Paratoi a choginio wyau

Mae’r safon hon yn ymwneud â pharatoi, coginio a gorffen seigiau wy syml, er enghraifft:
• wyau wedi’u ffrio
• wyau wedi’u sgramblo
• wyau wedi’u berwi
• wyau wedi’u potsio

Mae’r technegau paratoi a choginio dan sylw yn cynnwys:
• cracio
• curo
• sesno
• berwi
• ffrio bas
• coginio ar gridyll
• sgramblo
• potsio

Mae’r safon hon yn canolbwyntio ar y wybodaeth a’r sgiliau technegol y mae eu hangen i baratoi a choginio wyau; fodd bynnag, dylid ei hasesu yng nghyd-destun ehangach arferion gweithio diogel a hylan. Argymhellir cyfeirio at yr NOS canlynol, a ddewisir am eu bod yn briodol i’r rôl ac i’r sefydliad, ar y cyd â’r sgiliau a’r wybodaeth dechnegol ar gyfer y safon:
• Cynnal diogelwch bwyd sylfaenol mewn arlwyo
• Cynnal diogelwch bwyd mewn amgylchedd cegin
• Rhoi cyngor sylfaenol ar alergenau i gwsmeriaid
• Lleihau risg alergenau i gwsmeriaid

Pan fyddwch chi wedi cwblhau’r safon hon, byddwch chi’n gallu dangos eich dealltwriaeth o’r canlynol, a’ch gallu i:
• Baratoi a choginio wyau

1. Gwirio bod yr wyau a’r cynhwysion eraill yn addas i’w coginio
2. Dewis yr offer a’r cyfarpar cywir ar gyfer paratoi a choginio wyau
3. Defnyddio’r offer a’r cyfarpar yn gywir wrth baratoi a choginio wyau
4. Paratoi’r wyau i fodloni gofynion
5. Coginio’r wyau yn ôl y gofyn
6. Gorffen yr wyau yn ôl y gofyn
7. Sicrhau bod yr wyau ar y tymheredd cywir i’w dal a’u gweini
8. Storio unrhyw wyau na fyddant yn cael eu defnyddio ar unwaith yn unol â rheoliadau diogelwch bwyd

1. Sut i storio wyau amrwd
2. Sut i wirio bod wyau amrwd yn addas i’w paratoi a’u coginio
3. Pam dylech chi roi gwybod am unrhyw broblemau gyda’r wyau neu gynhwysion eraill, ac i bwy
4. Yr offer a’r cyfarpar cywir ar gyfer cyflawni’r dulliau paratoi a choginio
5. Pam mae’n bwysig defnyddio’r offer a’r cyfarpar cywir
6. Sut i ddefnyddio’r dulliau paratoi a choginio
7. Sut i ddweud p’un a yw wyau wedi’u coginio’n gywir
8. Y tymereddau cywir ar gyfer dal a gweini wyau wedi’u coginio
9. Y gofynion storio cywir ar gyfer wyau na fyddant yn cael eu bwyta ar unwaith

1. Dulliau paratoi
1.1 cracio
1.2 curo
1.3 sesno

2. Dulliau coginio
2.1 berwi
2.2 ffrio bas
2.3 ar gridyll
2.4 sgramblo
2.5 potsio