Glanhau llinellau dosbarthu diodydd

Mae’r safon hon yn ymwneud â sut rydych chi’n glanhau ac yn cynnal a chadw sianeli’r pibellau a’r tapiau a ddefnyddir i ddosbarthu amrywiaeth o ddiodydd yn eich gweithle, er enghraifft diodydd ysgafn, gwin a chwrw.

Mae’r safon hon yn canolbwyntio ar y wybodaeth a’r sgiliau technegol y mae eu hangen i lanhau llinellau dosbarthu diodydd; fodd bynnag, dylid ei hasesu yng nghyd-destun ehangach arferion gweithio diogel a hylan. Argymhellir cyfeirio at yr NOS canlynol, a ddewisir am eu bod yn briodol i’r rôl ac i’r sefydliad, ar y cyd â’r sgiliau a’r wybodaeth dechnegol ar gyfer y safon:
• Cynnal diogelwch bwyd sylfaenol mewn arlwyo
• Cynnal diogelwch bwyd mewn amgylchedd lletygarwch
• Rhoi cyngor sylfaenol ar alergenau i gwsmeriaid
• Lleihau risg alergenau i gwsmeriaid

Pan fyddwch chi wedi cwblhau’r safon hon, byddwch chi’n gallu dangos eich dealltwriaeth o’r canlynol, a’ch gallu i:
• Lanhau llinellau dosbarthu diodydd

1. Paratoi’r llinellau dosbarthu diodydd yn barod i’w glanhau, gan ofalu dilyn gweithdrefnau ar gyfer datgysylltu barilanau a’r cyflenwad nwy
2. Defnyddio’r gweithdrefnau cywir, cemegion wedi’u mesur a chyfarpar diogelu personol i gyflawni’r broses o lanhau’r llinellau dosbarthu diodydd
3. Dilyn y weithdrefn a’r amseriadau cywir i socian y llinellau a’r tapiau dosbarthu
4. Dilyn y gweithdrefnau cywir i fflysio’r llinellau dosbarthu, gan eu gadael yn lân, heb ddifrod, heb gemegion ac yn gweithio’n dda
5. Gwneud yn siŵr eich bod wedi sugno’r ddiod a ailgysylltwyd drwy’r llinell ddosbarthu a’ch bod wedi gwirio ansawdd y ddiod cyn ailddechrau ei dosbarthu, a chofnodi’r gwaith glanhau yn unol â gweithdrefnau sefydliadol
6. Storio holl gyfarpar a chemegion glanhau llinellau dosbarthu yn y man cywir, yn unol â gweithdrefnau eich gweithle
7. Gwirio bod yr ardal dosbarthu diodydd yn lân ac yn daclus

1. Deddfwriaeth berthnasol yn gysylltiedig ag arferion gweithio diogel a hylan wrth lanhau llinellau dosbarthu diodydd
2. Pam mae’n bwysig glanhau’r llinellau dosbarthu diodydd
3. Beth yw peryglon cam-drafod barilanau a chyflenwadau nwy
4. Pam mae’n bwysig dilyn y gweithdrefnau cywir wrth drafod cemegion
5. Y cyfarpar a’r technegau penodol sy’n ofynnol i lanhau’r llinellau dosbarthu diodydd yn eich gweithle
6. Pa linellau ddylai gael eu rinsio’n drylwyr ar ôl eu glanhau
7. Y mathau o broblemau a all ddigwydd wrth lanhau llinellau dosbarthu diodydd a sut i ddelio â’r rhain

1. Llinellau dosbarthu diodydd
1.1 cwrw / lager
1.2 stowt
1.3 seidr
1.4 cwrw dihopys
1.5 gwin / coctels
1.6 diodydd ysgafn