Storio ac adalw gwybodaeth

Mae’r safon hon yn ymwneud â phrosesu, storio ac adalw gwybodaeth gan ddefnyddio gwahanol systemau gwybodaeth, yn unol â gofynion sefydliadol. Mae ar gyfer pobl sydd â mynediad rheolaidd at systemau gwybodaeth o fewn swyddogaethau blaen tŷ. Mae prosesu, storio ac adalw gwybodaeth yn allweddol i sicrhau bod staff yn gallu cael at y wybodaeth yn gyflym ac yn hawdd, sy’n arwain at fodloni ceisiadau cwsmeriaid am wybodaeth yn effeithiol ac yn effeithlon. Yn ei dro, gall hyn helpu cwsmeriaid i gael profiad cadarnhaol, ar y cyfan, yn eich sefydliad.
Pan fyddwch chi wedi cwblhau’r safon hon, byddwch chi’n gallu dangos eich dealltwriaeth o’r canlynol, a’ch gallu i:
• Storio ac adalw gwybodaeth

1. Nodi a chasglu gwybodaeth ofynnol gan ddilyn gweithdrefnau cytunedig a deddfwriaeth berthnasol i gynnal diogelwch a chyfrinachedd
2. Storio gwybodaeth ofynnol mewn lleoliadau cymeradwy yn unol â therfynau amser cytunedig
3. Adolygu a diweddaru gwybodaeth i sicrhau ei bod yn gywir, yn gyfredol a’i bod yn bodloni gofynion cyfreithiol perthnasol
4. Dilyn gweithdrefnau cytunedig a deddfwriaeth berthnasol ar gyfer dileu gwybodaeth
5. Cadarnhau gwybodaeth i’w hadalw
6. Cydymffurfio â gweithdrefnau a deddfwriaeth berthnasol ar gyfer cael mynediad i system wybodaeth
7. Lleoli ac adalw’r wybodaeth ofynnol
8. Dilyn y gweithdrefnau cywir pan fydd problemau gyda systemau gwybodaeth
9. Darparu gwybodaeth yn y fformat cytunedig, o fewn amserlenni y cytunwyd arnynt a chan ddilyn gweithdrefnau cytunedig a deddfwriaeth berthnasol

1. Diben storio ac adalw gwybodaeth ofynnol
2. Y gwahanol systemau gwybodaeth a’u prif nodweddion
3. Gofynion cyfreithiol a sefydliadol perthnasol ar gyfer diogelwch, storio a chyfrinachedd gwybodaeth
4. Diben cadarnhau pa wybodaeth sydd i’w chasglu, ei storio a’i hadalw
5. Y dulliau y gellir eu defnyddio i gasglu gwybodaeth ofynnol
6. Y gweithdrefnau i’w dilyn i gael mynediad i systemau gwybodaeth
7. Y mathau o wybodaeth i’w dileu
8. Y gweithdrefnau ar gyfer nodi a dileu gwybodaeth a pham mae’n rhaid eu dilyn
9. Sut i wneud yn siŵr bod gwybodaeth yn gywir
10. Y problemau a all ddigwydd gyda systemau gwybodaeth ac i bwy y dylid rhoi gwybod amdanynt
11. Pwrpas darparu gwybodaeth yn y fformat gofynnol ac o fewn terfynau amser cytunedig