Cynnal a delio â thaliadau
Trosolwg
Mae’r safon hon yn ymwneud â chynnal pwynt talu, fel til. Hefyd, mae’n ymwneud â derbyn taliadau gan y cwsmer, gweithio’r til yn gywir a chadw taliadau yn ddiogel.
Pan fyddwch chi wedi cwblhau’r safon hon, byddwch chi wedi dangos eich dealltwriaeth o’r canlynol, a’ch gallu i:
• Gynnal a delio â thaliadau
Meini prawf perfformiad
Mae'n rhaid eich bod chi'n gallu:
- Sicrhau bod eich pwynt talu yn gweithio a bod gennych yr holl ddeunyddiau y mae eu hangen arnoch
- Cynnal y pwynt talu a’i ailgyflenwi, pan fydd angen
- Cofnodi / sganio gwybodaeth i’r pwynt talu yn gywir
- Dweud wrth y cwsmer faint mae’n rhaid iddo dalu
- Cydnabod taliad y cwsmer a’i ddilysu, lle bo angen
- Dilyn y weithdrefn gywir ar gyfer trafodion sglodyn a phin a digyswllt
- Rhoi’r taliad yn y lle cywir yn unol â gweithdrefnau eich sefydliad
- Rhoi’r newid cywir mewn trafodion arian parod
- Cyflawni trafodion yn ddi-oed a rhoi cadarnhad perthnasol i’r cwsmer
- Sicrhau bod cynnwys y pwynt talu ar gael ar gyfer casglu wedi’i awdurdodi, pan ofynnir i chi wneud hynny
- Dilyn gweithdrefnau sefydliadol ar gyfer gorffen a throsglwyddo ar ddiwedd shifft
Gwybodaeth a Dealltwriaeth
You need to know and understand:
- Gofynion cyfreithiol perthnasol ar gyfer gweithredu pwynt talu a derbyn taliadau gan gwsmeriaid
- Gwahanol fathau o gyfarpar a phrosesau talu a ddefnyddir gan sefydliad a dulliau o dalu a dderbynnir
- Gweithdrefnau diogelwch eich sefydliad ar gyfer arian parod a mathau eraill o daliadau
- Sut dylech chi sefydlu eich pwynt talu
- Sut i gael stociau o ddeunyddiau y mae eu hangen arnoch i sefydlu a chynnal y pwynt talu
- Pam mae’n bwysig dweud wrth y cwsmer am unrhyw oedi a sut dylech chi wneud hynny
- Y mathau o broblemau a allai ddigwydd gyda’ch pwynt talu a sut i ddelio â’r rhain
- Y weithdrefn ar gyfer newid rholyn papur y til / peiriant talu
- Y gweithdrefnau cywir ar gyfer delio â thaliadau
- Beth dylech ei wneud os bydd camgymeriadau wrth ddelio â thaliadau
- Y gweithdrefnau ar gyfer delio â dyfeisiau talu sy’n cael eu dal â llaw
- Pa weithdrefn y mae’n rhaid i chi ei dilyn o ran taliad a wrthodwyd
- Beth allai ddigwydd os nad ydych chi’n rhoi gwybod am gamgymeriadau
- Y mathau o broblemau a allai ddigwydd pan fyddwch chi’n derbyn taliadau a sut i ddelio â’r rhain
- Y gweithdrefnau ar gyfer casglu cynnwys y pwynt talu, gan gynnwys i bwy y dylech drosglwyddo taliadau
- Y gweithdrefnau ar gyfer gorffen a throsglwyddo ar ddiwedd shifft
- Beth yw TAW a sut mae’n cael ei hychwanegu at y bil
- Sut i ddelio â childwrn arian parod a childyrnau trwy daliadau electronig, yn unol â’ch polisi sefydliadol
Cwmpas/ystod
1. Deunyddiau
18.1 fflôt arian parod
18.2 cyfwerth ag arian parod
18.3 deunydd ysgrifennu perthnasol
18.4 rholiau papur til / peiriant cerdyn
18.5 dyfeisiau sy’n cael eu dal â llaw
2. Taliadau
2.1 arian parod
2.2 cardiau credyd / debyd
2.3 digyswllt e.e. cardiau / tabledi / oriorau / ffonau symudol
2.4 cyfwerth ag arian parod
Cwmpas Perfformiad
Casglu wedi’i awdurdodi
Y person cywir sy’n dod i gasglu’r taliadau o’r til
Cyfwerth ag arian parod
Er enghraifft, talebau, gostyngiadau, cardiau arian cyfred
Pwynt talu
Til, peiriant cerdyn, dyfais electronig (e.e. tabled / cyfrifiadur) neu ddyfais sy’n cael ei dal â llaw