Paratoi a gorffen seigiau salad a ffrwythau syml

Mae’r safon hon yn ymwneud â pharatoi a chyflwyno seigiau salad a ffrwythau, er enghraifft:
• saladau ffrwythau
• saladau llysiau
• saladau ffacbys a ffa

Mae’r safon hon yn canolbwyntio ar y wybodaeth a’r sgiliau technegol y mae eu hangen i baratoi a gorffen seigiau salad a ffrwythau syml; fodd bynnag, dylid ei hasesu yng nghyd-destun ehangach arferion gweithio diogel a hylan. Argymhellir cyfeirio at yr NOS canlynol, a ddewisir am eu bod yn briodol i’r rôl ac i’r sefydliad, ar y cyd â’r sgiliau a’r wybodaeth dechnegol ar gyfer y safon:
• Cynnal diogelwch bwyd sylfaenol mewn arlwyo
• Cynnal diogelwch bwyd mewn amgylchedd cegin
• Rhoi cyngor sylfaenol ar alergenau i gwsmeriaid
• Lleihau risg alergenau i gwsmeriaid

Pan fyddwch chi wedi cwblhau’r safon hon, byddwch chi’n gallu dangos eich dealltwriaeth o’r canlynol, a’ch gallu i:
• Baratoi a gorffen seigiau salad a ffrwythau syml

1. Gwirio’r cynhwysion i sicrhau eu bod yn addas i’w paratoi
2. Dewis yr offer, y cyllyll a’r cyfarpar cywir i baratoi a gorffen salad a ffrwythau
3. Defnyddio’r offer, y cyllyll a’r cyfarpar yn gywir wrth baratoi a gorffen salad a ffrwythau
4. Paratoi’r cynhwysion yn gywir ar gyfer y saig
5. Cyflwyno’r saig i fodloni gofynion
6. Storio unrhyw eitemau wedi’u paratoi na fyddant yn cael eu defnyddio ar unwaith yn unol â rheoliadau diogelwch bwyd

1. Sut i storio salad a ffrwythau cyn eu paratoi
2. Beth ddylech chi chwilio amdano i sicrhau bod pob math o salad, ffrwyth a chynhwysion eraill yn addas i’w defnyddio
3. Pam dylech chi roi gwybod am unrhyw broblemau gyda’r salad, y ffrwythau neu’r cynhwysion eraill, ac i bwy
4. Yr offer a’r cyfarpar cywir ar gyfer y dulliau paratoi
5. Pam mae’n bwysig defnyddio’r offer a’r cyfarpar cywir
6. Sut dylech chi gyflawni’r dulliau paratoi yn gywir
7. Y gofynion storio cywir ar gyfer seigiau salad a ffrwythau syml na fyddant yn cael eu bwyta ar unwaith

1. Cynhwysion
1.1 ffrwythau wedi’u rhewi
1.2 ffrwythau ffres
1.3 salad ffres
1.4 ffrwythau wedi’u paratoi
1.5 salad wedi’i baratoi

2. Paratoi trwy
2.1 blicio
2.2 tocio
2.3 golchi
2.4 mwydo
2.5 torri
2.6 cymysgu
2.7 sesno
2.8 rhannu’n ddognau
2.9 cyflwyno