i gwsmeriaid
• Lleihau risg alergenau i gwsmeriaid

Pan fyddwch chi wedi cwblhau’r safon hon, byddwch chi’n gallu dangos eich dealltwriaeth o’r canlynol, a’ch gallu i:
• Baratoi, coginio a gorffen seigiau pasta sylfaenol

1. Dewis y math o basta a chynhwysion eraill, a faint sydd eu hangen i’w paratoi
2. Gwirio bod y pasta a’r cynhwysion eraill yn bodloni gofynion ansawdd a gofynion eraill
3. Dewis yr offer, y cyllyll a’r cyfarpar cywir sy’n ofynnol i baratoi, coginio a gorffen y saig pasta
4. Defnyddio’r offer, y cyllyll a’r cyfarpar yn gywir wrth baratoi, coginio a gorffen y saig pasta
5. Paratoi’r cynhwysion i fodloni gofynion y pasta
6. Coginio’r cynhwysion i fodloni gofynion y saig pasta
7. Sicrhau bod gan y saig pasta'r blas, y lliw a’r ansawdd cywir, a bod ei maint yn gywir
8. Garneisio a chyflwyno’r saig pasta i fodloni gofynion
9. Sicrhau bod y saig pasta ar y tymheredd cywir i’w dal a’i gweini
10. Storio unrhyw basta a goginiwyd na fydd yn cael ei ddefnyddio ar unwaith yn unol â rheoliadau diogelwch bwyd

1. Gwahanol fathau o seigiau pasta a’u nodweddion
2. Sut i wirio bod y pasta a’r cynhwysion eraill yn bodloni gofynion y saig
3. Pa bwyntiau ansawdd i chwilio amdanynt mewn pasta
4. Pam dylech chi roi gwybod am unrhyw broblemau gyda’r pasta neu gynhwysion eraill, ac i bwy
5. Yr offer a’r cyfarpar cywir ar gyfer y dulliau paratoi a choginio gofynnol
6. Sut i gyflawni pob un o’r dulliau paratoi, coginio a gorffen
7. Pam mae’n bwysig defnyddio’r technegau, yr offer a’r cyfarpar cywir wrth baratoi, coginio a gorffen seigiau pasta
8. Y tymereddau cywir ar gyfer coginio pasta a pham mae’r tymereddau hyn yn bwysig
9. Sut i wirio ac addasu saig pasta i sicrhau bod ganddi’r blas, y lliw a’r ansawdd cywir, a bod ei maint yn gywir
10. Y tymereddau cywir ar gyfer dal a gweini seigiau pasta
11. Y tymereddau a’r gweithdrefnau cywir ar gyfer storio seigiau pasta na fyddant yn cael eu defnyddio ar unwaith
12. Opsiynau bwyta’n iach wrth baratoi, coginio a gorffen seigiau pasta

1. Pasta
   12.1 pasta wedi’i lenwi
   12.2 pasta mewn siâp
   12.3 lasagne
   12.4 pasta sych
   12.5 pasta ffres

2. Dulliau paratoi
2.1 blansio
2.2 hidlo
2.3 cymysgu

3. Dulliau coginio
3.1 berwi
3.2 pobi
3.3 cyfuniad o ddulliau coginio

4. Dulliau Gorffen
4.1 garneisio
4.2 gyda saws
4.3 cyflwyno