Paratoi a gweini coctels (cymysgu diodydd)

Mae’r safon hon yn ymwneud â pharatoi a gweini coctels, neu gymysgu diodydd (mixology, sef celfyddyd paratoi diodydd cymysg). Mae’r safon yn delio â sut rydych chi’n paratoi cyfarpar a chynhwysion, dulliau cymysgu a dulliau cyflwyno a ddefnyddir wrth ddarparu diod gymysg ddeniadol i’ch cwsmer yn addas i’w anghenion.

Mae’r safon hon yn canolbwyntio ar y wybodaeth a’r sgiliau technegol y mae eu hangen i baratoi a gweini coctels (cymysgu diodydd); fodd bynnag, dylid ei hasesu yng nghyd-destun ehangach arferion gweithio diogel a hylan. Argymhellir cyfeirio at yr NOS canlynol, a ddewisir am eu bod yn briodol i’r rôl ac i’r sefydliad, ar y cyd â’r sgiliau a’r wybodaeth dechnegol ar gyfer y safon:
• Cynnal diogelwch bwyd sylfaenol mewn arlwyo
• Cynnal diogelwch bwyd mewn amgylchedd lletygarwch
• Rhoi cyngor sylfaenol ar alergenau i gwsmeriaid
• Lleihau risg alergenau i gwsmeriaid

Pan fyddwch chi wedi cwblhau’r safon hon, byddwch chi’n gallu dangos eich dealltwriaeth o’r canlynol, a’ch gallu i:
• Baratoi a gweini coctels (cymysgu diodydd)

1. Gwneud yn siŵr bod ardal y gwasanaeth yn lân, heb ddifrod ac yn barod i’w defnyddio yn unol â gweithdrefnau eich gweithle
2. Gwneud yn siŵr bod y cyfarpar (gan gynnwys cynwysyddion gwastraff) yn lân, heb ddifrod, wedi’i leoli yn y man cywir ac ymlaen yn barod i’w ddefnyddio
3. Gwneud yn siŵr eich bod wedi paratoi digon o gynhwysion ac ychwanegiadau yn barod ar gyfer y gwasanaeth ac wedi’u storio’n briodol
4. Gwneud yn siŵr bod ardal y cwsmeriaid yn edrych yn ddeniadol ac yn groesawgar i gwsmeriaid, yn unol â gweithdrefnau eich gweithle
5. Cydnabod eich cwsmeriaid a rhoi cymorth i gwsmeriaid, fel bo angen
6. Gwneud yn siŵr bod gan eich cwsmeriaid y fwydlen goctels gywir i ddewis ohoni
7. Rhoi gwybodaeth gywir i’ch cwsmeriaid sy’n ychwanegu at eu profiad, gan ateb cwestiynau a hyrwyddo cynhyrchion a gwasanaethau eich cwmni
8. Cynorthwyo’ch cwsmeriaid i wneud dewisiadau, lle bo’n briodol, a chymryd cyfleoedd i wneud y mwyaf o’r archeb gan ddefnyddio technegau gwerthu
9. Rhoi coctels at ei gilydd gan ddefnyddio’r mesurau, y technegau a’r cyfarpar argymelledig a’u gorffen gyda’r ychwanegiadau priodol
10. Gweini diodydd alcohol dim ond i bobl sydd â hawl i’w cael
11. Cadw’r cyfarpar a’r ardal baratoi/gwasanaeth yn lân ac yn daclus, yn rhydd rhag sbwriel a gweddillion

1. Arferion gweithio diogel a hylan wrth baratoi ardaloedd a chyfarpar ar gyfer gwneud coctels
2. Pam mae’n bwysig dilyn gofynion diogelwch bwyd wrth baratoi coctels
3. Pam mae’n bwysig paratoi cynhwysion ac ychwanegiadau ymlaen llaw
4. Y mathau o broblemau a all ddigwydd wrth baratoi’r ardal a’r cyfarpar ar gyfer gwneud coctels
5. Deddfwriaeth berthnasol yn gysylltiedig â thrwyddedu a phwysau a mesurau
6. Arferion gweithio diogel a hylan wrth gymysgu a gweini coctels
7. Pam dylid rhoi gwybod am bob digwyddiad cwsmeriaid, ac i bwy
8. Ble gellir cael deddfwriaeth iechyd a diogelwch, diogelwch bwyd a thrwyddedu, ac oddi wrth bwy
9. Pam mae’n bwysig rhoi gwybodaeth gywir i gwsmeriaid am gynhwysion, nodweddion sylfaenol a chryfder eu diod
10. Pam mae’n bwysig rhoi gwybodaeth gywir i gwsmeriaid am gynigion arbennig a hyrwyddiadau
11. Beth yw’r technegau ar gyfer gwneud amrywiaeth o goctels alcohol a heb alcohol
12. Pam mae’n bwysig dilyn rysáit a defnyddio’r mesurau cywir wrth wneud coctels
13. Pryd mae hawl gennych arllwys cynhwysion coctels yn rhydd
14. Pa symptomau sy’n awgrymu bod cwsmer wedi yfed yn ormodol neu fod cwsmer dan ddylanwad cyffuriau a beth yw eich cyfrifoldebau cyfreithiol yn gysylltiedig â hyn
15. Sut i ddelio â chwsmeriaid treisgar neu anystywallt
16. Y mathau o broblemau a all ddigwydd wrth gymysgu a gweini coctels a sut i ddelio â’r rhain

1 Cyfarpar
1.1 blendiwr
1.2 teclynnau ysgwyd / cymysgu
1.3 arllwyswyr
1.4 eitemau troi
1.5 gwasgwyr / hidlau
1.6 bwrdd a chyllell dorri
1.7 gwydrau / jygiau / piseri
1.8 sgŵp iâ
1.9 bwydlen goctels

2 Cynhwysion
2.1 ffrwythau
2.2 sudd ffrwythau / diodydd ysgafn / diodydd cymysgu
2.3 hufen / llaeth
2.4 alcohol
2.5 syryp

3 Ychwanegiadau
3.1 iâ
3.2 garnais bwyd
3.3 halen / siwgr
3.4 eitemau addurnol / eitemau troi

4 Gwybodaeth
4.1 pris
4.2 cynhwysion
4.3 mesurau / cryfder cymharol

5 Cynhwysyn sylfaen
5.1 gwirod
5.2 hufen
5.3 siampên
5.4 ffrwyth

6 Dull
6.1 siglo / cymysgu
6.2 troi
6.3 blendio
6.4 cywasgu / corddi
6.5 wedi’i adeiladu / arllwys
6.6 haenedig