Paratoi llysiau ar gyfer seigiau sylfaenol

Mae’r safon hon yn ymwneud â pharatoi llysiau gan ddefnyddio dulliau
paratoi sylfaenol.

Mae’r safon hon yn ymwneud ag amrywiaeth o ddulliau paratoi sy’n gysylltiedig â llysiau, gan gynnwys y toriadau Ffrengig traddodiadol a phob math o lysiau.

Mae’r safon hon yn canolbwyntio ar y wybodaeth a’r sgiliau technegol y mae eu hangen i baratoi llysiau ar gyfer seigiau sylfaenol; fodd bynnag, dylid ei hasesu yng nghyd-destun ehangach arferion gweithio diogel a hylan. Argymhellir cyfeirio at yr NOS canlynol, a ddewisir am eu bod yn briodol i’r rôl ac i’r sefydliad, ar y cyd â’r sgiliau a’r wybodaeth dechnegol ar gyfer y safon:
• Cynnal diogelwch bwyd sylfaenol mewn arlwyo
• Cynnal diogelwch bwyd mewn amgylchedd cegin
• Rhoi cyngor sylfaenol ar alergenau i gwsmeriaid
• Lleihau risg alergenau i gwsmeriaid

Pan fyddwch chi wedi cwblhau’r safon hon, byddwch chi’n gallu dangos eich dealltwriaeth o’r canlynol, a’ch gallu i:
• Baratoi llysiau ar gyfer seigiau sylfaenol

1. Dewis y math o lysiau a faint sydd eu hangen i’w paratoi
2. Gwirio bod y llysiau’n bodloni gofynion ansawdd a gofynion eraill
3. Dewis yr offer, y cyllyll a’r cyfarpar cywir sy’n ofynnol i baratoi’r llysiau
4. Defnyddio’r offer, y cyllyll a’r cyfarpar yn gywir wrth baratoi’r llysiau
5. Paratoi’r lysiau i fodloni gofynion y saig
6. Storio unrhyw lysiau a baratowyd na fyddant yn cael eu defnyddio ar unwaith yn unol â rheoliadau diogelwch bwyd

1. Gwahanol fathau o lysiau a ddefnyddir yn gyffredin a sut i’w hadnabod
2. Sut i wirio bod y llysiau yn bodloni gofynion
3. Pa bwyntiau ansawdd i chwilio amdanynt mewn llysiau ffres
4. Pa wahanol lysiau ffres sydd ar gael yn ystod pob tymor
5. Pam dylech chi roi gwybod am unrhyw broblemau gyda’r llysiau neu gynhwysion eraill, ac i bwy
6. Yr offer, y cyllyll a’r cyfarpar cywir i gyflawni pob dull paratoi
7. Sut i gyflawni pob dull paratoi yn gywir
8. Pam mae’n bwysig defnyddio’r technegau, yr offer, y cyllyll a’r cyfarpar cywir wrth baratoi llysiau
9. Sut i gynnal golwg ac ansawdd llysiau yn ystod eu paratoi
10. Sut i storio llysiau a baratowyd yn gywir
11. Opsiynau bwyta’n iach wrth baratoi llysiau

1. Llysiau
11.1 gwreiddlysiau
11.2 bylbiau
11.3 fflurbennau
11.4 ffyngau
11.5 hadau a chodennau
11.6 cloron
11.7 dail
11.8 coesynnau
11.9 ffrwyth-lysiau

2. Dulliau paratoi
2.1 golchi
2.2 plicio
2.3 ailolchi
2.4 torri
2.5 toriadau Ffrengig traddodiadol:
• Julienne
• Brunoise
• Macédoine
• Jardinière
• Mirepoix
• Paysanne
2.6 sleisio
2.7 trimio
2.8 troi (tournée)
2.9 gratio