Gweithio’n unigol a dilyn gweithdrefnau adrodd mewn amgylchedd glanhau

Mae’r safon hon yn ymwneud â gweithio ar eich pen eich hun a sicrhau eich diogelwch eich hun wrth wneud hynny. Mae ar gyfer pobl sy’n cyflawni dyletswyddau glanhau wrth weithio ar eu pen eu hunain. Gallent fod yn gynorthwyydd cadw tŷ neu’n lanhawr. Wrth weithio ar eich pen eich hun, efallai bydd yn rhaid i chi ddelio â gweithwyr tîm o feysydd galwedigaethol eraill neu’r cyhoedd trwy ddarparu gwybodaeth iddynt, neu ryngweithio â nhw mewn rhyw ffordd arall. Yn y sefyllfaoedd hyn, mae’n bwysig ymddwyn yn briodol i greu argraff gadarnhaol o’ch cyflogwr a/neu’r gweithle.

Pan fyddwch chi wedi cwblhau’r safon hon, byddwch chi’n gallu dangos eich dealltwriaeth o’r canlynol, a’ch gallu i:
• Weithio’n unigol a dilyn gweithdrefnau adrodd mewn amgylchedd glanhau

1. Cynnal lefelau cytunedig o gysylltiad â’r person priodol wrth gyflawni’r gwaith
2. Dilyn y weithdrefn gywir ar gyfer cael mynediad i’r gweithle a’i adael
3. Nodi risgiau sy’n bresennol yn y gweithle
4. Gweithredu er mwyn lleihau risgiau yn y gweithle
5. Rheoli mynediad i’r gweithle o fewn cyfyngiadau eich cyfrifoldeb eich hun
6. Ymateb i gwsmeriaid ac i eraill a darparu gwybodaeth sy’n bodloni eu hanghenion
7. Defnyddio’r amserlen waith i gwblhau’r gwaith
8. Nodi tasgau na allwch eu cwblhau yn unigol a rhoi gwybod i’r person priodol
9. Rhoi gwybod i’r person priodol am unrhyw broblemau na allwch chi ddelio â nhw ar eich pen eich hun, sy’n effeithio ar iechyd a diogelwch neu sy’n effeithio ar enw da’r gweithle
10. Cofnodi a rhoi gwybod am unrhyw doriadau, difrod a tharfu yn y gweithle
11. Rhoi gwybod i’r person priodol am unrhyw waith sy’n anghyflawn a chytuno â’r person priodol ar drefniadau ar gyfer gorffen y gwaith

1. Trefniadau ar gyfer cysylltu â’r person priodol a pha mor aml y dylid cysylltu wrth gyflawni’r gwaith
2. Gweithdrefnau ar gyfer cael mynediad i’r gweithle
3. Y mathau o risg sy’n bresennol yn y gweithle a phwysigrwydd gweithredu i leihau risgiau
4. Lefel eich cyfrifoldeb chi am reoli mynediad i’r gweithle a phwysigrwydd dilyn gweithdrefnau ar gyfer mynediad
5. Mathau o bobl awdurdodedig eraill sy’n gallu cael mynediad i’r gweithle
6. Safonau ymddygiad a ddisgwylir yn y gweithle
7. Pwysigrwydd rhoi argraff gadarnhaol i bobl eraill
8. Gwahanol ffyrdd o gyfathrebu ag eraill a pham mae’n bwysig gwirio eich bod wedi cael eich deall
9. Gofynion sefydliadol ar gyfer adrodd i’ch cyflogwr neu i gwsmer
10. Gweithdrefnau a rheolau’r cyflogwr, gan gynnwys gweithdrefnau a chysylltiadau mewn argyfwng, sy’n berthnasol i'r ardal weithio
11. Gofynion sefydliadol ar gyfer cofnodi difrod, toriadau a tharfu a achoswyd a phwysigrwydd rhoi gwybod amdanynt
12. Gofynion sefydliadol ar gyfer gadael y gweithle a phwysigrwydd gadael y gweithle dan glo
13. Ble i gael amserlen a chyfarwyddiadau gwaith
14. Ardaloedd lle mae gennych awdurdod i gyflawni gwaith
15. Pwysigrwydd asesu sut mae eich gwaith eich hun yn mynd yn ei flaen
16. Pwysigrwydd nodi unrhyw dasgau na fyddwch chi’n gallu’u cwblhau yn unigol