Delio â chwsmeriaid wrth iddynt gyrraedd

Mae’r safon hon yn ymwneud â delio â chwsmeriaid wrth iddynt gyrraedd, gan eu helpu i gofrestru eu hunain, lle bo hynny’n bresennol, prosesu dogfennau cofrestru a hyrwyddo cynnyrch a gwasanaethau’r sefydliad. Mae ar gyfer pobl sy’n delio â chofrestru cwsmeriaid yn rheolaidd. Mae delio â chwsmeriaid wrth iddynt gyrraedd yn rhan hanfodol o rôl blaen tŷ.

Yn ôl pob tebyg, chi fydd un o’r bobl gyntaf i’r cwsmer gyfarfod â nhw ac mae angen i chi gyfleu delwedd broffesiynol, effeithlon a chroesawgar o’r dechrau’n deg. Mae’n bosibl mai’r argraff gyntaf honno fydd yr unig argraff gaiff cwsmeriaid o’ch sefydliad, felly mae’n hanfodol y bydd yn brofiad cadarnhaol, hyd yn oed os ydych chi’n cynnig gwasanaeth hunangofrestru.

Pan fyddwch chi wedi cwblhau’r safon hon, byddwch chi’n gallu dangos eich dealltwriaeth o’r canlynol, a’ch gallu i:
• Ddelio â chwsmeriaid wrth iddynt gyrraedd

1. Nodi gofynion cwsmeriaid yn gywir
2. Adalw manylion bwcio’r cwsmer o’r system fwcio a’u gwirio gyda’r cwsmer
3. Cynnig dewisiadau yn lle unrhyw wasanaethau nad ydynt ar gael fel y gofynnwyd amdanynt
4. Cwblhau’r ddogfen gofrestru yn gywir
5. Cofrestru’r cwsmer yn gywir ac yn effeithlon, gan ddilyn pob gweithdrefn sefydliadol, gan gynnwys derbyn taliadau lle bo hynny’n berthnasol
6. Rhoi gwybodaeth gywir sy’n bodloni anghenion cwsmeriaid
7. Hyrwyddo gwasanaethau a chyfleusterau eich sefydliad lle bo hynny’n briodol
8. Trosglwyddo manylion cwsmeriaid i’r adran berthnasol yn unol â gweithdrefnau’r sefydliad
9. Amddiffyn cyfrinachedd cwsmeriaid wrth ddosbarthu allweddi
10. Cynorthwyo â hunangofrestru pan ofynnir am gymorth

1. Safonau eich sefydliad ar gyfer gofal cwsmeriaid a pham mae’r rhain yn bwysig
2. Gweithdrefnau bwcio eich sefydliad a pham mae’n bwysig dilyn y rhain yn gywir
3. Gweithdrefnau cofrestru eich sefydliad a pham mae’n bwysig dilyn y rhain yn gywir, gan gynnwys hunan-gofrestru lle bo hynny ar gael
4. Gofynion cyfreithiol sylfaenol perthnasol yn gysylltiedig â llety, nwyddau a gwasanaethau sydd ar werth
5. Y mathau o broblemau a all ddigwydd pan fydd cwsmeriaid yn cyrraedd a sut i ddelio â’r rhain
6. Pam mae’n rhaid i’r cwsmer lenwi dogfennaeth gofrestru yn gywir
7. Y gofynion penodol ar gyfer cofrestru ymwelwyr o dramor
8. Gweithdrefn eich sefydliad ar gyfer dyrannu ystafelloedd
9. Pam mae’n bwysig rhoi gwybodaeth gywir i gwsmeriaid
10. Pam mae’n bwysig nodi gofynion cwsmeriaid yn gywir
11. Pa wybodaeth gofrestru y mae’n rhaid ei chael er mwyn cydymffurfio â deddfwriaeth
12. Pam dylai’r holl ohebiaeth sy’n gysylltiedig â’r bwciad fod ar gael
13. Gweithdrefnau eich sefydliad os bydd cwsmeriaid am drafod prisiau adeg cyrraedd

1. Cwsmeriaid
13.1 â gofynion arferol
13.2 â gofynion arbennig
13.3 sydd heb fwcio ymlaen llaw

2. Systemau bwcio
2.1 system gyfrifiadurol
2.2 system â llaw

3. Gwybodaeth i gwsmeriaid
3.1 lleoliad yr ystafell
3.2 diogelwch allweddi a gweithdrefnau diogelwch
3.3 gwasanaethau a chyfleusterau sydd ar gael
3.4 prisiau
3.5 cynigion a hyrwyddiadau arbennig sydd ar gael

4. Gwasanaethau a chyfleusterau
4.1 cyfleusterau busnes
4.2 cyfleusterau hamdden
4.3 cyfleusterau bwyd a diod